ပညာဒါနကျောင်းများ ဖွင့်ခွင့်မပြု၊ ဇိမ်ခန်းများ ဖွင့်ခွင့်ပြု

ရန်ကုန်တိုင်း လှိုင်သာယာ မြို့နယ်တွင် တည်ရှိသော "အမေ့အိမ် ပညာဒါန" အမည်ရှိ အခြေခံပညာအဆင့် အခမဲ့ ပညာသင်ကျောင်းကို ပညာရေးဝန်ကြီးဌာန အခြေခံပညာ ဦးစီးဌာနမှ ဖွင့်လှစ်ခွင့် မပြုဘဲ တားမြစ်လိုက်ပြီး၊ အနှိပ်ခန်းများ၊ ကေတီဗီများနှင့် ဇိမ်ခန်းများကိုမူ အခြေအနေ မပျက် ဆက်လက် ဖွင့်လှစ်ခွင့် ပြုလိုက်သည်။

စစ်တမ်းတခုအရ အနှိပ်ခန်းများတွင် အလုပ်လုပ်ကိုင်သူ မိန်းကလေး အများစုမှာ လှိုင်သာယာ မြို့နယ်တွင် နေထိုင်ကြောင်း တွေ့ရသည်။ သို့ဖြစ်၍ တိုင်းပြည်၏ အဆင်တန်ဆာ ဖြစ်သော အဆိုပါ ဇိမ်လုပ်ငန်းများ မပျောက်ကွယ်စေရေးနှင့် ရေရှည် တည်တံ့ခိုင်မြဲရေးကို အနာဂတ်တွင် မထိခိုက်စေရန် အတွက် လှိုင်သာယာ မြို့နယ်အတွင်း ပညာဒါန သင်တန်းများ ဖွင့်လှစ်ကာ အသိပညာ မြှင့်တင်ရေး လုပ်ငန်းများ ဆောင်ရွက်နေသည်ကို အာဏာပိုင်များက မလိုလားခြင်း ဖြစ်နိုင်ကြောင်း၊ ထို့ကြောင့် ပညာဒါန သင်တန်းကို ယခုကဲ့သို့ တားမြစ် ပိတ်ပင်ခြင်း ဖြစ်နိုင်ကြောင်း ပညာရေး ၀န်ထမ်းတဦးက သုံးသပ်သည်။

မြန်မာနိုင်ငံတွင် တိုင်းပြည် ကောင်းကျိုး အတွက် ဆောင်ရွက်သည့် ကောင်းမှု လုပ်ငန်းဟူသမျှကို လုပ်ကိုင်ခွင့် မပြုဘဲ ပိတ်ပင်လေ့ရှိပြီး မကောင်းမှု ဒုစရိုက် လုပ်ငန်း မျိုးစုံကိုမူ အာဏာပိုင်များက လွတ်လပ်စွာ လုပ်ကိုင်ခွင့် ပေးထားသည်။-

(Screen Shot fr Youtube)

သတင်း အပြည့်အစုံသို့