အမတ်များကို တူဖြင့် ထုပြီး၊ ဗိုလ်မင်းများကို လှံဖြင့်ထိုးမည်ဟု လွှတ်တော်ဥက္ကဌ ကြိမ်းမောင်း ပြောဆို

ပြည်ထောင်စု သမ္မတ မြန်မာနိုင်ငံတော်၊ ပထမအကြိမ် လွှတ်တော်အစည်းအဝေးများကို နေပြည်တော်နှင့် ပြည်နယ်နှင့် တိုင်းများတွင် ဇန်န၀ါရီ ၃၁ ရက် နံနက် ၈ နာရီ ၅၅ မိနစ်က တစ်ပြိုင်တည်း စတင်ကျင်းပခဲ့ကြပြီး သက်ဆိုင်ရာ လွှတ်တော်အလိုက် ဥက္ကဋ္ဌနှင့် သက်တော်ရှည် အမတ်ကြီးများကို ရွေးချယ် တင်မြှောက်ပေးခဲ့ကြောင်း သတင်းရရှိသည်။

ပြည်သူ့လွှတ်တော်တွင် ဥက္ကဋ္ဌအဖြစ် သူရဘွဲ့တံဆိပ်နာမံတော်ရ မင်းသားကြီး ဦးရွှေ့မန်း (ဇာတ်မင်းသားကြီး ရွှေမန်း တင်မောင် နှင့် မရောထွေးရန် သတိပြုပါ)၊ သက်တော်ရှည် အမတ်ကြီးအဖြစ် ကြက်သရေဆောင် လူကြီးမင်း ဦးနန္ဒကျော်စွာ တို့ကို ရွေးချယ်တင်မြှောက်ခဲ့ကြသည်။

ထို့နောက် မင်းသားကြီး ဦးရွှေမန်းက တက်ရောက်လာသော လွှတ်တော် အမတ်မင်းများနှင့် အစိမ်းရောင် ၀တ်စုံဝတ် ဗိုလ်မင်းများ၏ ပူဇော်ကန်တော့ခြင်း ကို ခံယူတော် မူပြီး၊ ငြိမ်သက်စွာ ထိုင်နေကြရန်နှင့် ပြောသမျှကို ခေါင်းညိတ်ကြရန် ညွှန်ကြားသည်။

အကယ်၍ ပြောသမျှကို ပုတ်သင်ညိုကဲ့သို့ ခေါင်းမညိတ်ပါက အမတ်မင်းများကို ၄င်း၏ ရှေ့မှောက်တွင် အဆင်သင့် ချထားသော တူဖြင့် ထုမည်ဟု ပြောဆို ကြိမ်းမောင်းသည်။

(Photo: Theyangontimes)

ထို့နောက် အစိမ်းရောင်ဝတ် ဗိုလ်မင်းများအား ဆက်လက် ပြောကြားရာတွင် လွှတ်တော် တက်ရောက်ကြသည့် ဗိုလ်မင်းများသည် သစ္စာရှိ ရဲမက်တော်များ ဖြစ်ရုံမက အမတ်ကြီးများလည်း မည်ပေကြောင်း၊ အမတ်စစ်သူကြီး ဟုလည်း ခေါ်ဆိုနိုင်ကြောင်း၊ အရေးကြုံပါက ပုဂံခေတ် စစ်သူကြီး ကျန်စစ်သား၊ ငထွေရူး၊ ငလုံးလက်ဖယ်၊ ညောင်ဦးဖီးတို့ကဲ့သို့ သမီးကညာ ဆောင်ကြဉ်းခြင်း အလုပ်ကို ဆောင်ရွက် ကြရမည် ဖြစ်ကြောင်း၊ သို့သော် ကျန်စစ်သားကဲ့သို့ ပြုမူပါက ရှေ့တွင်ချထားသည့် အရိန္ဒမာလှံဖြင့် အထိုးခံရမည် ဖြစ်ကြောင်း ပြောကြားပြီး အခမ်းအနားကို ရုပ်သိမ်းလိုက်သည်ဟု သတင်းရရှိသည်။

(Photo: VOA)

http://theyangontimes.com/