Thursday, April 28, 2011

ကြက်အစ မြန်မာက


"ကြက်အစ မြန်မာက" ဟု ကမ္ဘာကျော် စာရေးဆရာကြီး H.G. Wells က ဆိုသည်။


ကြက်မွေးမြူရေးအစ မြန်မာက ဟူသော အဆိုကို အထောက်အထား ပြည့်စုံကြောင်း ထောက်ခံသူများလည်း ရှိသည်။ ထိုအဆို မည်မျှ မှန်ကန်သည်ကို အတိအကျ မသိနိုင်သော်လည်း မြန်မာပြည်တွင် ကြက်များ ပေါများသည်ကတော့ အမှန်ပင် ဖြစ်ပြီး၊ အိမ်နီးချင်း နိုင်ငံများတွင်ပါ မြန်မာ ကြက်များကို တွေ့ရသည်။

(Screen-shot from "Life of Myanmar Girl"- Youtube)

ကြက်မွေးမြူရေးအစ ဘယ်နိုင်ငံက (အခြား သီအိုရီများ)
History of Chickens
History of the Chicken
Chicken

Monday, April 25, 2011

အမေရိကန်တွေ မြန်မာစာ၊ မြန်မာစကား သင်နေပြီ

မြန်မာလူမျိုး သင်္ဘောသူကြီး ကိုလံဘတ် (ကြီးလာတဲ့အခါ ဦးလံဘတ်)၏ အမေရိကား တိုက် ရှာဖွေတွေ့ရှိမှုနှင့်အတူ အမေရိကန်ပြည်တွင် မြန်မာလူမျိုး မြောက်မြားစွာ အခြေချ နေထိုင်ခဲ့ကြသည်။ ပေါင်ကားကားနှင့် ဆောင့်ကြောင့်ထိုင်နေသော အမေကြီးတဦးကို သင်္ဘောသူကြီး ကိုလံဘတ်က စတင်တွေ့ရှိရာမှ "အမေကြီး-ကား" ဟု အမည်ပေးခဲ့ပြီး ကာလ ရွေ့လျားသော် "အမေရိကား" ဖြစ်လာသည်။

မြန်မာတို့သည် အမေရိကားနိုင်ငံတွင် ဥက္ကလံမြို့ (Oakland) နှင့် ဖိုးဝင်းမြို့ (Fort Wayne) - (ဦးဖိုးဝင်း တည်ထောင်သည်) - တို့တွင် လူဦးရေ ထူထပ်စွာနေထိုင်ကြသည် (ဒီမှာ ဖတ်ပါ)။ အဆိုပါ မြန်မာ များအနက်မှ ဖားရိုက်ကာ ဈေးတွင် ဖားသား ရောင်းပြီး အသက်မွေး ၀မ်းကျောင်းပြုသော ဖားရိုက်-အိုဗမာ (Barack Obama) ဆိုသူ မြန်မာ အမျိုးသားတဦး သမ္မတ ဖြစ်လာခဲ့ရာ အမေရိကား ရုံးသုံးစာ အဖြစ် မြန်မာစာကို ပြဌာန်းလိုက်သည်။ ထို့ကြောင့် အမေရိကန် လူမျိုးအပေါင်းတို့သည် မြန်မာစာ၊ မြန်မာစကားကို သင်ယူလျက်ရှိကြကြောင်း သတင်းရရှိသည်။


အမေရိကန်တွေ မြန်မာစာ မြန်မာစကားသင် (သတင်းဖတ်ရန်)

Sunday, April 24, 2011

လူသယံဇာတ- ဆိုပါလား

(Kyay Mon, 23 April 2011)

"သယံဇာတ" ဆိုသည်မှာ အလိုအလျောက် ဖြစ်ထွန်းသောအရာ ဟု အဓိပ္ပါယ်ရသည်။ မြန်မာနိုင်ငံတွင် မြေပေါ် မြေအောက်၊ ရေပေါ် ရေအောက် သယံဇာတ အလွန်ပေါများကြောင်း ကျောင်းသုံး ပထ၀ီဝင် စာအုပ်များတွင် ပြဌာန်းဖော်ပြသည်။  မြန်မာ အစိုးရသည် အဆိုပါ သယံဇာတများကို မကုန်မချင်း ထုတ်ယူ ရောင်းချလျက် ရှိသည်။

ယမန်နေ့ထုတ် ကြေးမုံ သတင်းစာတွင်မူ "လူသယံဇာတ" ဟု ဖော်ပြထားရာ ရှိသမျှ မြေပေါ်မြေအောက် သယံဇာတများ ကုန်ခမ်းသွားပါက "လူသယံဇာတ" များကိုပါ မကုန်မချင်း တင်ပို့ ရောင်းချဖွယ် ရှိနေသည်။ 

@Mr Moon   

Saturday, April 23, 2011

မြန်မာပြည် ရထားများပေါ် လက်ပ်တော့ပ် သယ်ဆောင်ပါက ဒဏ်ငွေဆောင်ရမည်

မြန်မာနိုင်ငံက ရထားပေါ်ကို သင်၏ ခရီးဆောင် ကွန်ပြူတာ လက်ပ်တော့ပ်အား ယူသွားပါက လက်မှတ်စစ် တွေ့ရှိလျှင် တန်ဆာမဆောင်ဘဲ သယ်ဆောင်မှုဖြင့် ဒဏ်ငွေဆောင်ရမှာ ဖြစ်သည်။

မြို့ပတ် ရထားပေါ်ဖြစ်စေ၊ နယ်ဝေးပြေးဆွဲနေသည့် ရထားများ အပေါ်တွင်ဖြစ်စေ ကွန်ပြူတာတွေ့လျှင် ဒဏ်ငွေ ၄၈ဝဝ ကျပ်အထိ ဒဏ်တပ်ခံရမည်ဟု နေပြည်တော်ရှိ ရထားပို့ဆောင်ရေး စီးပွားရေးဌာနက တာဝန်ရှိသူတဦးက အတည်ပြုပြောကြားသည်။

”ကွန်ပြူတာ လက်ပ်တောပ့်ကတော့ Personal Use လည်း မရဘူးခင်ဗျ။ တလုံးထဲလည်း ဒဏ်ရိုက်ပါတယ်” ဟု သူက ပြောသည်။

ရထားပေါ် လက်ပ်တော့ ကွန်ပြူတာ သယ်ဆောင်မှုဖြင့် ဒဏ်ရိုက်ခံခဲ့ရသူ တဦးက ဒဏ်ငွေ ကျပ် ၂၁ဝဝ ပေးဆောင် ထားခဲ့ရသော ပြေစာကို မကြာသေးခင်က Facebook တွင် တင်ထားခဲ့ရာ လူအများအကြား မြန်မာ့ရထား၏ စည်းမျဉ်းစည်းကမ်းကို အံ့သြမှု ဖြစ်ခဲ့ကြသည်။

အဆိုပါ ခရီးသည် ဒဏ်ငွေ ဆောင်ခဲ့ရမှုနှင့် ပတ်သက်၍ မီးရထား အရာရှိကမူ ဒဏ်ငွေပမာဏ ၂၁ဝဝ ကျပ်သာ ပေးဆောင်ရသည်မှာ ”ကံကောင်း” သော ဖြစ်ရပ်ဟု ပြောသည်။ ဒဏ်ငွေကို ၃ ဆအထိ ပုံမှန်ပေးဆောင်ရသည်ဟု ဆိုသည်။

ထို့အတူ တလုံးထက်ပိုသော ဓာတ်ပုံကင်မရာ၊ ဗီဒီယို ကင်မရာများလည်း တန်ဆာဆောင်ရန် လိုအပ်သည်ဟု နေပြည်တော် မီးရထား ရုံပိုင်ချုပ်ကြီး ဦးအောင်ခင်က ပြောသည်။

“အဓိကကတော့ ကွန်ပြူတာလိုမျိုး အီလက်ထရောနစ် ပစ္စည်းတွေ ရထားပေါ်မှာ ကိုင်ဆောင်ပြီး သွားမယ်ဆိုရင် ကျနော်တို့ဆီမှာ လာပြီး လက်မှတ်တောင်းယူဖို့ လိုပါတယ်။ တန်ဆာဆောင်ဖို့ လိုပါတယ်။ ဘာလို့လဲ ဆိုတော့ ကျွန်တော်တို့ မြန်မာပြည်က ရထားလမ်းတွေက နိုင်ငံတကာ ရထားလမ်းတွေလို့ အနိမ့်အမြင့် မညီဘူး။ ဒီတော့ ရထားတွေက ဂျုန်းဂျုန်း ဂျက်ဂျက် ဆိုပြီး လမ်းတလျှောက်လုံး ယိမ်းကသလို ခါယမ်း လှုပ်ခတ်တယ်။ ခင်ဗျားတို့ သိတဲ့ အတိုင်း အီလက်ထရောနစ် ပစ္စည်းတွေက အရမ်းနုတယ်လေ။ ထိမိခိုက်မိရင် ပျက်စီးလွယ်တယ်။ ကျွန်တော်တို့ ရထားတွေက အရမ်းလှုပ်တော့ အဲဒီပစ္စည်းတွေ မတော်တဆ ထိခိုက် ပျက်စီးနိုင်ပါတယ်။ ဒါကြောင့်မို့ ကျွန်တော်တို့က စေတနာ ရှေ့ထားပြီး လက်ပ်တော့တွေ မသယ်ဖို့၊ သယ်မယ်ဆိုရင်လဲ တန်ဆာဆောင်ပြီးမှ သယ်ဆောင်ဖို့ စီစဉ်ဆောင်ရွက်ထားတာ ဖြစ်ပါတယ်။ ခရီးသည်များအတွက် တကယ့် စေတနာနဲ့ ဆောင်ရွက်တာ ဖြစ်ပါတယ်” ဟု သူက ဆိုသည်။

အပြည့်အစုံသို့

မသာ ပွဲစား

(Mizzima News)

မြန်မာနိုင်ငံတွင် နေရာတကာမှာ ပွဲစား ရှိ၏။ အနှီ ပွဲစားတို့သည် အသက်ရှင်နေသော မြန်မာပြည်သူများကို ရိုက်စားလုပ်ရုံ မကတော့ပြီ။ အသက်ပျောက်ကုန်ပြီ ဖြစ်သော "မသာ" များကိုပါ ရိုက်စားကုန်ကြ၏။ အထက်ပါ သတင်းတွင် မြန်မာပြည်မှ မသာပွဲစားများ အကြောင်းကို ဦးကျော်သူက ရှင်းပြထားသည်။

သတင်းဖတ်ရန်

Thursday, April 21, 2011

စည်းကမ်းပြည့်ဝသော နိုင်ငံတွင် စည်းကမ်းပြည့်ဝစွာ အမှိုက်ပစ်လျက်ရှိ


(Myanma Alin)

မြန်မာပြည် ဒီမိုကရေစီ ရပြီဟု နိုင်ငံတော် သတင်းစာများအရ သိရသည်။ စည်းကမ်းပြည့်ဝသော ဒီမိုကရေစီဟု ဆို၏။ စည်းကမ်းပြည့်ဝသော ဒီမိုကရေစီ စနစ်ကို ကျင့်သုံးသဖြင့် ပြည်သူအများ စည်းကမ်း ပြည့်ဝစွာ အမှိုက်ပစ်ကြသည်ကို ဓာတ်ပုံများတွင် တွေ့ရသည်။

