ပဲခူး ရေဘေးအတွက် နိုင်ငံတော်မှ တစ်အိမ်ထောင်လျှင် ၁၅၆ ဒေါ်လာ လှူဒါန်း

ပဲခူး ရေကြီးမှုကြောင့် ဒုက္ခရောက်ကြသော အိမ်ထောင်စုများအား နိုင်ငံတော်မှ တစ်အိမ်ထောင်လျှင် (၁၅၆ ဒေါ်လာ)နှုန်းဖြင့် လှူဒါန်း ဒါနပြုကြောင်း သတင်းရရှိသည်။

သို့ရာတွင် ဒေါ်လာကို အများပြည်သူ တရားဝင် ကိုင်ဆောင်ရန် ခွင့်ပြုထားခြင်း မရှိသဖြင့် ရေဘေး ဒုက္ခသည်များအတွက် အခက်အခဲ မဖြစ်စေရန် ရည်ရွယ်ပြီး အလှူငွေများကို မြန်မာ ကျပ်ငွေဖြင့် လဲလှယ် ပေးအပ်ခဲ့ကြောင်း သိရသည်။

အမေရိကန် တစ်ဒေါ်လာ၏ တရားဝင် လဲလှယ်နှုန်းမှာ ၆ ကျပ် ၄၁ ပြား ဖြစ်သဖြင့် အိမ်ထောင်စု တစ်ခုချင်းစီ အတွက် (၁၅၆ ဒေါ်လာ) နှင့် တန်ဖိုး ညီမျှသော ကျပ်ငွေ "တစ်ထောင်" တိတိ ကို နိုင်ငံတော်မှ စေတနာဖြင့် ပေးအပ် လှူဒါန်းခြင်း ဖြစ်ကြောင်း၊ နောင်တွင်လည်း အများပြည်သူ အခက်အခဲ ဖြစ်ပါက အမေရိကန် ဒေါ်လာနှုန်းထားများဖြင့် ပံ့ပိုး လှူဒါန်း သွားဦးမည် ဖြစ်ကြောင်း၊ ပြည်သူအပေါ် ထားရှိသည့် နိုင်ငံတော်၏ ကြီးမားလှသည့် စေတနာကို နားလည်ကြ စေလိုကြောင်း၊ (၁၅၆ ဒေါ်လာ) ပေးအပ် လှူဒါန်းခဲ့သူ နိုင်ငံတော် အကြီးအကဲတစ်ဦးက ပြောကြားသွားကြောင်း သတင်းရရှိသည်။

နိုင်ငံတော်မှ လှူဒါန်းသော ၁၅၆ ဒေါ်လာကို လက်ခံရယူနေသည့် ကလေးငယ် တစ်ဦး

(ဓာတ်ပုံ- ဧရာဝတီဘလော့မှ)

Read More...

မြန်မာ့စိတ်ရင်းစေတနာကို ထုတ်ဖေါ်ခဲ့ကြသည့် ပရိတ်သတ်ကြီးအား ဂုဏ်ယူဝမ်းမြောက်ကြောင်း သမ္မတကြီးကိုယ်တိုင် ချီးကျူးရန် စီစဉ်နေ

ရန်ကုန်၌ ကစားခဲ့ကြသည့် မြန်မာ၊ အိုမန်ဘောလုံးပွဲတွင် မြန်မာပြည်သူ တို့၏ စိတ်သဘောထား ကောင်းမြတ်မှုနှင့် အားကစားကို ချစ်မြတ်နိုးမှုအား ကမ္ဘာက သိအောင် ထင်ထင်ရှားရှား ပြသခွင့်ရခဲ့ကြ သည်။

အခွင့်အရေးကို လက်လွတ်မခံပဲ မြန်မာ့စိတ်ရင်းစေတနာကို ထုတ်ဖေါ်ခဲ့ကြသည့် ပရိတ်သတ်ကြီးအား နိုင်ငံတော်အစိုးရကလည်း ဂုဏ်ယူဝမ်းမြောက်ကြောင်း သမ္မတကြီးကိုယ်တိုင် ရုပ်မြင်သံကြားက ချီးမွန်းပြောဆိုရန် စီစဉ်နေသည်။

အိုမန်အသင်းက မြန်မာထက် သာကြောင်း မြန်မာပရိတ်သတ်များက ကြိုတင် သဘောပေါက်ထား၍ ပွဲပြီးဆုံးသည်အထိ ကန်ခွင့်မပေးခဲ့။ မြန်မာကွင်း၌ ကန်ခွင့်ရချိန်အတွင်း အိုမန်အသင်းကို အမော မဖေါက်စေလို။ မြန်မာပရိတ်သတ်ကြီးက သူတို့သောက်ရန် ၀ယ်ယူထားသော ရေဘူးများကို သူတို့မသောက်ပဲ အိုမန်ဘောလုံးသမားတို့ သောက်ရန် တက်တက်ကြွကြွဖြင့် စွန့်လွှတ်လှူဒန်းခဲ့ကြသည်။

တချို့ပရိတ်သတ်များကလည်း ၄င်းတို့အိမ်က ယူဆောင်လာခဲ့ကြသော ထီးများကို အိုမန်အသင်းသားတို့ ကွင်းအလယ်၌ နေပူမှာစိုးသဖြင့် လှမ်း၍ ပစ်ပေးခဲ့ကြသည်။ တချို့ကလည်း အိမ်အပြန် ခြေဗလာဖြင့် ပြန်မည်ဟု ဆုံးဖြတ်ပြီး ကိုယ်တိုင်စီးလာသည့် ဖိနပ်များကိုချွတ်၍ ပစ်ပေးခဲ့ကြ၏။ အိုမန်အသင်း ဘောလုံးပွဲပြီးသည်အထိ ဆက်၍ကန်စရာ မလိုတော့ကြောင်း၊ ဘောကန်ဖိနပ်များကို လဲ၍ ကွင်းအလယ်၌ သက်သက်သာသာ နေကြပါရန်လည်း ဟစ်အော် တောင်းပန်ခဲ့ကြ၏။ မြန်မာအသင်းအနေနှင့်လည်း ဆက်၍ ကန်လျှင် ရှုံးမည့်အတူတူ စောစောနားသော် စောစောသက်သာသည်ဟု စေတနာထားပြီး ဘောပွဲကို ရပ်နားကြရန် လေးဘက်လေးတန် စင်ပေါ်က အော်ဟစ် အသနားခံခဲ့ကြသည်။

အိုမန်ဘောသမားများအတွက် မြန်မာ့ကွမ်းကို မိတ်ဆက်ပေးသည့် အနေနှင့်လည်း ကွမ်းထုပ်များ၊ ကွမ်းဘူးများအပြင် ဗိုက်ဆာနေသူတို့ အသင့်စားသုံးနိုင်ရန် မြန်မာအစားအသောက်များကိုပါ ကွင်းပတ်ပတ်လည်က ပစ်ချပေးခဲ့ကြလေသည်။ မြန်မာပြည်တွင်းဖြစ် အုတ်နီခဲများ၏ အရည်အသွေးကို အချိန်ရတုန်းရခိုက် လေ့လာသွားစေချင်သည့် သဘောဖြင့်လည်း ရသမျှအုတ်ခဲအကျိုးအပဲ့တို့ကို အိုမန်ဘောသမားများထံ အရောက်ပေးပို့ခဲ့ကြသည်။

