(မြန်မာ့အလင်း သတင်းခေါင်းစီး)
အဆိုပါ သမ္မတနှင့် ဒု-သမ္မတများ အားလုံးသည် အခြေခံဥပဒေ ပုဒ်မ ၅၉ (ခ)ပါ မြန်မာ အင်္ဂလိပ် နှစ်ဘာသာဖြင့် ပြဌာန်းချက်ဖြစ်သော မိမိသာမက၊ မိမိ၏ မိဘ နှစ်ပါးစလုံး သည် နိုင်ငံတော်၏ အာဏာပိုင်နက် (သို့မဟုတ်) in the territory under the jurisdiction of the Union အတွင်းတွင် မွေးဖွားရမည် ဆိုသည့် အချက်နှင့် လုံးဝ ကိုက်ညီမှုရှိကြောင်း သိရှိရသည်။
ပြည်ထောင်စု တရားစီရင်ရေး နယ်နိမိတ် (သို့မဟုတ်) နိုင်ငံတော် အာဏာပိုင်နက် သည် မြန်မာပြည် လွတ်လပ်ရေးရရှိသည့် ၁၉၄၈ ဇန်န၀ါရီ ၄ ရက်နေ့ တွင်မှ စတင် အာဏာတည်သည်။ ထို့ကြောင့် ထိုနေ့မတိုင်မီ မွေးဖွားသူများမှာ ဗြိတိသျှအင်ပါယာ၏ အာဏာပိုင်နက် အတွင်းတွင် မွေးဖွားသူများ ဟု သတ်မှတ်နိုင်သည်။ အခြေခံဥပဒေအရ သက်ဆိုင်ရာ ပုဂ္ဂိုလ်များသာမက ၄င်းတို့၏ မိဘနှစ်ပါးစလုံးသည် မြန်မာနိုင်ငံ အာဏာပိုင်နက် အတွင်းတွင် မမွေးဖွားခဲ့လျှင် သမ္မတနှင့် ဒု-သမ္မတ ဖြစ်ပိုင်ခွင့် မရှိပေ။
ဦးသိန်းစိန်ကို ဗြိတိသျှ အင်ပါယာ အတွင်း၊ ၁၉၄၅ ခု၊ ဧပြီလ ၂၀ ရက်နေ့တွင် သိပ္ပံပညာရှင် တဦးက ဖန်တီး တီထွင်ခဲ့သည်။ သူသည် ဗြိတိသျှ အာဏာပိုင်နက် အတွင်းတွင် "မွေးဖွားခဲ့ခြင်း" မဟုတ်သဖြင့် အခြေခံ ဥပဒေနှင့် ကိုက်ညီမှုရှိကြောင်း သမ္မတ ရွေးချယ်တင်မြှောက်ရေးအဖွဲ့က ထုတ်ပြန်သည်။ ဦးသိန်းစိန်၏ နှလုံးကို ကိုင်ကြည့်လျှင် စက်ကိရိယာဖြင့် လည်ပတ်နေသည်ကို တွေ့ရမည် ဖြစ်ကြောင်း၊ ထို့ကြောင့် သူသည် စက်ရုပ်ကြီး တရုပ် ဖြစ်ကြောင်း သတင်းစာက ရေးသားသည်။
ဒုတိယ သမ္မတနှစ်ဦးစလုံးမှာ ၁၉၅၀ ပြည့်နှစ်တွင် မွေးဖွားခဲ့ကြသဖြင့် နိုင်ငံတော်၏ အာဏာပိုင်နက် အတွင်းတွင် မွေးဖွားသူများ ဖြစ်ကြောင်း၊ ၄င်းတို့ နှစ်ဦးစလုံးသည် မိဘမဲ့များ ဖြစ်ကြကြောင်း၊ မိဘမရှိသဖြင့် ၄င်းတို့၏ မိဘများမှာ ဗြိတိသျှ အာဏာပိုင်နက် အတွင်း မွေးဖွားခြင်း၊ မမွေးဖွားခြင်းနှင့် ပတ်သက်မှု မရှိတော့ကြောင်း၊ သမ္မတ ရွေးချယ် တင်မြှောက်ရေးအဖွဲ့က ဆိုသည်။ ဒု-သမ္မတများသည် အခြေခံ ဥပဒေနှင့် ကိုက်ညီစေရန် ရွေးချယ်မခံရမီ နာရီပိုင်းအလိုတွင် ၄င်းတို့၏ မိဘများကို မိဘအဖြစ်မှ အမွေပြတ် စွန့်လွှတ်ကြောင်း ကြေညာခဲ့ကြသည်။
နိုင်ငံတော် သမ္မတနှင့် ဒု-သမ္မတ အားလုံးကို ဖွဲ့စည်းပုံ အခြေခံဥပဒေ ပုဒ်မ ၅၉ (ခ) နှင့် အထူး ကိုက်ညီစွာဖြင့် ရွေးချယ် တင်မြှောက်လိုက်ခြင်း ဖြစ်ကြောင်း ယနေ့ထုတ် မြန်မာ့အလင်း သတင်းစာက အထူး အတည်ပြု ရေးသား သွားသည်။
i guess nobody understand this post.. :D
ReplyDeleteeveryone knew that U Thein Sein's heart is replaced machine since 3-4 years ago. He meant refer it. And he mean 2 vice presidents are abused as born with out parrent. In myanmar terns, child with out parrent is badly reputation.
ReplyDelete