(Photo: Irrawaddy)

မြန်မာနိုင်ငံတွင် ဒီမိုကရေစီစနစ် စတင်ရှင်သန်နေပြီဖြစ်ကြောင်း၊ ထိုအချက်ကို ဖော်ပြပါ "လွတ်လပ်စွာ" အမှိုက်ပစ်ခွင့် ရှိခြင်းက သက်သေပြနေကြောင်း လွှတ်တော်တက် အမတ်မင်း တဦးက သုံးသပ်သည်။ "ဒီလို လွတ်လပ်စွာ အမှိုက်ပစ်ခွင့်မျိုးဆိုတာ ဒီမိုကရေစီ ဘိုးအေ နိုင်ငံတွေမှာတောင် ရှိတာ မဟုတ်ဘူးဗျ။ အဲဒီ ဒီမိုကရေစီနိုင်ငံတွေမှာ အခုလို လွတ်လပ်ခွင့်မျိုး မရှိဘူး။ ဒီတော့ ကျွန်တော်တို့နိုင်ငံက သူတို့ထက် ပိုပြီး လွတ်လပ်မှု အပြည့်အ၀ရှိတယ်လို့ ပြောနိုင်ပါတယ်၊ အဲ- အမှိုက်ပစ်တဲ့ နေရာမှာပါ" ဟု အဆိုပါ အမတ်မင်းက BSN သို့ ပြောကြားသည်။

မြန်မာနိုင်ငံသည် ကမ္ဘာပေါ်တွင် လွတ်လပ်စွာ အမှိုက်စွန့်ပစ်နိုင်မှု အရှိဆုံး နိုင်ငံများထဲတွင် တခု အပါအ၀င် ဖြစ်ကြောင်း Freedom House အဖွဲ့က ထုတ်ပြန်သော အစီရင်ခံစာတွင် ဖော်ပြထားသည်ကို တွေ့ရသည်။

(Photo: Moemaka)

Wednesday, April 20, 2011

တက္ကသိုလ်က တီးတိုးငွေ

မာမာလွင်တယောက် နေပူကြီးထဲ ချွေးပြိုက်ပြိုက် ကျနေတယ်။ တချက်တချက် စည်းကမ်းမရှိတဲ့ ကျောင်းသားတွေ ရုန်းရင်းဆန်ခတ် လုပ်လို့ စီတန်းနေသူတွေ နောက်လဲပြိုမလို ဖြစ်ရပါတယ်။

မာမာလွင် စိတ်ထဲတွေးနေတာက သူရောက်နေတဲ့နေရာကနေ နေ့ခင်း ၂ နာရီ မထိုးခင်ကောင်တာရောက်ပါ့ မလား…

စာကျက်ရတာ စာမေးပွဲဖြေရတာကို သူမကြောက်၊ အခုလို ပထမနှစ်ဝက် အဆိုင်းမန့်တင်တာ၊ ဒုတိယနှစ်ဝက် အဆိုင်းမန့် တင်တဲ့အခါတွေကိုတော့ သူကြောက်တယ်။

သူကံကောင်းတယ်လို့ ဆိုရမယ်။ ၂ နာရီ မထိုးခင်မှာပဲ သူ့ရှေ့က အတန်းကြီး ရွေ့သွားပြီး ကောင်တာကို ရောက်သွားတယ်။ ဒါပေမဲ့ ဝမ်းနည်းစရာက နောက်မှာ ကျန်နေတဲ့ ကျောင်းသားတွေ အတွက်ပဲ။ ဒီနေ့က အဆိုင်းမန့်တင်ရမယ့် နောက်ဆုံးရက်။ ၂ နာရီထိုးရင် လက်ခံပေးမယ့် ရုံးဝန်ထမ်းတွေ အိမ်ပြန်ကြမှာ။ ဒါကြောင့် ကျန်တဲ့ကျောင်းသားတွေ ထုချေလွှာနဲ့ ဒဏ်ကြေး တွဲပြီး တင်ရမယ့်ရက်ကိုစောင့်ရုံပဲ ရှိပါတယ်။ ဘာပဲဖြစ်ဖြစ် မာမာလွင်ကတော့ သိပ်ရှည်ရှည်ဝေး မတွေးနိုင်တော့ပဲ တစ်ကိုယ်ကောင်းဆန်စွာ ထွက်လာခဲ့ပါတယ်။

ကားဂိတ် ရောက်တော့မှ သတိရသွားတာက သူ့သူငယ်ချင်း မေသူ့ကိုပါ။ မေသူ ဒီနေ့ မလာပါ။ ဒါကြောင့် သူ့ကို ဖုန်းဆက်ကြည့်ရတော့မယ်။ မေ့နေရင် သတိပေးပြီး ဒဏ်ကြေးတင်ခိုင်းမယ့် ရက်ကို မလွတ်တမ်း စောင့်နိုင်အောင် ပြောရတော့မယ်။ သူ့လက်ကိုင်ဖုန်းကို ဆက်လိုက်တဲ့အခါ “မေသူတယောက် ရှော့ပင်း ထွက်နေတယ်” တဲ့။ ဒီနေ့ အဆိုင်းမန့် နောက်ဆုံးနေ့လေ။ မသိဘူးလားလို့ မေးတော့ “ကိစ္စမရှိဘူး။ ငါက တန်းစီစရာမလိုဘူး သူငယ်ချင်းရဲ့။ ငါ အဲဒီက ဝန်ထမ်းတစ်ယောက်ကို ပေါင်းထားလိုက်တာ။ ငါ့အစ်ကိုတုန်းကလဲ သူပဲ လုပ်ပေးတာလေ။ ပထမ အဆိုင်းမန့်အတွက် တစ်သောင်းခွဲ၊ ဒုတိယ အဆိုင်းမန့်အတွက် တစ်သောင်းခွဲနဲ့ စုစုပေါင်း သုံးသောင်းပေးထားလိုက်တယ်။ ကိုယ်က ဘာမှပြန်ကြည့်စရာ မလိုဘူး။ စာတွေလဲ သူပဲ ဖြည့်ပေးတယ်။ ပြီးရင် တင်ပေးတယ်။ တင်ပြီးရင်လဲ ဖုန်းဆက် အကြောင်းကြားပေးတယ်။ ဒါကြောင့် နင်စိတ်မပူနဲ့” လို့ သူ့ကို ပြောလာတယ်။

ဒီတော့ မာမာ က “ အေးပါ..အေးပါ ငါတို့လို သုံးသောင်း မပေးနိုင်တဲ့သူတွေတော့ အခုလို နေပူကြီးထဲ အငေါက်ခံပြီး တန်းစီရတာပေါ့ ”လို့ ရိသဲ့သဲ့ ပြန်ပြောခဲ့ပါတော့တယ်။

မှတ်ချက်။ ။ အဆိုင်းမန့်တင်ရာတွင် ကျောင်းသားများ လိုက်နာရန်မှာ မိမိကိုယ်တိုင် မေးခွန်းများကို ဖြေဆိုကာ ကိုယ်တိုင် တင်သွင်းကြရမည် ဖြစ်သည်။


မဇ္ဈိမ မှ တိုက်ရိုက် ကူးယူ ဖော်ပြပါသည်။

Sunday, April 17, 2011

နှစ်သစ်ကူး ဆုတောင်း

မင်္ဂလာရှိတဲ့ မြန်မာနှစ်သစ် အခါသမယမှာ မြန်မာပြည်နဲ့ ကမ္ဘာအရပ်ရပ်က မြန်မာပြည်သူ ပြည်သား အပေါင်း ဘေးဘယာ ဝေးကွာ၍ ကိုယ်စိတ်နှစ်ဖြာ ကျန်းမာချမ်းသာပြီး လိုအင်ဆန္ဒများ ပြည့်ဝ နိုင်ကြပါစေကြောင်း ဆုတောင်း မေတ္တာ ပို့သလိုက်ပါတယ်။

Burma Strange News

ဒုံးကျည်နဲ့ ပြောင်းဖူးပြုတ် လဲလှယ်၊ ကျည်ဆံနဲ့ ဆန်စေ့ လဲလှယ်


မြန်မာ အစိုးရဟာ မြောက်ကိုးရီးယား နိုင်ငံကနေ လက်နက်မျိုးစုံ ၀ယ်ယူနေပါတယ်။ ဒါပေမဲ့ စစ်လက်နက် ပစ္စည်းတွေကို ဒေါ်လာနဲ့ ၀ယ်ယူခြင်း မဟုတ်ဘဲ တိုင်းပြည်အတွင်း ထွက်ရှိတဲ့ ကောက်ပဲ သီးနှံတွေနဲ့ လဲလှယ် ရယူ နေတာ ဖြစ်တယ်လို့ သိရပါတယ်။

အဲသလို လဲလှယ်တဲ့ အခါ ဒုံးကျည် ကို သူနဲ့ ပုံစံတူတဲ့ ပြောင်းဖူး၊ ကျည်ဆံ တွေကို သူနဲ့ သဏ္ဍာန် တူသလိုလိုရှိပြီး အရွယ်အစားသေးငယ်တဲ့ ဆန်စေ့ စတာ တွေနဲ့ လှဲလှယ်ကာ သမိုင်းဦးကာလ လူသားတွေလို ကုန်ပစ္စည်း ဖလှယ်တဲ့ စနစ်ကို အသုံးပြုနေပါတယ်။ အမြောက်လက်နက်တွေ ၀ယ်ယူတဲ့ အခါမှာတော့ အမြောက်နဲ့ တူတဲ့ ၀ါး ကျည်တောက် တွေကို ပြန်လည် ပေးပို့တယ်လို့ စုံစမ်း သိရှိရပါတယ်။

ထိုနည်းတူ မြောက်ကိုးရီးယားထံမှ သံချပ်ကာယန္တရားများ ၀ယ်ယူပြီး သံချပ်ကာနဲ့ သဘောတရားချင်း တူတယ်လို့ ကာကွယ်ရေး ဦးစီးချုပ်က ယူဆတဲ့ နွားလှည်းများကို မြောက်ကိုးရီးယားထံ ပြန်လည် ပေးပို့ဖို့စီစဉ်နေပါတယ်။ စစ်လေယာဉ်များ ကိုတော့ သိမ်းငှက်တွေနဲ့ လဲလှယ်မှာ ဖြစ်တယ်လို့ သိရှိရပါတယ်။

အပြည့်အစုံသို့

Saturday, April 16, 2011

မြန်မာ့ရိုးရာ မဟာသင်္ကြန်

(www.99sanay.com မှ ဓာတ်ပုံကို ပြန်လည် ဖော်ပြပါသည်)

Friday, April 15, 2011

သင်္ကြန် သီချင်း လက်ဆောင်


အကောင်းဆုံး သင်္ကြန်တေး တပုဒ်ပါ
မဟာ သင်္ကြန် အခါသမယမှာ သင်္ကြန်သီချင်းလေး နားထောင်ယင်း ရွှင်ပြုံးနိုင်ကြပါစေ