မြန်မာ့ဘောလုံးအဖွဲ့ချုပ်ဥက္ကဌ ဦးဇော်ဇော်ကလည်း ဤမျှစေတနာကြီးမား သဘောထား ကောင်းလှသည့် မြန်မာပရိတ်သတ်ကြီးအား ကွင်းအလည်ကို ထွက်ကာ ရှိခိုးဦးခိုက် ကျေးဇူးတင်ခဲ့သည်။ လုံခြုံရေး ရဲများကလည်း ပရိတ်သတ်ကြီး၏ အားပေးမှုကို ထောက်ခံသည့်အနေဖြင့် ဘောလုံးကွင်းအနှံ့  ချီတက်ပြခဲ့ကြသည်။

သို့သော် လူကိုသေကျေစေနိုင်သည့် ဓါးရှည်၊ ဓါးကောက်များကို နိုင်ငံတော်အလံတွင် ထည့်သွင်း အသုံးပြုထားသည့် အိုမန်နိုင်ငံမှ ဘောသမားများသည် မြန်မာပရိတ်သတ်၏ မေတ္တာစေတနာကို လုံးဝ သဘော မပေါက်ခဲ့။ ၄င်းတို့အား တိုက်ခိုက်သည်ဟု တဘက်သတ် စွပ်စွဲ ပြောဆိုခဲ့ကြသည်။

ဖီဖါခေါ် ကမ္ဘာ့ဘောလုံးအဖွဲ့ချုပ်သည်လည်း မြန်မာ့ယဉ်ကျေးမှုကို လုံးဝ နားမလည်။ မြန်မာတို့အား အရေးယူမည့်သဘော ခြိမ်းခြောက်ပြောဆိုခဲ့သည်။ အစာရေစာနှင့်  လက်ဆောင် ပစ္စည်းများ ပေးခဲ့ကြသည်ကိစ္စကို စုံစမ်းစစ်ဆေးမည်ဟုပင် မရှက်မရွံ့ ထုတ်ဖေါ်ပြောဆိုခဲ့လေသည်။

မြန်မာတို့သည် အားကစားစိတ်ဓါတ် ပြင်းထန်ကြသူများဖြစ်ကြောင်း ကမ္ဘာက ကောင်းကောင်း မသိ။ ပေးထားသည့် နာမည်ကိုယ်၌က “အားကစား” ။ အားသည့်အခါတိုင်း ကစားသည်ဟု အဓိပ္ဗါယ်ရသည်ကို နိုင်ငံတကာက နားမလည်ကြ။ ဤမျှ အဓိပ္ဗါယ်လေးနက်ပေါ်လွင်သည့် နာမည်ကို ပေးပြီး အားကစား၏ဂုဏ်ကို မြှင့်တင်ခဲ့သည်ကို သဘောမပေါက်ကြ။

အိုမန်ဘောလုံးပွဲ အဖြစ်အပျက်ကြောင့် ယခုဆိုလျှင် မြန်မာတမျိုးသားလုံးက အားကစားလောက တခုလုံးကို စွန့်လွှတ်ပစ်ရန်အထိပင် စဉ်းစားပြောဆို နေကြလေပြီ။ နောက်ဆုံးရရှိသော သတင်းများအရ နေပြည်တော်အရပ်တွင် ကြီးကြီးမားမား တည်ဆောက်ထားသည့် ပြည်သူ့လွှတ်တော်အတွင်း သမ္မတကြီးအပါအ၀င် တိုင်းပြည်ခေါင်းဆောင်များက ဘောလုံးကိစ္စ အရေးပေါ်လွှတ်တော်အစည်းအဝေး ခေါ်ယူကျင်းပနေသည်ဟု သိရသည်။

မြန်မာစစ်ခေါင်းဆောင်များကလည်း ဘောလုံးကန်သည့်နိုင်ငံများ အားလုံးကို စစ်ရေးအရ တုံ့ပြန်သွားဖို့ ဒေါသတကြီး အဆိုတင်သွင်း နေကြသည်ဟု ဆိုသည်။ အတိုက်အခံ နိုင်ငံရေးပါတီများကလည်း နိုင်ငံရေးအကြောင်းကို လုံးဝ မစဉ်းစားကြတော့ပဲ ဘောလုံးအကြောင်း ကိုသာ နေ့ရောညပါ ဆွေးနွေးပြောဆိုနေကြကြောင်း၊ အစိုးရနှင့် အရာရာ သဘောထား ကွဲလွဲနေကြသော်လည်း ဘောလုံးကိစ္စ၌ တထပ်တည်း ဆန္ဒရှိနေသဖြင့် ဘောလုံးကို အခြေခံ၍ အမျိုးသားပြန်လည်သင့်မြတ်ရေး ဖြစ်ပေါ်လာရန် တွေ့ဆုံဆွေးနွေးမှုများ လုပ်ဆောင်သွားမည်ဟု ပြောဆိုနေကြကြောင်း သတင်းရရှိပါသည်။

(BLUE SKY FOREST ဘလော့မှ ကူးယူ ဖော်ပြပါသည်)

ဦးဇော်ဇော် လန်ကွတ်တီ ၀တ်မည်

မြန်မာနိုင်ငံ ဘောလုံးအဖွဲ့ချုပ် ဥက္ကဌ ဦးဇော်ဇော် လန်ကွတ်တီ ၀တ်ရတော့မည့် အနေအထားတွင် ရှိကြောင်း ဘောလုံးအဖွဲ့ချုပ် ပြန်ကြားရေး တာဝန်ခံ ဦးစိုးမိုးကျော်က ပြောဆိုလိုက်သည်။

မြန်မာ-အိုမန် ဘောလုံးပွဲတွင် ဖြစ်ပျက်ခဲ့သော မြန်မာပရိသတ်၏ အပြုအမူကြောင့် ဖီဖာက အရေးယူ ဒဏ်ရိုက်ရန် စတင် ဆောင်ရွက် နေပြီ ဖြစ်ပြီး၊ ဘောလုံးကွင်း အတွင်း ပစ္စည်းတစ်ခုကျလျှင် ဒဏ်ငွေ ဒေါ်လာ ငါးထောင် ဒဏ်ရိုက်ခံရမည် ဖြစ်သဖြင့်၊ ကျရောက်သည့် ပစ္စည်း အရေအတွက် အတိုင်း ဒဏ်ငွေ ပေးဆောင်လိုက်ပါက ဘောလုံးဥက္ကဌ ဦးဇော်ဇော်တွင် ၀တ်စရာ လန်ကွတ်တီပဲ ကျန်တော့မည် ဖြစ်ကြောင်း ဦးစိုးမိုးကျော်က ပြောသည်။

မြန်မာနိုင်ငံ ဘောလုံးအဖွဲ့ချုပ်၏ ဥက္ကဌ ဖြစ်သော ဦးဇော်ဇော်ပင်လျှင် လန်ကွတ်တီ ၀တ်ရတော့မည် ဖြစ်သဖြင့်၊ မြန်မာ့ ဘောလုံးလောကအတွက် ထူးခြားသော အပြောင်းအလဲများ ဖြစ်ပေါ် လာနိုင်ကြောင်း၊ ကမ္ဘာအရပ်ရပ်မှ ဘောလုံးပရိသတ်များ အနေဖြင့် မြန်မာ့ လက်ရွေးစင် ဘောလုံး တစ်သင်းလုံး လန်ကွတ်တီဖြင့် ဘောလုံး ကန်ကြသည်ကို မြင်တွေ့ရဖွယ် ရှိပြီး ဘောလုံးအစား အုန်းသီးကို အစားထိုး ကန်ကျောက်မည်ဟု ယူဆရကြောင်း၊  ၄င်းက သုံးသပ်သွားသည်။

Read More ...