မော်ဒန် သင်္ကြန် သီချင်းများ ကောက်နုတ်ချက်


သီချင်းထဲမှာ .. ရေပြွတ်ကို ဘာလုပ်လိုက်ပါတော့.. ဆိုလားပဲ
(ဘီဘီစီ မြန်မာပိုင်းအစီအစဉ်က ထုတ်လွှင့်သွားတာပါ)

Thursday, April 14, 2011

မြန်မာသင်္ကြန် .. ဂြိုဟ်သားများ လာရောက်ပျော်မြူး


မြန်မာနိုင်ငံ ရန်ကုန်မြို့တွင် သင်္ကြန်ပွဲတော်ကို လာရောက်ပျော်ပါးနေသော ဂြိုဟ်သားများ။
(Photos: burmatoday)



@ကိုယ်တော်ကြီး

Wednesday, April 13, 2011

မော်တော်ယာဉ်များ အ၀တ်အစား ၀တ်ဆင်ကြ

ရန်ကုန်တိုင်း အတွင်း မော်တော်ယာဉ်များ အ၀တ်အစား ၀တ်ဆင်လေ့ ရှိကြောင်း သတင်းတပုဒ်က ဆိုသည်။ သင်္ကြန်ကာလ အတွင်း အဆိုပါ မော်တော်ကားများ သရုပ်ပျက် ၀တ်စား ဆင်ယင်ပါက အရေးယူမည်ဟု အဆိုပါ သတင်းတွင် ဖော်ပြသည်။


မြန်မာ နိုင်ငံတွင် ဖင်လန်ပညာရေး စနစ်ကျင့် သုံးရန် လွှတ်တော်တွင် အဆိုပြုမည်

ဖင်လန် ပညာရေး စနစ်ကြောင့် ဥရောပနိုင်ငံ တစ်နိုင်ငံသည် ကမ္ဘာပေါ်တွင် ပညာရေး နံပါတ် ၃ နေရာသို့ ရောက် ရှိ်သွားသည် ဆိုသော သတင်းကြောင့် မြန်မာ နိုင်ငံမှ လွှတ်တော် အမတ်များ သည် ဖင်လန် ပညာရေးစနစ် ကျင့်သုံးနိုင်ရေးအတွက် လာမည့် လွှတ်တော် အစည်းအဝေးတွင် အဆိုတင်သွင်းရန် စီစဉ်နေကြကြောင်း သိရှိရသည်။

ဖင်လန်ပညာရေး စနစ်သည် ဆရာ ဆရာမများနှင့် ကျောင်းသူ ကျောင်းသားများ ဖင်လှန်ကာ သင်ကြားရသော ပညာရေး စနစ်ဖြစ်သည်။ ထိုစနစ်နှင့် ပတ်သက်၍ လေ့လာသူ တစ်ဦးက အခုလို့ "ဥရောပလို အေးတဲ့ နိုင်ငံမှာတော့ မပြောတတ်ဘူး မြန်မာလို ပူတဲ့ နိုင်ငံမှာ အခုလို ဖင်လန်ပြီးတော့ တဖြူးဖြူးတိုက်တဲ့ လေအေးအေးလေး ခံယင်း စာသင်ရတာ ကျန်းမာရေးနဲ့ သင့်တော်တယ်" ဟု သုံးသပ် ပြောဆို သွားသည်။

"ဖင်လန် ပညာရေးက ကလေးတစ်ယောက် ကျောင်းမှာ စာမလိုက်နိုင်လို့ ပြင်ပမှာ ကျူရှင်ဆရာ ငှားသင်ဖို့ မလိုတဲ့ စနစ်မျိုးဖြစ်သည်။" ဟု ဆိုသဖြင့် ကျောင်းသား မိခင် တစ်ဦးက "ဖင်လေး လှန်ပြီး စာသင်တာနဲ့ ကျူရှင်တက်စရာ မလိုဘူးဆိုတော့ အရမ်း ကို ကောင်းမွန်တဲ့ စနစ်ဖြစ်မှာပါရှင်။ အခုက စီးပွားရေး ကျပ်တည်းတော့ ကလေးတွေ ကျူရှင်ခ မပေးရရင် နှစ်လုံး သုံလုံး ပိုထိုး နိုင်တာပေါ့ရှင်" ဟု ၀မ်းသာ အားရ ပြောကြားသွားသည်။

မြန်မာ နိုင်ငံ ၏ အိမ်နီးချင်း ထိုင်းနိုင်ငံ တွင် ၍ စနစ်ကို ကျင့် သုံးရန် စီစဉ်နေသည် ဆိုသော သတင်းကြောင့် ဇာတိသွေး ဇာတိမာန် တက်ကြွသော သမ္မတကြီး ဦးသိန်းစိန် သည် ဖင်လန် ပညာရေး စနစ်ကို ထိုင်းနိုင်ငံ တွင် မစတင် နိုင်မှီ မြန်မာပြည် တွင် စောလျင် စွာ စတင်ရန် ဆန္ဒ ပြင်းပြ နေကြောင်း သိရှိရသည်။ နောင်တွင် ဖင်လန်လွှတ်တော် စနစ်ကို ကျင့်သုံးရန် စဉ်းစား နေကြောင်း လည်း သိရှိရသည်။

(ကိုယ်တော်ကြီး ပေးပို့သည်)


ဖင်လန် ပညာရေးအကြောင်း လေ့လာရန်

Tuesday, April 12, 2011

မိုင်ယန်မာ-မဟာသင်္ကြန်စာ

မြမ္မာဘုရင်မင်းမြတ် ချီးမြှင့်တော်မူသော ရာဇာဓိ ရာဇခရု ဘွဲ့တံဆိပ်တော်ရ၊ ထို့နောက်
မြမ္မာနိုင်ငံ ဘုရင်ခံမင်းမြတ် ချီးမြှင့်တော်မူသော ရွှေမှန်ဘောင်နှင့် ဂုဏ်ထူးဆောင်လက်မှတ်ရ
ပုဏ္ဏားတော်ပညာရှိ ဆရာကြီး ဒေါက်တာ ဦးဇီးကွက် (PhD နက္ခတ်ဗေဒင်၊ Kolkata) ၏မြေး
မူကြိုကျောင်းထွက်လက်မှတ်ရ၊ သူငယ်တန်းကျောင်းသားဟောင်း
ပုဏ္ဏားတော်ပညာယှိ ဆြာဂျီး တောက်တိုမယ်ရ ဇီးကွက်မျက်ပြူး နှင့်
မြစ် ဆရာ ငှက်၊ ဆရာကြွက် (M.B, B.S/ Mhan Baung Baydin Sayar) တို့
GPS စနစ်ဖြင့် အထူးညှိနှိုင်း တွက်ချက် ရေးသား စီရင်အပ်သော

၁၃၇၃ ခုနှစ်၊ မိုင်ယန်မာပြည်-မဟာ သင်္ကြန်စာ



ဇေယျတု။     ။ ခရစ်နှစ်၂၀၁၁၊ ဧပြီလ (၁) ရက်၊ ဧပြီအရူးနေ့၊ မြန်မာစံတော်ချိန်၊ မြန်မာပဟိုရ်နာရီ နေထွက် (၅) ချက်တီးကျော်၊ (၆) ပါဒ်၊ (၉) ဗီဇနာ၊ (၁၂) ခရာအချိန်၊
ဗြိစ္ဆာရာသီလဂ်၊ ကရကဋ် ရာသီစန်း၊ တနင်္လာ ယမမင်း၊ အင်္ဂါတြင်း၊ ဗုဒ္ဓဟူး ပုလင်း၊ စနေ နဗန်ကျင်း၊ ကြသပတေး တိံသင်း သောကြာ န၀င်း၊ နက္ခတ်(၁၆)လုံး၊ (၁) ပါဒ်၊ (၄) ကုဋီ၊ (၄၅)၀ီဃဋီပြည့်ထက်၊ လဂ်စီးလျက် စန်းပွင့်သော အချိန်အခါ သမယတွင်- အမြင့် ရူးလား (ruler) ခေါ် ပေတံ အတိုင်းအတာ ငါးပေခွဲ၊ လုံးဝန်းသော မျက်နှာ အတိုင်းအတာ သုံးပေ ပတ်လည်ရှိသော၊ အောက်ပိုင်းကား ခါးပတ်ကြိုးဖြင့် ချည်နှောင်ထားသော တောင်ရှည်၊ အပေါ်ပိုင်းကား စလွယ်ကို သိုင်းလျက်၊ နဖူးပြောင်ပြောင်မှ ရောင်ခြည်တထောင် အလင်းကို ဆောင်သော ဗြဟ္မုရာဇာ အမည်ရှိ ရာဟုဘင်္ဂရာဇာ ဂြိုဟ်မင်းသည် လက်တဖက်ကား “စကတ်” မဟုတ်သည့် “ချိတ်ထမီ” ဒုံးကျည်၊ လက်တဖက်ကား ပျားရည်တံဆိပ် ကပ်ထားသည့် ငပိအိုးကြီးကို ပိုက်လျက် ကြံ့ကြီးကို စီးပြီး၊ လွှတ်တော် တံခါးပေါက်မှ ၀င်ရောက်ကာ ဖွတ်ကြီးကို စီးလျက် လွှတ်တော်တံခါးမှပင် ပြန်ထွက်၏။

မြမ္မာပူရ ၀ဋံသကာ ဒေ၀ီ အမည်ရှိသော နတ်သမီး သည်ကား အလွန် နှေးကွေးလေးလံသော အင်တာနှေးဖြင့် တွစ်တာကို အသုံးပြုလတ်သည် ရှိသော် ရာဟုဘင်္ဂရာဇာ ဂြိုဟ်မင်းအား အရှိကို အရှိအတိုင်း အသိအမှတ်ပြုကြောင်း “မေးပါများစကားရ” လေဒီယို အစီအစဉ်မှ တဆင့် ဖော်ပြ၏။

မပြီးမချင်း ပြန်မလွှတ်ဘဲ ပြီးဆုံးမှသာ အိမ်ပြန်လွှတ်သည့် “လွှတ်တော်” အတွင်းရှိ မနော သဒံ သကာ သဒီ ဆန် ဆီ တီ ဖား ဝေါ့ အော့ အမည်ရှိကုန်သော ဖွတ်နတ်သား၊ ဖွတ်နတ်သမီး အပေါင်းတို့သည် လည်းကောင်း၊ လွှတ်တော်မရောက်မီ သင်္ကြန်အမြောက်ကို ပေါက်ပေါက်ဖောက်ခဲ့ပြီး၊ ဖွတ်နတ်များ အနီးထိုင်မိသောအခါ ပုတ်သင်ညိုဘ၀ အသွင်ပြောင်းသွား ကြကုန်သော သင်္ကြန်အမြောက် အမတ်မင်းတို့သည် လည်းကောင်း၊ မီဒီယာ လောကသားတို့သည် လည်းကောင်း ဗြဟ္မာဦးခေါင်းကို ပေါ်အံ့နိုးနိုးဖြင့် ငံ့လင့် လတ်သည် ရှိသော် ငပိပုတ်နှင့် သဏ္ဍာန်တူသော ဗြဟ္မာဦးခေါင်းသည် အချိတ်ထမီကြီးကို ခေါင်းမြီးခြုံလျက် ကန့်လန့်ကာ နောက်ကွယ်မှ ပုန်းအောင်း၏။