၂၀၁၃ အရှေ့တောင်အာရှ အားကစားပြိုင်ပွဲ မြန်မာပြည်တွင်ကျင်းပတော့မည် မဟုတ်

၂၀၁၃ အရှေ့တောင်အာရှ အားကစား ပြိုင်ပွဲကို မြန်မာနိုင်ငံက အိမ်ရှင်နိုင်ငံအဖြစ် လက်ခံ ကျင်းပတော့မည် မဟုတ်ကြောင်း သိရသည်။

ယမန်နေ့က မြန်မာ့မြေတွင် ဖြစ်ပွားခဲ့သော အရုပ်ဆိုး အကျည်းတန်သည့် အိုမန်-မြန်မာ ဘောလုံးပွဲကြောင့် မြန်မာနိုင်ငံ အနေဖြင့် နိုင်ငံတကာ ဘောလုံးပွဲစဉ်များကို အိမ်ရှင် အဖြစ် လက်ခံကျင်းပခွင့်များ ဆုံးရှုံးနိုင်ဖွယ် ရှိကြောင်း သတင်းအချို့ ထွက်ပေါ်အပြီး၊ အဆိုပါ သတင်း အချက်အလက်ကို တွေ့ရခြင်း ဖြစ်သည်။

၂၀၁၃ တွင် မြန်မာနိုင်ငံ နေပြည်တော်၌ အရှေ့တောင်အာရှ အားကစားပြိုင်ပွဲကို ကျင်းပတော့မည် မဟုတ်သော်လည်း "အာရှ အားကစား ပွဲတော်" ကို ကျင်းပသွားမည် ဖြစ်ကြောင်း ပြည်ပ မီဒီယာ တစ်ခုက ရေးသားသည်။

အဆိုပါ အားကစားပွဲမှာ "ဆီးဂိမ်း" (SEA Games- Southeast Asian Games) ဟု အမည်ရသော်လည်း အရှေ့တောင်အာရှနှင့် သက်ဆိုင်ခြင်း မရှိဟု သိရသည်။

သို့သော် မြန်မာပြည်တွင် ကျင်းပမည့် "အာရှအားကစားပွဲတော်" တွင် တရုတ်၊ အိန္ဒိယ၊ ဂျပန် အစရှိသည့် နိုင်ငံများ အပါအ၀င် အာရှတိုက် နိုင်ငံပေါင်းများစွာ ပါဝင် ယှဉ်ပြိုင်ကြမည် မဟုတ်ဘဲ အရှေ့တောင်အာရှ နိုင်ငံများသာ သီးသန့် ပါဝင်ယှဉ်ပြိုင်ကြမည် ဖြစ်သဖြင့် မကြုံစဖူး ထူးခြားလှသည့် အာရှ အားကစားပွဲတော် ဖြစ်ကြောင်း သတင်းရရှိသည်။

အပြည့်အစုံသို့ ...

ငွေကျပ် ၅၅ သိန်းဖြင့် ကိုယ်ပိုင်ကား စီးလိုပါသလား? ၃၃ နှစ်တော့ စောင့်ရမည်

ငွေကျပ် ၅၅ သိန်းတန် မြန်မာမီနီဆလွန်း မော်တော်ယာဉ် အစီးရေ ၃၀၀ ကျော် ရောင်းချပြီးဖြစ်ကြောင်း၊ ဆက်လက်၍ တစ်လလျှင် အစီးရေ ၁၀၀ ၀န်းကျင်နှုန်းဖြင့် ဆက်လက် ရောင်းချသွားမည်ဖြစ်ကြောင်း အမှတ်(၂) စက်မှုဝန်ကြီးဌာန၊ အမှတ် (၁) အထွေထွေ အကြီးစားစက်မှုလုပ်ငန်းမှ ဦးဆောင် ညွှန်ကြားရေးမှူး ဦးအေးသောင်းက ပြောကြားခဲ့သည်။

လက်ရှိအချိန်တွင် ငွေကျပ် ၅၅ သိန်းတန် မြန်မာမီနီဆလွန်း မော်တော်ယာဉ် လျှောက်ထားသူ အရေအတွက် လေးသောင်းကျော် ရှိနေပြီ ဖြစ်ကြောင်း၊ တစ်လလျှင် အစီးရေ ၁၀၀ ၀န်းကျင်၊ တစ်နှစ်လျှင် အစီးရေ ၁၂၀၀ နှုန်းဖြင့် ရောင်းချ သွားမည် ဖြစ်ကြောင်း၊ သို့ဖြစ်ရာ နောင်လာမည့် ၃၃ နှစ် နှင့် လေးလ အကြာတွင် အစီးရေ လေးသောင်း ပြည့်မီနိုင်မည် ဖြစ်ကြောင်း၊ ထို့ကြောင့် နောင်နှစ်ပေါင်း ၃၃ နှစ်ကျော် ကြာသော အချိန်တွင် လျှောက်ထားသူ အားလုံး လက်ဝယ်သို့ မော်တော်ကားများ ဖြန့်ဖြူး ရောင်းချနိုင်မည် ဖြစ်ကြောင်း၊ ၀ယ်ယူလိုသူများ စိတ်ရှည် သည်းခံကာ စောင့်ဆိုင်း ပေးကြစေလိုကြောင်း၊ တစ်လလျှင် အစီးရေ ၁၀၀ (တစ်နှစ် အစီး ၁၂၀၀) နှုန်းဖြင့် ရောင်းချပေးမှုကို တန်းစီ စောင့်ဆိုင်းပါက မိမိတို့၏ သားသမီး မြေးမြစ်တို့ ခေတ်တွင် ၀ယ်ယူနိုင်ကြမှာ ဖြစ်ကြောင်း၊ ဦးအေးသောင်းက ပြောသည်။

အဆိုပါ မော်တော်ယာဉ်များကို ၂၀၁၀ ပြည့်နှစ်အတွင်း စတင် ထုတ်လုပ်ခဲ့ခြင်းဖြစ်ပြီး တရုတ် ကုမ္ပဏီတစ်ခုနှင့် ပူးပေါင်း ထုတ်လုပ်နေခြင်းဖြစ်ကြောင်း ၂၀၁၁ ခုနှစ် ဇူလိုင်လ ၂၉ ရက်နေ့ထုတ် Bi Weekly Eleven ဂျာနယ်တွင် ဖော်ပြထားသည်။

အပြည့်အစုံသို့ ...

ဟစ်တလာက သူ လိပ်ခေါင်းမထွက်ဟု ငြင်းဆို

မြန်မာပြည်သူများအကြား ယခုတလော အလွန် ရေပန်းစားနေသည့် အထက်ပါ ဗီဒီယိုကလစ်နှင့် ပတ်သက်၍ ကွယ်လွန်သူ ဂျာမနီအာဏာရှင်ကြီး ဟစ်တလာက သူမဟုတ်ကြောင်း ငြင်းဆိုလိုက်သည်။

ဗီဒီယိုထဲတွင် နာဇီခေါင်းဆောင်ကြီးက မြန်မာ့ ဆက်သွယ်ရေးလုပ်ငန်း ၏ အပြစ်အနာအဆာများနှင့် ပတ်သက်၍ ဆဲဆို မာန်မဲ ထားပြီး၊ သူ မြန်မာပြည် ရောက်ရှိစဉ်အတွင်း တယ်လီဖုန်း အော်ပြောရသဖြင့် လိပ်ခေါင်းထွက်သွားဖူးကြောင်း၊ ထို့ပြင် ဖုန်း Bill ဆောင်ရန် သုံးနာရီခန့် မတ်တပ်ရပ် စောင့်ဆိုင်းရင်း မအောင့်နိုင်တော့ သဖြင့် နောက်ဆုံးတွင် ချီးထွက်သွားခဲ့ကြောင်း ကြိမ်းမောင်း ဟိန်းဟောက်ထားသည်။

သူသော် ငရဲပြည်ရောက်နေသော ဟစ်တလာက ထိုကဲ့သို့ ပြောဆိုသူမှာ ဟစ်တလာ အတုဖြစ်ကြောင်း၊ သူ့အနေဖြင့် တစ်ကြိမ်တစ်ခါမျှ မြန်မာပြည်တွင် အီးမထွက်ခဲ့ဖူးသလို၊ မြန်မာပြည်တွင် လိပ်ခေါင်းထွက်ခြင်းလည်း မရှိခဲ့ဖူးကြောင်း ငြင်းဆိုသည်။

လိပ်ခေါင်းထွက်ပြီး အီးထွက်သူမှာ သူ့အမည်နှင့် ခပ်ဆင်ဆင် တူသည့် "ဟစ်တာလာ" ဖြစ်ကြောင်း၊ အမည် ဆင်တူခြင်းသာ ဖြစ်ကြောင်း၊ ဗီဒီယိုကြည့် မြန်မာပရိသတ်များ အနေဖြင့် သူ့အပေါ် အထင်အမြင် မလွဲမှား ကြစေလိုကြောင်း၊ အီးထွက်သူ- လိပ်ခေါင်းထွက်သူမှာ "တ၀မ်းပူ ရေးချ-တာ... ဟစ် တာ လာ" ဆိုသူသာ ဖြစ်သည်ဟု သိရှိ မှတ်သားကြ စေလိုကြောင်း၊ သူ လုံးဝ မဟုတ်ကြောင်း၊ နာဇီခေါင်းဆောင်ကြီး ဟစ်တလာ က အကြောက်အကန် ငြင်းဆိုသွားသည်။

(Screen-shot from You Tube)

Read More...

မြန်မာ-အိုမန် ဘောလုံးပွဲအတွင်း ထူးဆန်းသော မိုးများ ရွာသွန်း

မြန်မာ-အိုမန် ဘောလုံးပွဲ၊ ထူးဆန်းသော မိုးကြောင့် ခေါင်းပေါက်သွားသူ တစ်ဦး

(Courtesy: The Voice Weekly)

မိုးရွာလျှင် အိုမန်နှင့် ပွဲတွင် မြန်မာ အလားအလာ ကောင်းသည်ဟု စင်ကာပူနိုင်ငံသား ဘောလုံးနည်းပြ ဆီဗာဂျီကက သုံးသပ်ခဲ့သည်။

ယနေ့ယှဉ်ပြိုင်သော ဘောလုံးပွဲတွင် သုဝဏ္ဏကွင်းအတွင်း အလွန်ထူးဆန်းသော မိုးများ ဖြစ်သည့် ကျောက်ခဲမိုး၊ ဖိနပ်မိုး၊ ရေဗူးမိုး၊ အရက်ပုလင်းမိုးများ ရွာသွန်းခဲ့ပြီး ပွဲပျက်သွားသည်ဟု သတင်းရရှိသည်။

သို့သော် အဆိုပါ ထူးဆန်းသော မိုးမှာ အိုမန်က မြန်မာအသင်းဘက်သို့ နှစ်ဂိုး သွင်းပြီးမှသာ ရွာသွန်းသော မိုးဖြစ်သဖြင့် ဆီဗာဂျီ ဟောကိန်းထုတ်ခဲ့သော အဖြေ မထွက်ပေါ် နိုင်ခဲ့ပေ။

"ပွဲစကတည်းက အဲဒီ ထူးဆန်းတဲ့ မိုး ရွာရမှာဗျ။ ဒါမှ ကိုယ့်ဘက်ကို တစ်ဂိုးမှ အသွင်းမခံရခင် ပွဲပျက်သွားမှာ။ ရလာဒ်က ၀-၀ နဲ့ ပွဲပျက်မှာ ဆိုတော့ အရှုံးပေးခံရတယ် ဆိုရင်တောင် သရေလို့ ပြောလို့ရပါတယ်။ အခုတော့ မိုးရွာတာ နောက်ကျလို့ မြန်မာတွေ နှစ်ဂိုး အသွင်းခံရတာ ဖြစ်ပါတယ်" ဟု ဆာဗာဂျီက ပြောသည်။

"ဘယ်လိုပဲ ဖြစ်ဖြစ်၊ ကျွန်တော် ကြိုတင် ဟောကိန်းထုတ်ခဲ့သလို ဖိနပ်မိုး၊ ခဲမိုး၊ ရေသန့်ဗူး၊ ပုလင်း မိုးတွေကြောင့် အိုမန်အသင်း ဒုက္ခ လှလှတွေ့သွားတာကတော့ အမှန်ပါပဲ" ဟု ဆာဗာဂျီက ဆက်ပြောပြီး သူ့ဟောကိန်း မှန်ကန်ကြောင်း သက်သေပြသွားခဲ့သည်။

ကြောက်စဖွယ် မိုးသီး မိုးပေါက်များ (Courtesy: The Voice Weekly)

A World Cup qualifier between Myanmar and Oman was abandoned on Thursday after angry fans hurled rocks and glass bottles at the referee, the visiting coach Paul Le Guen and one of his players, witnesses said (Read More...).