ထို့ကြောင့်- အနောက်တွင် နပ်ဖ်မြစ် (Naf River)၊ အလယ်တွင် ဣရ-၀ဒီမြစ် (Irrawaddy River)၊ အရှေ့တွင် ဆာလ၀ိန်းမြစ် (Salween River) တို့ တသွင်သွင် စီးဆင်းလျက် ရှိသော ဤ မိုင်ယန်မာပြည်ကြီး (Myanmar Pyi Gyi) အတွင်း-

နွေရာသီတွင် ပူအိုက်အံ့၊ မိုးရာသီတွင် မိုးရွာအံ့၊ ဆောင်းရာသီတွင် အေးမြအံ့။ မိုးရွာလတ်သည် ရှိသော် မိုးပေါက် အနည်းငယ်မျှဖြင့် ရန်ကုန်မြို့ရှိ မြောင်းများ ရေလျှံအံ့၊ ရေကြီးအံ့၊ မြေညီထပ်များ ဒုက္ခကြုံအံ့။ မိုးရာသီတွင် ခြင်ပေါသဖြင့် ခြင်ဆေးခွေများ အရောင်းသွက်လတ္တံ့။ လစာတိုးမည့် သတင်းထွက်ပြီး လစာမတိုးဘဲ ကုန်ဈေးနှုန်းသာ တိုးသဖြင့် စားသုံးသူများ ဒုက္ခဖြစ်လတ္တံ့။ ကပ်ဖားယပ်ဖား သေဌေးကြီးများ စီးပွားတိုးအံ့၊ လိုင်းကား စီးသူများ တိုးတက်ရ လတ္တံ့။ မိန်းကလေးများ တွယ်ချိတ်ဆောင်ရအံ့။ ဤကား မဟာသင်္ကြန် အလိုတည်း။

သင်္ကြန်အကျအလိုမူကား ဖြူနီပြာဝါ အ၀တ်တန်ဆာ စုံစေ့သင်္ကြန်နေ့၌ မဏ္ဍပ်များတွင် ကညာနှမမြင်သမျှမှာ လှချင်တိုင်းလှ၊ ရွချင်တိုင်းရွပြီး၊ ပေါ်ချင်ရာပေါ်ကာ ကခုန်ကြလတ္တံ့။ သင်္ကြန်မောင်များ သွားရည်များများကျကာ ငမ်းကြအံ့။ ယမန်နှစ်က ဗုံးကွဲခဲ့သည်ကို သတိမမူသူများလည်း ရှိအံ့။ သတိမူသူများလည်း ရှိအံ့။
ထို့ကြောင့် သင်္ကြန်ရက်များအတွင်း-
ဗုံး ဆိုသော်လည်း မပေါက်ကွဲပါက စက္ကူပုံးဖြစ်အံ့၊ ပေါက်ကွဲသော် KNU လက်ချက် ဖြစ်အံ့။ ပသို့ပင် ဆိုစေ မိမိတို့၏ အသက် အန္တရာယ်နှင့် လက်တကမ်းအလို ဖြစ်နိုင်သောကြောင့် သင်္ကြန်လည်ပတ်သူများ အထူး သတိဖြင့် အသွားအလာ ဆင်ခြင်ကြစေခလို။ ဤကား ဇီးကွက်မျက်ပြူး၏ စေတနာနှင့် အကြံပြုချက်တည်း။

မိုင်ယန်မာပြည်ကြီးမှ အွန်လိုင်းသုံးသူများသည် ဂျီတော့ အစား ဂျီတော့ထက် သာလွန် အဆင်မပြေစေမည့် ကောက်ကျစ်သော မြေခွေးတော့ကိုသာ အသုံးပြုကြရမည်ဟု မိုင်ယန်မာ့ ဆက်သွယ်ရေး လုပ်ငန်းက ကြေညာချက် ထုတ်ပြန်သဖြင့် စိတ်ညစ်ကြရအံ့။ အင်တာနက် လိုင်းများ ပြတ်တောက်သဖြင့် နို့စည်ခွက်နှစ်လုံးကို အပ်ချည်ကြိုးဖြင့် ဆက်သွယ်ကာ စကားပြောကြရအံ့။ အင်တာနက် ဆိုင်များသည် ဂိမ်းကစားစေခြင်းဖြင့် ကာစတန်မာများကို ဆွဲဆောင်ကြရအံ့။

ဂျီတော့ကို ကြူသူများ စောင့်၏။ ကြူသမားကို မိန်းကလေးများပြန် စောင့်၏။ ရွသော မိန်းကလေးအချို့ကို webcam စောင့်၏။ webcam ကို ၁၈ နှစ်အောက် မကြည့်ရ ဆိုက်များစောင့်၏။ ထိုဆိုက်များကို နှာဘူးများ စောင့်၏။ ထို့ကြောင့် မိန်းကလေးများ အင်တာနက် မင်းသမီး မဖြစ်ရလေအောင် မိမိကိုယ်ကိုယ် စောင့်ရှောက် ကြစေခလို။ ဤကား အင်တာနက် ဘိုးဘိုးကြီး အလိုတည်း။

အွန်လိုင်း မကြူသူများကား အနမ်းခြံများဝယ် အနမ်းပန်းများ ပေးကြအံ့။ ဗယ်လင်တိုင်းနေ့တွင် တည်းခိုခန်းများ မအားမလပ် ဖြစ်အံ့။ ဂျင်းဘောင်းဘီ ၀တ်ကာ ခွေးခြေခုံပုဖြင့် ထိုင်သော မိန်းကလေးများ ခါးကုန်းမိသည် ရှိသော် အနီ အပြာ အ၀ါ အစိမ်း အရောင်များ တဖြတ်ဖြတ် ပေါ်ပေါက်အံ့။ ဤကား ခေတ်သစ် မဟာ ရန်ကုန် အခြေအနေတည်း။

မဟာသင်္ကြန်ပြီးနောက် ၁၃၇၃ ခုနှစ်နှင့် နောက်ပိုင်း အတွင်း၊ ရန်ကုန်-နေပြည်တော် အသံထက် မြန်သော ကျည်ဆံရထား ပြေးဆွဲအံ့။ ထိုသတင်းကို ပြည်တွင်းဂျာနယ်များ ဖော်ပြအံ့။ ဂျပန်နိုင်ငံသည် မြန်မာ့ အိမ်နီးချင်း အာဆီယံ နိုင်ငံတခု ဖြစ်သည်ဟု ဂျာနယ်တခုက ရေးသားအံ့။ ပဲပုပ်မှ ထုတ်သော ဒီဇယ်ဖြင့် မီးစက်ကြီးများ ခုတ်မောင်းနိုင်သော နေ့တွင် တနိုင်ငံလုံး လျှပ်စစ်မီးများ ထိန်ထိန်လင်းအံ့။ ခေတ်မီ ဖွံ့ဖြိုးတိုးတက်သည့် မိုင်ယန်မာ နိုင်ငံတော်ကြီးကို သတင်းစာထဲတွင်သာ တည်ဆောက်အံ့။ ဆေးရုံများတွင် ဆင်းရဲသားများကို အခမဲ့ ဆေးကုသပေးသည်ဟု ဆိုင်းဘုတ်များ ထောင်ထားအံ့။ ဆေးရုံ ဟူသော အမည်အတိုင်း တက်ရောက် ကုသသည့် လူနာများကို ရေဆေးပေးလတ္တံ့။ ရေဆေးခံရသဖြင့် လူနာများ အအေးမိကြအံ့။ ငွေစက္ကူ အကြွေရှားပါးသဖြင့် လွယ်ကူစေရန် ထုတ်လုပ်အပ်သော ကူပွန်စာရွက် ထုတ်သူများကို အရေးယူမည် ဆိုသောကြောင့် ဈေးဝယ်သူများ သကြားလုံး၊ တစ်ရှူး စသည်တို့ကိုသာ အကြွေအစားရလတ္တံ့။ အကြွေပြန် မအမ်းနိုင်သော စပါယ်ယာနှင့် စကားများကြရအံ့။ ၀တ်ကောင်းစားလှ ၀တ်ဆင်ကာ တက္ကစီ စီးမိပါက ညစ်ပတ် ပေရေသော ကားထိုင်ခုံမှ ဆီဂျီးများ စွန်းထင်းလတ္တံ့။ မတော်တဆ အားဖြင့် ခုံမှ အစထွက်နေသော သံစနှင့် ငြိမိပြီး အင်္ကျီများ စုတ်ပြဲနိုင်အံ့။

မိုင်ယန်မာ ဘောလုံးအသင်းသည် တောင်ဘရာဇီး၊ မြောက်ဂျာမနီ၊ အရှေ့အာဂျင်တီးနား၊ အလယ်စပိန်၊ အနောက်နယ်သာလန်၊ အထက်အင်္ဂလန် စသည့် နိုင်ငံများကို အနိုင်ရပြီး ကမ္ဘာပြားသော အချိန်တွင် ကမ္ဘာ့ဖလား ရလတ္တံ့။ မိုင်ယန်မာပြည်တွင် ကျင်းပမည်ဖြစ်သော လာမည့် အရှေ့တောင်အာရှ ဘောလုံးပွဲစဉ်တွင် ကြိုတင်ဂိုးများဖြင့် ဗိုလ်စွဲအံ့။

ယခုနှစ် သင်္ကြန်စာအတွက် သတင်းထူးကား- ဤမဟာသင်္ကြန်ကာလ ပြီးသည်နှင့် ချက်ချင်း GPS စက်များကို မီးသတ်ဗူးအဖြစ် အသုံးပြုနိုင်ကြ လတ္တံ့။ GPS ကို ခလုတ်နှိပ်လိုက်ပါက “ဖြူး” “ဖြူး” ဟု စက်ထဲမှ ရေများ ပက်ဖြန်းကာ မီးလောင်ခြင်းကို ငြှိမ်းသတ်နိုင်အံ့။ ဤကား နောက်ဆုံးရ သတင်း တပုဒ် အလိုတည်း။

Monday, April 11, 2011

GPS စနစ်ဖြင့် မီးငြှိမ်းသတ်ခြင်းကို ရန်ကုန်တိုင်း အတွင်း စတင်

(GPS စနစ် ဖြင့် မီးငြှိမ်းသတ်ခြင်းသတင်း)

ခေတ်မီ ဖွံ့ဖြိုးတိုးတက်လာသော နည်းပညာအရ မီးလောင်ရာတွင် လွယ်ကူထိရောက်မှု အရှိဆုံးနှင့် ပျက်ဆီးဆုံးရှုံးမှု လျော့နည်းစေရန် GPS စနစ်ဖြင့် မီးငြှိမ်းသတ်ခြင်းကို ရန်ကုန်တိုင်းအတွင်း ဧပြီလအတွင်း လုပ်ဆောင်သွားရန် စီစဉ်သွားကြောင်း သိရသည်။

မီးငြှိမ်းသတ်ရာတွင် အမှန်တကယ် လက်တွေ့ အသုံးပြုမည့် GPS စနစ်မှာ Groundwater Pumping System ဟုသိရသည်။ မီးသတ်ကား တစီးတွင် သယ်ယူနိုင်သည့် ရေပမာဏဖြင့် သုံးမိနစ်ခန့်သာ မီးငြိမ်းသတ်နိုင်ပြီး၊ သုံးမိနစ်ကျော်ပါက ရေကုန်သွားကြောင်း သိရသည်။ ထို့ကြောင့် မီးသတ်ရာတွင် အဆင်ပြေ ပြီးမြောက် စေရန် အတွက် ယခုကဲ့သို့ GPS စနစ်ကို ကျင့်သုံးရန် စီစဉ်ခြင်း ဖြစ်ကြောင်း မီးသတ်ဦးစီးဌာနက ပြောသည်။

GPS စနစ် (Global Positioning System) ဖြင့် မီးငြှိမ်းသတ်ခြင်းကို ဆောင်ရွက်မည်ဟူသော သတင်းတပုဒ်၌

"မီးသတ်ယာဉ်များပေါ်တွင် Laptop တစ်လုံးစီတပ်ဆင်၍ Internet ဖြင့် ချိတ်ဆက်ကာ မီးလောင်သည့် နေရာနှင့် အနီးဆုံး လမ်းကြောင်းများကို Online ပေါ်တွင်ရှာဖွေ၍" ဟု ရေးသားထားသည်။ သို့သော် မြန်မာပြည်မှ Internet များ အလွန့်အလွန် နှေးကွေး လေးလံနေပါက အဆင်ပြေနိုင်မည် မဟုတ်ဟု မီးသတ်ဦးစီးဌာနမှ အရာရှိကြီးတဦးက ပြောသည်။ ထို့ကြောင့် GPS စနစ်သစ် ဖြစ်သော Groundwater Pumping System ကို အသုံးပြုကာ မီးငြှိမ်းသတ်ခြင်းကို ထိထိရောက်ရောက် ဆောင်ရွက်မည် ဖြစ်ကြောင်း ၄င်းက ဆက်လက် ရှင်းပြသည်။

(လက်တို့သူ-နာနို)

သတင်း အပြည့်အစုံသို့

GPS အကြောင်း လေ့လာရန် အညွှန်း
Global Positioning System
GPS navigation device
Automotive navigation system (မော်တော်ယာဉ်များအတွက်)

Sunday, April 10, 2011

ပုဇွန်တောင်တွင် “ဗုံး” တွေ့၊ “စက္ကူပုံး” ဖြစ်နေ

ယမန်နေ့ ညနေ ၆နာရီ ၁၅ မိနစ်ဝန်းကျင်က ပုဇွန်တောင်ဈေးလမ်းနှင့် ရေကျော်လမ်းနှင့် ဆုံရာမီးပွိုင့်အနီး လမ်းဘေးဈေးသည်များ ဈေးရောင်းချသည့် လမ်းဘေးတွင် ဗုံးဟု မသင်္ကာသည့် ပစ္စည်းတွေ့ရှိသဖြင့် သက်ဆိုင်ရာ လုံခြုံရေး တပ်ဖွဲ့ဝင်များ လာရောက် ရှင်းလင်းခဲ့သည်ဟု သိရသည်။

ဗုံးတွေ့သည့် သတင်းဖြစ်ပေါ်ပြီးနောက် ရဲလုံခြုံရေး ပစ်ကပ်ကားနှစ်စီး လာရောက်ပြီး ပုဇွန်တောင်ဈေးလမ်း ကိုပိတ်ဆို့ထားလိုက်ကာ နာရီဝက်ကြာ ဗုံးဟု မသင်္ကာသည့် “စီးကရက်စက္ကူပုံး” တစ်လုံးကို ရှင်းလင်းခဲ့သည်ဟု အဆိုပါလမ်းမှ ဖြတ်သန်းခဲ့သူ တဦးကပြောသည်။

“ဖြစ်တဲ့နေရာက ပုဇွန်တောင်ဈေး နဘေးက ချောင်းလေးနားက အိမ်တွေရှေ့မှာ၊ တွေ့တယ်ဆိုတဲ့ သတင်းဖြစ်ပြီး လုံခြုံရေးကို လှမ်းခေါ်ကြတယ်။ အဲဒီနောက် လမ်းကို လုံးဝပိတ်ထားပြီးရှင်းခဲ့တာ”အဆိုပါ မျက်မြင် တွေ့ရှိသူကပြောသည်။

သို့ရာတွင် ဗုံးဟုမသင်္ကာသည့် အရာမှာ “စက္ကူပုံး” နှင့် “အခြားစက္ကူစုတ်” ကဲ့သို့သော အရာများသာဖြစ်ပြီး မည်သည့် ပေါက်ကွဲစေတတ်သည့် အရာမျှ မဟုတ်ဟုလည်း သိရှိရသည်။


မိုးမခ မှ ကောက်နုတ်ဖော်ပြသည်

ဓာတ်ငွေ့ပိုက်လိုင်း မြန်ဆန်ရေးအတွက် တရုတ်က ဆေးရုံများ ဆောက်ပေးဦးမည်

မြန်မာ့ ရေနံ နဲ့ သဘာဝဓာတ်ငွေ့ကို တရုတ်ပြည်က ပိုက်လိုင်းကတဆင့် ရယူဖို့ စီစဉ် နေရာမှာ မိုင်ငါးရာ ကျော် ရှည်လျားတဲ့ ပိုက်လိုင်း သွယ်တန်းရေးနဲ့ ဓာတ်ငွေ့ပို့ဆောင်ရေး လုပ်ငန်း မြန်ဆန်စေဖို့အတွက် တရုတ်က မြန်မာပြည်မှာ "ဆေးရုံ"တွေ များများ ဆောက်လုပ်ပေးမယ်လို့ ကမ်းလှမ်းလိုက်ပါတယ်။

"ဆေးရုံ"တွေ များလာတာနဲ့အမျှ ပိုက်လိုင်းတွေကို များများ ဆေးကြောနိုင်မှာ ဖြစ်တယ်လို့ တရုတ် ကွန်မြူနစ်ပါတီ ထိပ်တန်း ခေါင်းဆောင်တယောက် ဖြစ်တဲ့ မစ္စတာ ကျာချင့်လင် မြန်မာနိုင်ငံကို ရောက်ရှိနေစဉ်အတွင်းမှာ ပြောကြားလိုက်ပါတယ်။ မစ္စတာ ကျာ အနေနဲ့ မြန်မာပြည်က "ဆေးရုံ" ဆိုတာ "ပန်းကန် ဆေးတဲ့ရုံ" (သို့မဟုတ်) "ကားဘော်ဒီဆေးတဲ့ရုံ" ဖြစ်မယ်လို့ ယူဆပြီး အခုလို ပြောဆို လိုက်တာပါ။ မြန်မာပြည် ခရီးစဉ်အတွင်း ဆေးရုံတွေမှာ ဆေးနဲ့ တူတဲ့အရာတွေ တခုမှ မတွေ့မြင်ခဲ့ရတဲ့ အတွက်အခုလို ယူဆရတာ ဖြစ်ပါတယ်လို့ ကျာချင့်လင်ရဲ့ လက်ထောက်က ပြောပါတယ်။


"ဆေးရုံ"တွေ အနေနဲ့ အခုလို ပိုက်လိုင်းတွေကို ဆေးကြော ပေးခြင်းဖြင့် ပိုက်လိုင်းတွေ သံချေးမတက်ဘဲ ချောမွတ်သွားမှာ ဖြစ်တယ်၊ ဒီလို ချောမွတ်သွားရင် သဘာဝ ဓာတ်ငွေ့ကို တရုတ်ပြည်သို့ ချောမွေ့ မြန်ဆန်စွာ သယ်ယူ ပို့ဆောင်နိုင်မှာ ဖြစ်တယ်လို့ မစ္စတာကျာက ထပ်လောင်း ပြောကြားသွားပါတယ်။ ပိုက်လိုင်းတွေကို ရေနဲ့ ဆေးမလား၊ ဒါမှမဟုတ် ဘာနဲ့ ဆေးမလဲ ဆိုတာကိုတော့ မစ္စတာကျာက အတိအကျ ပြောမသွားသေးပါဘူး။ ဒီသတင်းထွက်ပေါ်လာပြီးနောက် မြန်မာပြည် တ၀ှမ်းက ဆေးရုံ ၀န်ထမ်းတွေ မျက်ခုံး လှုပ်နေကြတယ်လို့ သတင်းရရှိပါတယ်။

အပြည့်အစုံသို့

အင်တာနက်လိုင်း ပြတ်သော်လည်း၊ အစိုးရ ရုံးများတွင် လိုင်းမပြတ်ဟု သိရ

“ကြံ့ဖွတ် အစိုးရပဲ တက်တက်၊ စစ်တပ်ကပဲ အုပ်ချူပ် အုပ်ချူပ် … ဘာအွန်လိုင်းတွေမှ ပိုထူးပြီး အလုပ်ဖြစ်တယ်ဆိုတာ မရှိဘူး။ အွန်လိုင်း မဟုတ်ဘူး၊ အော့ဖ်လိုင်း အော့ဖ်လိုင်း။ အင်တာနက်မှာ လိုင်းပြတ်မယ်။ အစိုးရရုံးတွေမှာ လိုင်းတွေက ၀င်နေရဦးမှာပဲ။ လိုင်းမပြတ်ဘူး။ လိုင်းဝင်နေရတုန်းပဲ”

(ပန်းဆိုးတန်းလမ်းတွင် ကျက်စားနေသည့် ၀န်ဆောင်သူ ပွဲစားတဦး၏ ပြောကြားချက်)။


မိုးမခမှ ကူးယူ ဖော်ပြပါသည်

Saturday, April 9, 2011

ဝမ်းနည်းကြေကွဲခြင်း

(Photo: wikimyanmar)

စာရေးဆရာကြီး ပါရဂူ ကွယ်လွန်ကြောင်း ကြားသိရသည့်အတွက် မြန်မာစာပေလောကသားများနှင့် ထပ်တူ BSN မိသားစုမှ ၀မ်းနည်း ကြေကွဲရပါကြောင်း မှတ်တမ်းပြုလိုက်ပါတယ်။

Boeing 373 လေယာဉ်အမျိုးအစားသစ် ထုတ်လုပ်ပြီ

Boeing 373 လေယာဉ် အမျိုးအစားသစ် သတင်း

Boeing ကုမ္ပဏီက Boeing 373 (Three-Seven-Three) လေယာဉ် အမျိုးအစားသစ်ကို ထုတ်လုပ်လိုက်ကြောင်း မြန်မာ အင်တာနက် စာမျက်နှာ တခုက ရေးသားဖော်ပြသည်။ အဆိုပါ လေယာဉ် အမျိုးအစားသစ် ၃၇၃ အကြောင်းကို ရုရှားသတင်းဌာန တခုကလည်း ဖော်ပြဖူးသည် (Click Here)။
သို့သော် သတင်းများက ဖော်ပြသည့် အဆိုပါ လေယာဉ်အမျိုးအစားသစ်မှာ လေယာဉ် အမျိုးအစားဟောင်း ဖြစ်သော Boeing 737 (Seven-Three-Seven) လေယာဉ်နှင့် အလွန် ဆင်တူနေသည်ကို တွေ့ရသည်။ 