မိုးရွာလျှင် အိုမန်ကို မြန်မာနိုင်မည်ဟု စင်ကာပူနိုင်ငံသား နည်းပြ ပြောဆို

(Photo: Soccer Myanmar)

မနက်ဖြန် ဇူလိုင်လ ၂၈ ရက်၊ ရန်ကုန်မြို့တွင် ယှဉ်ပြိုင်မည့် မြန်မာ-အိုမန် ဘောလုံးပွဲစဉ်အတွင်း မိုးရွာသွန်းပါက မြန်မာ ဘောလုံး အသင်းအတွက် အခြေအနေ ကောင်းနိုင်ကြောင်း၊ ဥဿာယူနိုက်တက် အသင်း နည်းပြချုပ်အဖြစ် တာဝန်ယူထားသူ စင်ကာပူနိုင်ငံသား ဆီဗာဂျီက ပြောဆိုလိုက်သည်။

"အိုမန်တွေ အတွက် မိုးရွာမယ်ဆိုရင် အခက်တွေ့ သွားနိုင်ပါတယ်၊ ဘောလုံးကွင်းထဲ ရေ၀ပ်နေရင် သူတို့ ဘောလုံး ကောင်းကောင်း ကန်နိုင်မှာ မဟုတ်ပါဘူး" ဟု ဆီဗာဂျီက မှတ်ချက် ပြုခဲ့ပြီး၊ အိုမန် ကစားသမားများ မိုးရေထဲ ချော်လဲပြီး ခြေခေါက်ခြင်း၊ ခြေကျိုးခြင်းများ ဖြစ်ပေါ်မှုကို အသုံးချပြီး၊ မြန်မာအသင်း အနေဖြင့် ဦးဆောင်ဂိုးသာ ရရှိအောင် ကစားနိုင်မည် ဆိုပါက မနက်ဖြန် ပွဲစဉ်တွင် မြန်မာအသင်း အနိုင်ရမည်ဖြစ်ပြီး၊ နောက်တစ်ဆင့်ပင် တက်ရောက် သွားမည်ဟုလည်း ပြောကြားခဲ့ကြောင်း အားကစား သတင်းတစ်ပုဒ်တွင် တွေ့ရသည် (ဖတ်ရှုရန်)။

ပြီးခဲ့သည့် ဇူလိုင်လ ၂၃ ရက်နေ့က အိုမန်နှင့် ပထမ အကျော့ အဝေးကွင်း ယှဉ်ပြိုင်ခဲ့ရာ ၀-၂ ဖြင့် မြန်မာအသင်း ရှုံးနိမ့်ခဲ့သည်။ မြန်မာအသင်း ရှုံးနိမ့်ခဲ့ရမှုမှာ အိုမန်၏ ရာသီဥတု အလွန်ပူပြင်းပြီး၊ အပူချိန် မြင့်မားသည့်ဒဏ်ကို မြန်မာ ကစားသမားများ ခံနိုင်ရည် မရှိမှုနှင့်လည်း ဆက်စပ်နေကြောင်း သတင်းတစ်ပုဒ်က ဆိုသည် (ဆက်စပ် ဖတ်ရှုရန်)။

မြန်မာအသင်းသည် ၂၀၁၄ ကမ္ဘာ့ဖလား ခြေစစ်ပွဲ ပထမအဆင့်တွင် မွန်ဂိုးလီးယားအသင်းကို အဝေးကွင်း ပထမအကျော့ ပွဲစဉ် တွင် ၀-၁ ဖြင့် ရှုံးနိမ့်ခဲ့သော်လည်း၊ အိမ်ကွင်း ဒုတိယ အကျော့တွင် ၂-၀ ဖြင့် အနိုင်ရကာ ဒုတိယအဆင့်ကို တက်လမ်းနိုင်ခဲ့ခြင်း ဖြစ်သည်။

ပင်လယ်ရေမျက်နှာပြင်ထက် လွန်စွာ မြင့်မားသော မွန်ဂိုးလီးယား ကုန်းပြင်မြင့်ရှိ ဘောလုံးကွင်းတွင် ယှဉ်ပြိုင်ရသည့် အတွက် မြန်မာ ဘောလုံးသမားများ အသက်ရှုမ၀ ဖြစ်ကာ၊ ရှုံးနိမ့်ရခြင်း ဖြစ်ပြီး၊ ဒုတိယ ပွဲစဉ်တွင် မြန်မာပြည်၏ အပူဒဏ်ကို မခံနိုင်ခြင်းကြောင့် အေးသောဒေသမှ မွန်ဂိုးလီးယားတို့ ရှုံးနိမ့်ရခြင်း ဖြစ်ကြောင်း BSN အားကစား သတင်းထောက်က သုံးသပ်ထားသည်။

ဝန်ကြီး ဦးအောင်ကြည် နှလုံးအောင့်ခြင်း ဝေဒနာ ခံစားရ

(Photo: BBC Burmese)

ယမန်နေ့က မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံစဉ်အတွင်း မြန်မာအစိုးရ ၀န်ကြီး ဦးအောင်ကြည် ရုတ်တရက် နှလုံးအောင့်သော ဝေဒနာ ဖြစ်ပေါ်ခံစားရကြောင်း သတင်းရရှိသည်။

ဒေါ်အောင်ဆန်းစုကြည်၏ "အတွင်းအား" ကို မခံနိုင်သောကြောင့် ယခုကဲ့သို့ ဦးအောင်ကြည် ရင်ဘတ် အောင့်သွားခြင်း ဖြစ်ကြောင်း သိရသည်။ ဝေဒနာ ပြင်းထန် လွန်းသောကြောင့် ၀န်ကြီး ဦးအောင်ကြည်မှာ ရင်ဘတ်ကို လက်ဖြင့် ဖိထားရပြီး မျက်နှာမှာလည်း ရှုံ့မဲ့နေသည်။

"ဒေါ်စုရဲ့ အတွင်းအားက အတော်ပြင်းတယ်ဗျ။ ကျွန်တော့် ပါဝါလောက်နဲ့ မခံနိုင်ဘူး။ ရင်ဘတ်တော်တော် အောင့်သွားတယ်။ စူးပြီး အောင့်တာ" ဟု တွေ့ဆုံမှု အပြီးတွင် သတင်းထောက်များကို ဦးအောင်ကြည်က ပြောသည်။ "ဒီပုံစံ အတိုင်းဆိုရင် နှလုံးစက် တပ်ထားတဲ့ သမ္မတကြီး အနေနဲ့ တွေ့ဖို့ အဆင်သင့် ဖြစ်ဦးမယ် မထင်ဘူး" ဟု ၄င်းက ဆက်လက် ပြောကြားသွားသည်။

Read More...

ပေ ၈၀၀ မြင့်သော ဆေးခြောက်ပင်များ တွေ့ရှိ

ပေ ၈၀၀ မြင့်သော ဆေးခြောက်ပင်များ သတင်း (Click)

ကမ္ဘာ့ အမြင့်ဆုံး ဆေးခြောက်ပင်များဟု ယူဆရသည့် အမြင့် ပေ ၈၀၀ ရှိသော ဆေးခြောက်ပင်များကို မက္ကစီကိုနိုင်ငံအတွင်း မြန်မာဂျာနယ်လစ်များက ရှာဖွေတွေ့ရှိခဲ့ကြောင်း ပြည်တွင်း ဂျာနယ်တစ်ခုက ရေးသားသည်။

မူရင်း သတင်း (Click)

အဆိုပါ ဆေးခြောက်ပင်များမှာ ခရမ်းချဉ်သီးပင်များ အကြားတွင် စိုက်ပျိုးထားခြင်း ဖြစ်သော်လည်း မြန်မာဂျာနယ်လစ်များ မက္ကစီကိုနိုင်ငံသို့ သွားရောက် ကြည့်ရှု သည့်အခါ ခရမ်းချဉ်သီးမဟုတ်ဘဲ အာလူးများကိုသာ တွေ့ရှိခဲ့ကြသည် ဆို၏။