လက်တွေ့တွင် Boeing ကုမ္ပဏီမှ တခါမျှ မထုတ်လုပ်ဖူးရုံမျှမက အပြင်လောကတွင် တကယ်မရှိသော Boeing 373 လေယာဉ် အမျိုးအစားသစ်ကို ဘင်္ဂလားဒေ့ရ်ှနိုင်ငံကလည်း ထူးဆန်းစွာ ၀ယ်ယူရန် စီစဉ်နေကြောင်း သတင်းတပုဒ်က ဆိုထားသေးသည် (Click Here)။

Boeing ကုမ္ပဏီသည် ဒုတိယ ကမ္ဘာစစ်နောက်ပိုင်းမှ စ၍ 7 အစ 7 အဆုံး ဂျက်လေယာဉ်များကိုသာ ထုတ်လုပ်လာခဲ့ရာ (Click Here) ယခု ထုတ်လုပ်သည်ဟု မြန်မာ၊ ရုရှားနှင့် ဘင်္ဂလားဒေ့ရှ် အင်တာနက် စာမျက်နှာများက ဖော်ပြသည့်  Boeing 373 ဆိုသော လေယာဉ်အမျိုးအစား မှာ အဆိုပါ နိုင်ငံများ အတွက် ၂၀၁၀ နောက်ပိုင်းတွင် အထူးသီးသန့် ပြန်လည်ထုတ်လုပ်သည့် လေယာဉ် အမျိုးအစားသစ် ဖြစ်နိုင်သည်ဟု လေယာဉ် အင်ဂျင်နီယာ တဦး သုံးသပ်သည်။

Boeing ကုမ္ပဏီသည် ၁၉၃၀ နှင့် ၁၉၅၀ ပြည့်လွန်နှစ်များ အတွင်း Boeing 247, 307, 314, 367, 377 စသည့် ပန်ကာတပ် လေယာဉ် အမျိုးအစားများကို ထုတ်လုပ်ခဲ့သည်။ ထိုအထဲတွင် Boeing 373 ကို မတွေ့ရပေ။ (Click Here)။


လေယာဉ်ခေါင်မိုးတွင် အပေါက်ပေါ်လာခြင်း သတင်း (မြန်မာ)
လေယာဉ်ခေါင်မိုးတွင် အပေါက်ပေါ်လာခြင်း သတင်း (အင်္ဂလိပ်) (သတင်း-၁) (သတင်း-၂) (သတင်း-၃)

လက်တို့သူ-PPA

Friday, April 8, 2011

ကွန်ပျူတာ အသုံးပြုကြသူများ

ကွန်ပျူတာနဲ့ အာဖရိကအမျိုးသမီးများ (Photo: dw-world.de)
 
 
ထိုင်းနိုင်ငံက ဖရဲသီးရောင်းသူ ကွန်ပျူတာ အသုံးပြုတယ် (Photo: ZG)

ကမ္ဘောဒီးယားက ကလေးငယ်တွေလဲ ကွန်ပျူတာ သုံးကြတယ်
(Photo: helpthecambodianchildren.org)

တို့နိုင်ငံက လူကြီးတွေကတော့
ကွန်ပျူတာကို ရှေ့မှာထောင်ပြီး အလှကြည့်မှန်အဖြစ် အသုံးပြုတယ်
ကွန်ပျူတာ မသုံးဘဲ စာအုပ်ထဲ ဘောပင်နဲ့ ရေးမှတ်တယ် (ယနေ့ထုတ် မြန်မာ့အလင်းသတင်းစာမှ)

မင်းတုန်းမင်းကြီး အင်တာနက် သုံးခဲ့ကြောင်း အထောက်အထားတွေ့

မင်းတုန်းမင်းတရားကြီးသည် အင်တာနက် သုံးစွဲခဲ့သည်။ မင်းတုန်းမင်းသည် ရတနာပုံ နေပြည်တော် သတင်းစာကို ပုံနှိပ်ရုံမျှမက အွန်လိုင်းကပါ ဖြန့်ချီခဲ့သည်။ မယုံလျှင် ​ဤနေရာ မှ ၀င်ရောက် ဖတ်ရှုနိုင်ပါသည်။

(ဓာတ်ပုံ-ဧရာဝတီ)

ကာတွန်းပြပွဲသတင်း

အော်ပီကျယ်

ဆရာ အော်ပီကျယ်၏ Facebook တွင် ဆော်သြချက်


အော်ပီကျယ်ရဲ့ ကာတွန်းတကွက်

Thursday, April 7, 2011

ဗိုလ်ကြီးဟောင်းတဦး မြန်မာနိုင်ငံသမ္မတ ဖြစ်လာ

ဗိုလ်ကြီးဟောင်းတဦး မြန်မာနိုင်ငံ သမ္မတသစ် ဖြစ်လာကြောင်း သတင်းတပုဒ်တွင် တွေ့ရသည်။
 
 

မဟန်လှတဲ့ ဈေးချို သန့်စင်ခန်းခ ဝင်ကြေးက

အယ်ဒီတာရှင့် ..

ဆိုင်ခန်းပေါင်း ၃ ထောင်ကျော်ရှိတဲ့ ကျမတို့ မန္တလေး ဈေးချိုကြီးမှာ သန့်စင်ခန်း (အိမ်သာ) အသုံးပြုခက ကျပ် ၄ဝ မှ ၁ဝဝ အထိဆိုပြီး ဒီလ ၁ ရက်နေ့ကစလို့ တိုးကောက်လိုက်ပါပြီ။ မန္တလေးမြို့ စည်ပင်သာယာရေးကော်မတီ MCDC ခွင့်ပြုချက်နဲ့ လေလံအောင် ကန်ထရိုက်က တိုးကောက်တာပါ။

ဈေးထဲမှာ တချို့အသက်ကြီးတဲ့ သူတွေဆို တနေ့ကို ၅ ခေါက်မက သွားကြတဲ့ သူတွေလည်း ရှိတယ်။ အလုပ်သမားတွေဆိုရင် တချို့ဆိုင်ရှင်က အိမ်သာကြေးပေးတာ မဟုတ်ပါဘူး။ တနေ့ကို ၂ ခါပဲ သွားတယ်ထားဦး၊ ကျပ် ၂ဝဝ ကုန်ပြီ။ သူတို့ပိုက်ဆံနဲ့ ပေးရတဲ့အခါကျ ဘယ်လိုလုပ် အဆင်ပြေတော့မလဲ။

ကိုယ်က ဘာသွားပြောလို့ ရမလဲ။ မကျေနပ်ရင် အိမ်သာမတက်ဘဲ နေမှပဲ။ မသုံးလို့လည်း မဖြစ်ဆိုတော့ ပေးရတာပဲ။ ဈေးမှာ သဘောင်္သီးသုပ်တို့၊ အချိုရည်တို့တောင် မစားရဲလောက်အောင်ပါပဲ။ တော်ကြာ … အိမ်သာကြေးနဲ့တင် စရိတ်ထောင်းမှာ စိုးရပါတယ်။

သန့်စင်ခန်း အသုံးပြုခ၊ ဆိုင်ကယ်၊ ကား၊ စက်ဘီး ရပ်နားခတွေအတွက် ကောက်ခံရမယ့် နှုန်းထားတွေကို သတ်မှတ်ပြီး၊ မန္တလေး စည်ပင်က နှစ်စဉ်နှစ်တိုင်း လေလံစနစ်နဲ့ ကန်ထရိုက်တွေကို ရောင်းတာပါ။

မန္တလေးမှာ အကြီးဆုံး လက်ကားဈေးဖြစ်တဲ့ ဈေးချိုမှာ ဈေးအိမ်သာ၊ ယာဉ်ရပ်နားခ လေလံကြေးဟာ တခြားဈေးတွေထက် မြင့်မားလို့ လေလံသမားတွေ မျက်စိကျကြပါတယ်။ ဒီနှစ် အသုံးပြုခ တက်သွားတာက စည်ပင်နဲ့ ကန်ထရိုက် ပေါင်းလုပ်တယ်လို့တောင် ယူဆရပါတယ်။

ဈေးချိုဟာ ၂၆ ဘီလမ်းနဲ့ ၈၄ လမ်းထောင့်မှာ တည်ရှိတာပါ။ ၄ ထပ်မြင့် အဆင့်မြင့်ဈေးချိုမှာ ဈေးရုံပေါင်း ၈ ရုံ ရှိပါတယ်။ ဆိုင်ခန်းပေါင်းကတော့ ၃ဝဝဝ ကျော်ပါ။ ဈေးသူဈေးသားတွေနဲ့ အလုပ်သမားတွေ ပေါင်းလိုက်ရင် စုစုပေါင်း လူဦးရေက ၆ဝဝဝ ကျော် ရှိနေတာပါ။ ဈေးရုံတရုံမှာ သန့်စင်ခန်း ၄ ခန်း ရှိပါတယ်။ အမျိုးသား ၂ ခန်း၊ အမျိုးသမီး ၂ ခန်း ပါ။

ကျမတို့ ဈေးချိုသူ၊ ဈေးချိုသားတွေက သန့်စင်ခန်းခကို ပြန်လျှော့ချပေးစေချင်ပါတယ်။


ဈေးချိုသူတဦး
မန္တလေးမြို့


မဇ္ဈိမသတင်းဌာနမှ တိုက်ရိုက်ကူးယူ ဖော်ပြပါသည်။

Wednesday, April 6, 2011

ကိုယ်ပိုင်အမွေအနှစ်ကို သူတပါးပိုင် မလုပ်စေချင်ပါ

သို့ Burma Strange News,

မြန်မာစာနယ်ဇင်း စာမျက်နှာတွေနဲ့ မီဒီယာတွေမှာ အဆီအငေါ်မတည့် လွဲချော်နေတဲ့ အချက်တွေကို ထောက်ပြနေတဲ့ အတွက် ကျေးဇူးပါ။ တချို့ဖော်ပြချက်တွေ ဆိုရင် လုံးဝ မြင်မကောင်းအောင် လွဲနေတာတွေ တွေ့ရတယ်။ မဖြစ်သင့်ဘူးလို့ ရိုးသားစွာ ယူဆပါတယ်။

ဒီရက်ပိုင်းအတွင်း Popular News အင်တာနက် စာမျက်နှာမှာ မြန်မာပြည်ရဲ့ အနောက်ဖက် အကျဆုံး မြစ်တစ်စင်း ခေါင်းစဉ် တပ်ထားတဲ့ ဆောင်းပါးတစ်ပုဒ် ဖတ်လိုက်ရပါတယ်။ (Click Here) အဲဒီမြစ်ဟာ "နတ်မြစ်" ဖြစ်တယ်ဆိုတာ ပထ၀ီ စသင်ဖူးတဲ့ မူလတန်း ကလေးတောင် သိပါတယ်။ မြန်မာပြည်မှာ ပုံနှိပ်ထုတ်ဝေတဲ့ ကျောင်းသုံး ပထ၀ီဝင် စာအုပ်တွေက စလို့ စွယ်စုံကျမ်း အဆုံး၊ ထွက်ရှိသမျှ စာအုပ်စာတမ်းတွေမှာ ဒီမြစ်ကို နတ်မြစ်လို့ တရားဝင် ရေးသား ခေါ်ဝေါ် သုံးစွဲပါတယ်။