မြန်မာဂျာနယ်လစ်များက သူတို့ တွေ့ရှိသော Tomato (ခရမ်းချဉ်သီး) ကို "အာလူး" ဟု အထက်ပါ သတင်းတွင် မှတ်တမ်းတင်ကြသည်ကို တွေ့ရသည်။ ဤကဲ့သို့ မှတ်သားလိုက်သဖြင့် အင်္ဂလိပ်-မြန်မာ အဘိဓာန် ပြုစုရေး အဖွဲ့ဝင်များ အလုပ်ရှုတ်သွားကြသည်။ ဂျာနယ်လစ်များ အလိုအရ Tomato မှာ အာလူး ဖြစ်သွားသဖြင့် Potato ကို အဓိပ္ပါယ် ဖွင့်ဆိုရန် အခက်အခဲ ဖြစ်သွားကြောင်း အဘိဓာန် ပညာရှင်များက ပြောကြားသည်။

မည်သို့ပင် ဖြစ်စေ- ကြီးမားလှသည့် ဧရာမ ဆေးခြောက်ပင်ကြီးများကို အံ့သြဖွယ်ရာ တွေ့ရှိခဲ့သည့် အဆိုပါ မြန်မာဂျာနယ်လစ်များအား မက္ကစီကိုနိုင်ငံ မူးယစ်ဆေးဝါး တိုက်ဖျက်ရေး အဖွဲ့မှ အထူး ဂုဏ်ပြုရန် စီစဉ်နေကြောင်း သတင်းရရှိသည်။

@KZT

ဗုံးဖောက်ခွဲရေးသမားများ အလိုရှိသည်။

ဗုံးဖောက်ခွဲရေးသမားများ အလိုရှိသည် ဟူသော ကြော်ငြာ စာရွက်များ ရန်ကုန်တွင် လိုက်ကပ်နေကြောင်း သတင်းရရှိသည်။

"သင့်အား တပ်မတော်မှ အလိုရှိသည်" ဟူသော ဆိုင်းဘုတ်များ နောက်ပိုင်း ယခုကဲ့သို့ "ဗုံးဖောက်ခွဲရေးသမားများ အလိုရှိသည်" ဟူသော ကြော်ငြာများကို တွေ့ရခြင်း ဖြစ်သည်။ ယခု အလိုရှိနေသော ဖောက်ခွဲရေး သမားများကို မည်သည့် နေရာများတွင် တာဝန်ထမ်းဆောင် စေမည် ဆိုသည်ကိုမူ မသိရပေ။

@KZT

Read More...

အာဇာနည်နေ့ သမိုင်းအကျဉ်း

အာဇာနည်နေ့ သမိုင်းအကျဉ်း။
မောင်အေးစိုး (YouTube) တင်ထားတဲ့သူက စေတနာအရင်းခံနဲ့ ဖန်တီးပြီး တင်ပေးထားတာပါ။

(ဧရာဝတီဘလော့ကနေ ပြန်လည် မျှဝေပါတယ်)

၁၉ ဇူလိုင် ... မမေ့နိုင်...

အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏

ဘ၀ တစိတ်တဒေသ ရုပ်ရှင်မှတ်တမ်း (Credit: ဒေါင်းတမန်)

အဖေ...
တေးဆို- လေးဖြူ
(မောင်ဖိုးထောင် တင်ဆက်သည်)

မြန်မာလေတပ်တွင် တိုက်လေယာဉ် အမျိုးအစားသစ်များ ထုတ်လုပ်သုံးစွဲ နေသလော

မြန်မာ့တပ်မတော်တွင် လက်နက်ငယ်များမှ စ၍ ဒုံးကျည်များ အလယ် နျူကလီးယားအဆုံး လက်နက်မျိုးစုံကို
လျှို့ဝှက်စီမံကိန်းများဖြင့် လုပ်ဆောင်လျက် ရှိကြောင်း သတင်းများ ထွက်ပေါ်လျက်ရှိသည်။

သို့ရာတွင် ဒုံးကျည်ထုတ်လုပ်မှုနှင့် နျူကလီးယား စီမံကိန်းများမှာ ကနဦး အဆင့်တွင်သာ ရှိသေးကြောင်း အဆိုပါ သတင်းများက ဆိုသည်။

ဤအခြေအနေတွင် မြန်မာ့ လေတပ်မတော်၌ ကမ္ဘာပေါ်တွင် မရှိသေးသော တိုက်လေယာဉ် အမျိုးအစားသစ် တစ်မျိုးကို အသုံးပြုနေကြောင်း သတင်းဌာနတစ်ခု၏ ရေးသား ဖော်ပြချက် တစ်ရပ် ထွက်ပေါ်လာသည်။ ရှမ်းပြည်နယ် အတွင်းရှိ တိုင်းရင်းသား လက်နက်ကိုင် တပ်ဖွဲ့များကို ဗုံးကြဲ တိုက်ခိုက်ရာတွင် အဆိုပါ လေယာဉ် အမျိုးအစားသစ်ကို သုံးစွဲခြင်း ဖြစ်ကြောင်း အဆိုပါ သတင်းတွင် တွေ့ရခြင်း ဖြစ်သည်။

လေယာဉ်မှာ MiG- 26 ဖြစ်ကြောင်း သိရသည်။ MiG-26 ကို ရုရှားလုပ် MiG လေယာဉ် အမျိုးအစားများ စာရင်း (ဒီမှာရှုပါ) တွင် မတွေ့ရပေ။ အဆိုပါ လေယာဉ်မှာ ကမ္ဘာပေါ်တွင် မရှိသေးသော လေယာဉ် အမျိုးအစား ဖြစ်နေခြင်းကြောင့် မြန်မာ့လေတပ်မတော် အနေဖြင့် MiG-26 လေယာဉ်ကို လျှို့ဝှက် စီမံကိန်းဖြင့် ကိုယ်တိုင် ထုတ်လုပ် သုံးစွဲနေခြင်းပေလောဟု မြန်မာ့ စစ်ရေး အကဲခတ်များက သုံးသပ်နေကြသည်။

@PTA

Read More...

ထူးခြားတာကတော့ မြင်တဲ့ အတိုင်းပါပဲ

(Photo: Zaw Myint Thein)

ဂူအောင်းပြီး အတွင်းအား ကျင့်နေတော့ လောကကြီးမှာ ဘာတွေ ဖြစ်ပျက်နေသလဲ တကယ်မသိပါ။ အပြင်လောက ပြန်ရောက်လာတော့ ထူးဆန်း အံ့သြဖွယ်ရာတွေ မြင်တွေ့ရပါတယ်။ ဖေ့ဘွတ်နဲ့ ဘလော့တွေမှာ ပြန့်နေပြီး၊ လူတိုင်းသိနေလောက်တဲ့ ကိစ္စဖြစ်ပေမဲ့၊ တောကတက်လာတဲ့ ဇီးကွက်မျက်ပြူးကတော့ ခုမှ သိလို့ ခုမှပဲ မှတ်တမ်းတင်လိုက် ပါတယ်။ ဓာတ်ပုံတွေက အများကြီးပါ။ ဓာတ်ပုံတွေကို ဇာတ်လမ်းပမာနဲ့ တကွ အောက်က လင့်ခ်တွေမှာ သွားကြည့်ကြတာပေါ့။

ဖေ့ဘွတ် လင့်ခ် 
ဧရာဝတီဘလော့မှာ ပြန်လည် ဖော်ပြချက်

မြန်မာပြည်တွင် လွန်ခဲ့သော နှစ်တစ်ရာကျော် ကတည်းက မြေအောက်ရထား စနစ် ကျင့်သုံးလျက်ရှိ

လန်ဒန်မြေအောက်ဘူတာရုံ (Photo: wikipedia)

မြန်မာနိုင်ငံ၊ ရန်ကုန်မြို့တွင် လွန်ခဲ့သော နှစ်ပေါင်း တစ်ရာကျော်ကတည်းက မြေအောက်ရထား များ ပြေးဆွဲလျက် ရှိကြောင်း ပြည်တွင်း သတင်း ဂျာနယ် တစ်ခုတွင် ဖော်ပြချက်အရ သိရသည်။

"နှစ် ၁၀၀ ကျော် သက်တမ်းရှိ မြေအောက် ဘူတာရုံ ပြိုကျမှုကြောင့် အမျိုးသမီး တစ်ဦး ဒဏ်ရာရ" ဟု ခေါင်းစဉ်တပ်ထားသော သတင်းတစ်ပုဒ်တွင် အဆိုပါ မြေအောက်ရထား ဘူတာရုံ အကြောင်းကို တွေ့ရခြင်း ဖြစ်သည်။ ရန်ကုန် မြေအောက်ရထားဘူတာ များမှာ လူသိမများလှသော်လည်း၊ ရန်ကုန်မြို့တွင်းမှ မြေအောက် အိမ်သာများမှာမူ ညစ်ပတ်နံစော်မှုကြောင့် နာမည်ကြီးသည်။

ရန်ကုန် မြေအောက်ရထား ဘူတာရုံ သတင်း

@ဗညား

Read More ..

ဦးသိန်းစိန် ၀န်ကြီးချုပ် ပြန်လုပ်မည်

(Photo: AP)

ပြည်နယ်၊ တိုင်း အစိုးရအဖွဲ့၏ လုပ်ပိုင်ခွင့်အာဏာ များအား ပြည်ထောင်စုအစိုးရ (ဗဟိုအစိုးရ) က ပြန်လည် ချုပ်ကိုင်တော့ မည် ဖြစ်ကြောင်း ပြည်နယ်၊ တိုင်းဒေသကြီးများ၏ လွှတ်တော် ကိုယ်စားလှယ်များထံမှ သိရသည်။

ထိုသို့ ပြန်လည်ချုပ်ကိုင် လိုက်ခြင်းကြောင်း ပြည်နယ်၊ တိုင်း ၀န်ကြီးချုပ်များ မလိုအပ်တော့ပေ။ ထို့ကြောင့် ၄င်းတို့၏ နေရာကို ကိုယ်စားပြုရန် လက်ရှိသမ္မတ ဦးသိန်းစိန်က ၀န်ကြီးချုပ် အဖြစ် ပြန်လည် တာဝန်ယူမည် ဖြစ်ကြောင်း မြန်မာသတင်းဌာန တစ်ခုက ရေးသားသည်။

အစိုးရအဖွဲ့သစ် ခေါင်းဆောင် ဦးသိန်းစိန်မှာ နိုင်ငံတော် သမ္မတ အဖြစ်လည်း တာဝန်ယူထားသူ ဖြစ်သဖြင့် ဦးသိန်းစိန်အား ၀န်ကြီးချုပ် ဟုလည်းကောင်း၊ သမ္မတ ဟု လည်းကောင်း ရာထူးနှစ်မျိုး ဖြင့် ရေးသား ဖော်ပြထားသည်ကို တွေ့ရသည်။

@F.E.F.F Media

Read More ...

ကျွန်ုပ် နှင့် ဂန္ဓာရီခရီး

ကပ္ပလီပင်လယ်ပြင်၊ တစ်ခုသော ကျွန်းစု၊ ကျောက်ဂူတစ်ခု အနီး။
ဂန္ဓာရီခရီး လှည့်လည်နေသော ဇီးကွက်မျက်ပြူး ၀ိုင်ဖိုင် အတွင်းအား ကျင့်နေသည်။

သူ့ဘေးတွင်ကား အင်တာနက် ချိ်တ်ဆက်လို့ မရသည့် လက်တော့ တစ်လုံး …

ပတ်ဝန်းကျင်သည် ဆိတ်ငြိမ်လျက်…

ဒီရက်များအတွင်း ကချင်ဒေသ ပဋိပက္ခအကြောင်း၊ ရှမ်းပြည်တိုက်ပွဲများ၊ ဗုံးကွဲမှု သတင်းများ၊ ဒေါ်စု ရဲ့ ခရီးစဉ်၊ မောင်ထိပ်ကွက်အမှု၊ ၊ အိမ်နီးချင်း ထိုင်းနိုင်ငံမှာ မြန်မာအမျိုးသမီး ဒေါ်ရင်လတ် (ခေါ်) ဒေါ်ရင်လှ ၀န်ကြီးချုပ် ဖြစ်သွားတဲ့သတင်း၊ တောင်ပိုင်းဆူဒန် လွတ်လပ်ရေး၊ အာကာသ လွန်းပျံယာဉ် နောက်ဆုံး ခရီးစဉ်… ဘာဆို ဘာမှ မသိခဲ့။

မြန်မာနှင့် နိုင်ငံတကာမှာ ဘာတွေ ဖြစ်ပျက်နေသည်ကို သိဖို့ ဇီးကွက်မျက်ပြူးအတွက် အလိုအပ်ဆုံးကား ၀ိုင်ဖိုင်။ ဤကျွန်းတွင်
ဝိုင်ဖိုင်မရှိ။ ဝေဖာတော့ ၀ယ်စားလို့ ရသည်။

ဇီးကွက်မျက်ပြူးကား အတွင်းအား ကျင့်လျက်…

ဇီးကွက်မျက်ပြူး အတွင်းအား ကျင့်သည့် ကျောက်ဂူ (ဓာတ်ပုံ-Sky People)

ဒိုင်နိုဆောဥ…

မိုးကြိုးသွား…

အနှစ်တစ်ထောင် ကင်းမြီးကောက်…

နတ်ဆေးဂမုန်း…

အတွင်းအား ကျင့်ဖို့ ဒါတွေ လိုသည်ဟု တရုတ်သိုင်း ၀တ္ထုတစ်ပုဒ်က ဆိုသည်… ။

ဒိုင်နိုဆောဥကို ရှာမတွေ့။ လိပ်ဥတွေ့လို့ ဆားနှင့် တို့စားလိုက်သည်။
အနှစ်တစ်ထောင် ကင်းမြီးကောက်တော့ မတွေ့၊ ကင်းခြေများတစ်ကောင် တွေ့သည်။ ကိုက်မည် စိုးသဖြင့် ဘလိတ်ဓားဖြင့် အပိုင်းပိုင်းဖြတ်တောက်ကာ အောင်နိုင်လိုက်၏။ နတ်ဆေးဂမုန်းအစား ကန်စွန်းဥ တွေ့သဖြင့် ပြုတ်စားပြီးပြီ။

နောက်ဆုံးတော့ မိုးကြိုးသွားဟု ယူဆရသည့် ကျောက်တုံး သေးသေးလေးကို ကိုင်ကာ ၀ိုင်ဖိုင် အတွင်းအား စကျင့်တော့သည်။