(Popular News)

လက်ရှိအနေအထားမှာ နတ်မြစ်ဟာ မြန်မာနဲ့ ဘင်္ဂလားဒေ့ရ်ှကို နယ်နိမိတ် ပိုင်းခြားထားတဲ့ မြစ် ဖြစ်ပြီး မြန်မာနဲ့ ဘင်္ဂလားဒေ့ရှ် နိုင်ငံနှစ်ခုက ပိုင်ဆိုင်တဲ့ မြစ် ဖြစ်ပါတယ်။ ဘင်္ဂလားဒေ့ရှ် တစ်နိုင်ငံတည်းက ပိုင်တဲ့ မြစ် မဟုတ်ပါဘူး။ ဒါပေမဲ့ ဘင်္ဂလားဒေ့ရ်ှပြန် အဒေါ်ကြီး တစ်ယောက်ကတော့ ဘယ်လို ဘယ်ပုံ အိုင်ဒီယာတွေ ရသွားပြီးတော့ "နပ်ဖ်မြစ်" လို့ ရေးသလဲ မပြောတတ်ပါ။ အင်္ဂလိပ်လို Naf River လို့ စာလုံးပေါင်းတာ ဟုတ်ပါတယ်။ ဒါပေမဲ့ "နတ်မြစ်" လို့ ဘိုးစဉ်ဘောင်ဆက်က ခေါ်ဝေါ်လာခဲ့တာကို "နပ်ဖ်မြစ်" လုပ်သင့်ပါသလား။ စဉ်းစားသင့်ပါတယ်။ အကယ်၍ ဒီမြစ်ဟာ ဘင်္ဂလားဒေ့ရ်ှနိုင်ငံကပဲ ပိုင်ဆိုင်တဲ့ မြစ်တစ်စင်းဖြစ်ပြီး မြန်မာနဲ့လုံးဝ မသက်ဆိုင်ရင်တော့ သူတို့ အခေါ်အဝေါ်အတိုင်း အသံလှယ် ရေးသားတာကို ဘာမှ ကန့်ကွက်စရာ မရှိပါ။ ဒီမြစ်ကို ဘင်္ဂလားဘာသာစကားနဲ့ "နာဖ်နဒီ" လို့ ခေါ်ပါတယ်။ ဒါပေမဲ့ နတ်မြစ်ဟာ မြန်မာနိုင်ငံကလဲ ပိုင်ဆိုင်တဲ့ မြစ် ဖြစ်သလို၊ မြန်မာအမည် "နတ်မြစ်" ဆိုတာလည်း တရားဝင် ရှိနှင့် ပြီးသားပါ။ ဒါကို ဘာကြောင့် "နပ်ဖ်မြစ်" လုပ်ချင်ရသလဲ လုံးဝ မစဉ်းစားတတ်ပါ။ မူလတန်းတုန်းက ပထ၀ီ မသင်ခဲ့ဖူးတာတော့ မဖြစ်နိုင်ပါ။ သင်ခဲ့ဖူးမည်လို့ ထင်ပါတယ်။

တိဗက်ကုန်းမြင့်မှာ မြစ်ဖျားခံပြီး တရုတ်ပြည်၊ မြန်မာပြည်များကို ဖြတ်သန်းစီးဆင်းလာတဲ့ မြစ်ကြီး တစ်စင်းကို အင်္ဂလိပ်လို Salween River လို့ စာလုံးပေါင်းပါတယ်။ ဒါကို "သံလွင်မြစ်" လို့မရေးဘဲ "ဆာလ၀ိန်း မြစ်" လို့ ရေးရင် အဆင်ပြေပါ့မလား။ ဖြစ်ရော ဖြစ်သင့်ပါသလား။ စဉ်းစားကြရမှာပါ။ ဒီမြစ်ကို တရုတ်လို Nù Jiāng လို့ ခေါ်ပါတယ်။


အဒေါ်ကြီး အနေနဲ့ ဘင်္ဂလားဒေ့ရ်ှက ပြန်လာတာ မဟုတ်ဘဲ တရုတ်ပြည်ကသာ ပြန်လာပြီး သံလွင်မြစ် ခေါင်းစဉ်နဲ့ ဆောင်းပါး ရေးခဲ့ရင် "မြစ်ဆာလ၀ိန်း စီးဆင်းနေသမျှ ခိုင်မြဲနေမည့် ချိုင်းနား-မြန်မာ ချစ်ကြည်ရေး" လို့များ ရေးလေမသား၊ 
"ကျုံးကွော်-မျန်ကျြင့်" ချစ်ကြည်ရေး လို့များ ရေးလေမလား မသိ။ (နပ်ဖ်မြစ် လုပ်ချင်တဲ့ အဒေါ်ကြီး အနေနဲ့ China ကိုလည်း တရုတ်လို့ မသုံးစွဲသင့်ပါ) ဒါမှမဟုတ် "နုရှာန်မြစ် (Nù Jiāng) ကို သက်သေတည်၍" ဆိုပြီး ဆောင်းပါးတွေ ရေးလေမလားမသိ။

ဘာပဲ ဖြစ်ဖြစ်၊ ကိုယ်မွေးဖွားကြီးပြင်း နေထိုင်တဲ့- ကိုယ့်နိုင်ငံ၊ ကိုယ့်ရေမြေ၊ ကိုယ့်ဒေသက ကိုယ်ပိုင် အမည်ရှိပြီးသား "နတ်မြစ်" ကို ဘင်္ဂလားဒေ့ရှ် အမည် "နပ်ဖ်မြစ်" လို့ ခေါ်ဝေါ် ချင်စိတ်ဖြစ်ပေါ်သွားရလောက်အောင် အဒေါ်ကြီးကို ဘင်္ဂလားဒေ့ရ်ှက ဘာတွေများ လုပ်ပေးခဲ့လို့လဲဆိုတာကို အတွေးနယ် ချဲ့နေမိပါတယ်။

(မူလတန်းကျောင်းသားတစ်ဦး)


-စာရေးသူ၏ အာဘော်သာ ဖြစ်ပါသည်

Tuesday, April 5, 2011

ပဲပုပ်ဖြင့် မော်တော်ယာဉ်များ မောင်းနှင်နိုင်တော့မည်၊ ဂျင်နရေတာများ လည်ပတ်နိုင်တော့မည်

မြန်မာပြည်တွင် ကြက်ဆူ တခေတ် ဆန်းသစ်ခဲ့ပြီး မြန်မာပြည်ရှိ မော်တော်ယာဉ်များကို ကြက်ဆူဆီဖြင့် မောင်းနှင်ခဲ့ကြကြောင်း၊ မြန်မာ့အလင်းနှင့် ကြေးမုံ သတင်းစာ မှတ်တမ်းများ အရ သိရသည်။

ယခုတဖန် ပဲပုပ်ဖြင့် မောင်းနှင်သော ကားများ၊ ပဲပုပ်ဖြင့် လည်ပတ်သော ဂျင်နရေတာများ ရှိလာနိုင်တော့မည်ဟု ပြည်တွင်းမီဒီယာ တခုက ဖော်ပြသော သတင်းတပုဒ်အရ သုံးသပ် သိရှိရသည်။

အဆိုပါ သတင်းတွင် ပဲပုပ်ဖြင့် ရေနံအစားထိုးနိုင်သည်ဟု ဖော်ပြထားသည်။


"ရေနံ အစားထိုးတယ်ဆိုတာ ရေနံဆီမီးခွက်ထဲမှာ ပဲပုပ်ကိုထည့်ပြီး လောင်စာအဖြစ်သုံးဖို့၊ မီးခွက်ထွန်းဖို့ ဆိုလိုတာ ဖြစ်ပါတယ်။ လောလောဆယ် လျှပ်စစ်မီး မရရှိသေးတဲ့ ဒေသ အနှံအပြားမှာ ဒီနည်းကို ကျင့်သုံးသင့်ပြီး ရေနံဆီ ကို ချွေတာဖို့ လိုအပ်ပါတယ်၊ ဒီလို ချွေတာမှသာ တိုင်းပြည်က ထွက်သမျှ ရေနံကို နိုင်ငံခြားတင်ပို့ပြီး တိုင်းပြည်ဝင်ငွေ တိုးပွားစေမှာ ဖြစ်ပါတယ်" ဟု အရပ်ဝတ် အစိုးရသစ်၏ စွမ်းအင် ၀န်ကြီး ဦးသန်းဌေးက ပြောသည်။ "ဒီကတဆင့် တက်ပြီးတော့ ပဲပုပ်ဒီဇယ် ထုတ်လုပ်ဖို့ ကြိုးစားရပါမယ်၊ ပဲပုပ်ဒီဇယ် ဖြစ်လာရင် လောင်စာဆီ ဈေးတက်မှု ပြသနာတွေကို ဖြေရှင်းနိုင်မှာ ဖြစ်သလို၊ ပြည်တွင်းက ထုတ်လုပ်တဲ့ ပဲပုပ်ဒီဇယ်နဲ့ မော်တော်ကားတွေ မောင်းနှင်နိုင်မှာ ဖြစ်ပါတယ်" ဟု ၄င်းက ခေါင်းပေါင်းစ ထောင်ကာ ဆက်ပြောသည်။

အမှတ် (၁) နှင့် အမှတ် (၂) လျှပ်စစ်ဓာတ်အား ၀န်ကြီးနှစ်ဦးဖြစ်သော ဦးဇော်မင်းနှင့် ဦးခင်မောင်စိုးတို့ကမူ တိုင်းပြည်မှ ထွက်သမျှ သဘာဝဓာတ်ငွေ့များကို ပြည်ပသို့ ထုတ်ရောင်းလိုက်ပြီ ဖြစ်သဖြင့် တိုင်းပြည်အနှံ့ လျှပ်စစ်ဓာတ်အား အပြည့်အ၀ မပေးနိုင် ဖြစ်နေကြောင်း၊ ရေအားလျှပ်စစ် ထွက်ရှိလာသမျှကိုလည်း နိုင်ငံခြားသို့ တင်ပို့ ရောင်းချမည် ဖြစ်သဖြင့် မြန်မာပြည် တ၀ှမ်း လျှပ်စစ်မီး အပြည့်အ၀ ရနိုင်မှာ မဟုတ်သေးကြောင်း၊ အကယ်၍ ပဲပုပ်မှ ရေနံအစားထိုး biodiesel များ ထုတ်လုပ်လာပါက အဆိုပါ ပဲပုပ်ဒီဇယ်ကို အသုံးပြုပြီး ဂျင်နရေတာများ မောင်းနှင်ကာ နယ်မြို့များတွင် လျှပ်စစ်ဓာတ်အား ဖြန့်ဖြူးပေးမှာ ဖြစ်ကြောင်း၊ ထို့ကြောင့် ပဲပုပ်ကို စနစ်တကျ စိုက်ပျိုး ထုတ်လုပ်ကြရမှာ ဖြစ်ကြောင်း ခေါင်းပေါင်းစ တလူလူဖြင့် ပြောကြားသွားကြသည်။

ပြည်ပနိုင်ငံအချို့တွင် soybean မှ soy biodiesel ထုတ်လုပ်ကြောင်း သတင်းများတွင် တွေ့ရသည်။ မြန်မာ-အင်္ဂလိပ် အဘိဓာန်တွင် soybean သို့မဟုတ် soya-bean ကို "ပဲကျပ်ပျဉ်" ဟု ခေါ်ဆိုကြောင်း ရေးသားထားသည်။ "ပဲပုပ်" မှာ fermented soya-bean ဖြစ်သည်ဟု ဆိုသည်။ စိုင်းဆိုင်မောဝ်၏ သီချင်းတပုဒ်တွင် တွေ့ရသော "ရှမ်း-ပဲပုပ်" မှာ စားစရာ တမျိုး ဖြစ်သည်။ စားစရာ ပဲပုပ် (fermented soya-bean) မှ ရေနံအစားထိုး biodiesel ထုတ်လုပ်နိုင်ကြောင်း သိပ္ပံပညာရှင်များ၏ ဖော်ထုတ် တင်ပြချက်များကိုမူ မတွေ့ရသေးပေ။ ပြည်တွင်း မီဒီယာသတင်းအရ ရေနံအစားထိုး လောင်စာအဖြစ် ပဲပုပ်ကို မြန်မာပြည်မှ စတင် အသုံးပြုမည်ဟု ယူဆရသည်။


ရေနံအစားထိုး ပဲပုပ်ကို ပခုက္ကူဒေသ ရေစကြို နယ်မြေ၌ စနစ်တကျ စိုက်ပျိုးလာ (Click)
Soybean Oil Offers High Performance, Low Environmental Impact (Soybean မှ biodiesel ထုတ်နိုင်တဲ့အကြောင်း လေ့လာနိုင်ရန်)

Monday, April 4, 2011

ခြင်ဆေးခွေကြောင့် ကျန်းမာ ရွှင်လန်းပြီ

မကြာသေးမီက ထုတ်ဝေသော ဂျာနယ်တစောင်ရှိ ကျန်းမာရေးဆိုင်ရာ ကြော်ငြာတခုကို အငွေ့တလူလူထနေသော ခြင်ဆေးခွေပုံဖြင့် သရုပ်ဖော်ထားသည်ကို တွေ့ရသည်။


သင့်ကျန်းမာရေးအတွက် ယုံကြည် စိတ်ချရသည်ဟု ကြော်ငြာက ရဲရဲဝံ့ဝံ့ ဆိုလေသည်။

မြန်မာ့တပ်မတော်အတွက် နိုင်ငံ၏ ကျန်းမာရေးအသုံးစရိတ် ချွေတာရသောကြောင့် မြန်မာပြည်သားများ ကျန်းမာရေး စိုးရိမ်နေရချိန်တွင် ဤသို့ သော ခြင်ဆေးခွေ ပေါ်ပေါက်လာခြင်း ဖြစ်သည်။ ဤသို့ တီထွင်နိုင်သဖြင့် အသစ်စက်စက် အရပ်သားအစိုးရက ကျေနပ်အားရနေသည်ဟု သိရသည်။

တီထွင်သူကို လွှတ်တော်များ ပြန်လည် ခေါ်ယူသည့်အခါ ဂုဏ်ထူးဆောင် ရွှေကြံ့ဆု ပေးအပ်မည် ဖြစ်ပြီး ရွှေရောင်ွကြံ့ရုပ်လေး တခုပင် အသင့် ဖြစ်နေပြီဟု နေပြည်တော်ရှိ ကျွန်ုပ်တို့၏ သတင်းထောက်က လှမ်းပြောသည်။

ဤအတောအတွင်း အနှိပ်ခန်းရောက် အမတ်မင်းများက "ကျန်းမာရွှင်လန်းအောင် ခြင်ဆေးခွေဆောင် ဟူသော ဆိုင်းဘုတ်များကို နိုင်ငံအနှံ့ လမ်းဆုံလမ်းခွများတွင် စိုက်ထူကြရေးအတွက် လွှတ်တော်တွင် အဆိုတင်သွင်းမည်" ဟု လူသိရှင်ကြား ပြောသည်။

ဤခြင်ဆေးခွေ တီထွင်မှုက အနောက်နိုင်ငံများကို သေချာပေါက် အထိနာစေမည်ဟု ရွေးကောက်ပွဲမ၀င်ဘဲ လွှတ်တော်ထဲသို့ ရောက်သွားသူ စစ်ဗိုလ်အမတ်တဦးက သုံးသပ်သည်။

"ငါတို့ ကို စီးပွားရေး ပိတ်ဆို့ တဲ့ နိုင်ငံတွေ အခုတော့ ထိပြီဟေ့။ တို့ဆီက ထုတ်တဲ့ ပစ္စည်း သူတို့  အသွင်းမခံဘူး ဆိုတော့ သူတို့ ပဲ ကျန်းမာရေး ထိခိုက်မှာပေါ့ကွ၊ ဟားဟားဟား" ဟု မိုးကျရွှေကိုယ် အမတ်မင်းစစ်ဗိုလ်က မီးညှိထားသည့် ခြင်ဆေးခွေမှ အငွေ့များကို ရှူရှိုက်ပြီး ဂုဏ်ယူစွာ ပြောဆိုလေသည်။

©ဇာနည်ဝင်း

Saturday, April 2, 2011

Beijing မှ Washington DC သို့ ၃၅ မိနစ် အတွင်း ရထားဖြင့် သွားနိုင်တော့မည်

တရုတ် မြန်နှုန်းမြင့် ရထားများ အနေဖြင့် ၂၀၁၄ တွင် တနာရီလျှင် ၁၉,၀၀၀ ကီလိုမီတာနှုန်းဖြင့် ခုတ်မောင်း နိုင်တော့မည်ဟု ဆိုသည်။


တရုတ် မြန်နှုန်းမြင့် ရထား သတင်း

တရုတ်နိုင်ငံ မြို့တော် ပေကျင်း (Beijing) နှင့် အမေရိကန်ပြည်ထောင်စု ၀ါရှင်တန်မြို့တော် (Washington DC) တို့မှာ ၁၁,၁၇၀ ကီလိုမီတာ ကွာဝေးသဖြင့် တနာရီလျှင် ၁၉,၀၀၀ ကီလိုမီတာ ခုတ်မောင်းသော အဆိုပါ မြန်နှုန်းမြင့် ရထားဖြင့် ခရီးသွားပါက၊ ၃၅ ဒသမ ၂၇ မိနစ် (၃၅ မိနစ်၊ ၁၆ စက္ကန့်) အတွင်း ရောက်ရှိနိုင်မည် ဖြစ်ကြောင်း အထက်ပါ သတင်းအရ သိရသည်။ ထိုကဲ့သို့ အရောက်သွားရန် ရေအောက် ရထားလမ်း ဥမင်လိုဏ်ခေါင်းများတော့ ဆောက်လုပ်ရမည် ဖြစ်သည်။

ဤကဲ့သို့သော အလွန် ထူးဆန်း အံ့သြဖွယ်ရာ ရထားကြီးကို တရုတ်နိုင်ငံမှတပါး အခြား မည်သည့်နိုင်ငံကမျှ တီထွင် ဖန်တီးနိုင်ခြင်း မရှိသေးကြောင်း သတင်းရရှိသည်။

Flight Distance between Beijing and Washington DC (travelmath.com)

မူရင်း Economist သတင်းတွင်တော့ ခရီးမိုင် အကွာအဝေးများကို အောက်ပါအတိုင်း ရေးထားသည်။




@Anonymous 2:21 PM

Friday, April 1, 2011

ယနေ့ည မြန်မာအစိုးရသစ် ထိပ်တန်း လျှို့ဝှက် အစည်းအဝေးကို ... BSN မှ တိုက်ရိုက်ထုတ်လွှင့်နေပြီ

ယနေ့ ဧပြီလ ၁ ရက်နေ့တွင် စတင် တာဝန်ယူသည့် မြန်မာအစိုးရသစ်သည် အထူး လျှို့ဝှက် အစည်းအဝေး တရပ်ကို ယနေ့ည မြန်မာစံတော်ချိန် ည ၁၀ နာရီခွဲ မှ စတင်ပြီး နေပြည်တော် တနေရာတွင် အထူး တံခါးပိတ် ကျင်းပနေကြောင်း သတင်းရရှိသည်။

အဆိုပါ တံခါးပိတ် အစည်းအဝေးကို ကမ္ဘာအရပ်ရပ်မှ မြန်မာ ပြည်သူများ အချိန်နှင့် တပြေးညီ ကြည့်ရှုနိုင်အောင် www.burmastrangenews.com မှ "webcast" တိုက်ရိုက် ရိုက်ကူး ထုတ်လွှင့်ပေးနေပါသည်။


အဆိုပါ နိုင်ငံတော် ထိပ်တန်း လျှို့ဝှက် အစည်းအဝေး အထူးဆွေးနွေးချက်များကို အစည်းအဝေး စတင်ချိန် မြန်မာ စံတော်ချိန် ည ၁၀ နာရီခွဲမှ စတင်ကာ ပြီးဆုံးသည်အထိ တိုက်ရိုက် ထုတ်လွှင့် သွားမည် ဖြစ်ပါသဖြင့် ဤနေရာကို Click နှိပ်ပြီး တိုက်ရိုက် ကြည့်ရှု နားဆင် နိုင်ကြပါသည်။

ရုပ်ရှင်မင်းသား ဒွေး အသက်ပြန်ရှင်လာ

၂၀၀၇ ခုနှစ်က ကွယ်လွန်ခဲ့သော ရုပ်ရှင်မင်းသား ဒွေး ရုတ်တရက် အသက်ပြန်ရှင်လာသည်။

ယခုအခါ တောင်ကိုးရီးယားသို့ ရောက်နေသည်။ တောင်ကိုးရီးယားတွင် ဗီဇာပေးပိုင်ခွင့် ရှိသူ အဆင့်မြင့် အရာရှိကြီး အဖြစ် အလုပ်လုပ်နေသည်ဟု သိရသည်။


အသက်ပြန်ရှင်လာသော နာမည်ကျော် ရုပ်ရှင်မင်းသား ဒွေး ကို နိုင်ငံပေါင်းများစွာမှ ရုပ်ရှင် ပရိသတ်များက လာရောက် တွေ့ဆုံလိုကြသည်။ ထိုကိစ္စ အဆင်ပြေစေရေး အတွက် ဒွေးက ဗီဇာ ပေးရန် စီစဉ်နေသည်။

သူနှင့် တွေ့ဆုံရန် တောင်ကိုးရီးယားသို့ လာရောက်မည့် နိုင်ငံ ၁၁ နိုင်ငံမှ ပရိသတ်များကို၊ ဒွေး, ဗီဇာ ပေးမည်ဟု သိရသည်။ ယခု အချိန်တွင် ဗီဇာထုတ်ပေးမည့် ကိစ္စများဖြင့် ဒွေး အလုပ်များလျက်ရှိသည်။

ဟန်းဂုရွာမှ ရယူပါသည်
လက်တို့သူ- ပရလောကသားများ