ကျင့်စဉ် အဆင့် ၁…
အာရုံကို နှာခေါင်းဝတွင် စုထားလိုက်သည်။ အတွင်းအား စ ၀င်လာသလို ခံစားရသည်။

ကျင့်စဉ် အဆင့် ၂ …
လျှပ်စစ်ဖြင့် တို့လိုက်သလို တွန့်သွားသည်။ အင်တာနက် အတွင်းအား စပိ ၁ ကီလိုဘိုက်ပါ စက္ကန့်…. ၂ ကီလိုဘိုက်ပါ စက္ကန့်…. ၃ ကီလိုဘိုက်ပါ စက္ကန့်… အတွင်းအား စပိတွေ တရွေ့ရွှေ့ တက်လာသည်…

ကျင့်စဉ် အဆင့် ၃ နှင့် ၄…
ဝိုင်ဖိုင် အတွင်းအားများ ပြည့်မီစ ပြုပြီထင်ရသည်။ အဆင့် ၅ ရောက်ပြီး အတွင်းအား ကျင့်စဉ် ပြီးမြောက်ရန် တစ်ဆင့်သာ လိုတော့၏။ ဇီးကွက်မျက်ပြူးကား ၀ိုင်ဖိုင် အတွင်းအား ရတော့မည် အသိဖြင့် ၀မ်းသာ ပီတိ ဖြစ်လျက်.... ။

“တော့်.. ကိုဇီးကွက်”

အသံတစ်ခုကား မိုးကြိုးပစ်သလို မြည်ဟီးသွားသည်။ ပြီးမြောက်ခါနီး အတွင်းအား ကျင့်စဉ်လဲ တစ်စစီ ပျက်သုဉ်းသွား၏။ မဒမ်ဇီးကွက်ကား ဇီးကွက်မျက်ပြူး ရှေ့မှောက် ခါးထောက်ကာ ရောက်နေပါရောလား။

“အော .. လက်စသတ်တော့ ကျောက်ဂူရှေ့မှာ ထိုင်ပြီး၊ ဇော်ဂျီ ၀က်သိုင်း အတွင်းအား ကျင့်နေတာကိုး၊ တော်က ကျုပ်နဲ့ ဝေးရာမှာ သူယောင်မယ်တွေနဲ့ ပျော်ပါးချင်လို့ ဒီလို လျှောက်သွားနေတာ မဟုတ်လား။
ပြောလေ.. မှန်မှန်။ ဒီလို လုပ်လို့မရဘူး။ လာ- ပြန်လိုက်ခဲ့။ ဟေ့ သူယောင်မယ်တွေ.. ကျုပ်ယောက်ျားကို လာထိမယ်မကြံနဲ့၊ ပါးကျိုးသွားမယ်.. ဘာမှတ်သလဲ၊ ကြာကူလီ သူယောင်မယ်တွေ”

မဒမ်ဇီးကွက် ကား သူထင်ရာ မြင်ရာတွေ ဇွတ် လျှောက်ပြောပြီး ဇီးကွက်မျက်ပြူးကို ထိုကျွန်းပေါ်မှ ဆွဲခေါ်သွားတော့သည်။ ၀ိုင်ဖိုင် အတွင်းအား ကျင့်စဉ်ကား တပိုင်းတစ.. မပြီးမပြတ်။

(အင်တာနက်နှင့် ဝေးနေသော ဂန္ဓာရီ ခရီးစဉ်အတွင်း ပို့စ်အသစ်များ မတင်နိုင်ခဲ့ခြင်းအတွက် BSN ပရိသတ်များ အားလုံးကို တောင်းပန် အပ်ပါသည်။)

မငိုပါနဲ့တော့ ဇီးကွက်မျက်ပြူး

ဇီးကွက်ကြီး

မဒမ်ပြူးရဲ့အမျက်တော်ရှလို့ မဲဇာအပို့ခံရပြီလား?
ဒါမှမဟုတ် အမေစုနဲ့ဘုရားဖူးထွက်နေလား?

စိတ်ပူနေသည်
အပြစ်အားလုံးခွင့်လွှတ်သည်
အမြန်ပြန်လာပါ
လွှတ်တော်မတက်ရလဲ ဝမ်းမနည်းပါဘူး


ပရလောကသားများ

ဘာခေါင်းစဉ် ပေးရမှန်း မသိပါ

@WWN

ဗီယက်နမ် နိုင်ငံ အမည်သစ် ပြောင်းလဲပြီ

ဗီယက်နမ်နိုင်ငံ၏ အမည်ကို မူလ Vietnam မှ Vietnum သို့ ပြောင်းလဲ လိုက်သည်။ ထိုသို့ ပြောင်းလဲ လိုက်ကြောင်းကို နာမည်ကြီး မြန်မာရုပ်ရှင် ၀က်ဆိုက် တစ်ခုတွင် ဖော်ပြထားသည်။

လက်တို့သူ - yehtut

ဆင်းရဲနွမ်းပါးမှု ကျဆင်းသွားပြီ

ဆင်းရဲနွမ်းပါးမှု လျော့ကျရေး အလုပ်ရုံ ဆွေးနွေးပွဲ ကျင်းပပြီးနောက် တစ်လ အကြာတွင် မြန်မာပြည်၌ ဆင်းရဲနွမ်းပါးသူ အရေအတွက် ချက်ချင်း ကျဆင်းသွားသည်။ ယခုကဲ့သို့ ရုတ်တရက် ချက်ချင်း ဆိုသလို ကျဆင်းသွားခြင်းကို မြန်မာ့အလင်း သတင်းစာထဲတွင် သတင်းဖော်ပြထားသည်။

အလုပ်ရုံ ဆွေးနွေးပွဲတွင် ပညာယှိကြီးများက "လေ" ဖြင့် ဆွေးနွေးကြပြီးနောက် သမ္မတကြီးက မန်းမှုတ်လိုက်သဖြင့် ယခုကဲ့သို့ မျက်လှည့်ပြသလို ချက်ချင်း ဆင်းရဲသူများ ပပျောက်သွားခြင်း ဖြစ်သည်။ ထို့ကြောင့် မြန်မာ သမ္မတတွင် အလွန်တရာမှ အစွမ်းထက်သည့် မန်းမှုတ်နိုင်သော တန်ခိုး ဣဒ္ဓိပါတ် ရှိသည်မှာ ထင်ရှားကြောင်း မြန်မာ့အရေး ကျွမ်းကျင်သူများက သုံးသပ်ကြသည်။

Read More...

ဒန်ကလေကို ပုဒ်မ ၁ ခု၊ မခိုင်ဇာလင်းကို ပုဒ်မ ၃ ခုဖြင့် တရားစွဲ

သြစတြေးလျ နိုင်ငံသား မစ္စတာ ရောစ့်ဒန်ကလေနှင့် မခိုင်ဇာလင်း အမှုကို ဇွန်လ ၃ဝ ရက်နေ့တွင် စီရင်ချက်ချရန် တရားရုံးက ချိန်းဆိုလိုက်ကြောင်း သူ၏ အမှုလိုက်ရှေ့နေက ပြောသည်။

လေးလခန့် ကြာမြင့်ခဲ့ပြီ ဖြစ်သော အဆိုပါ အမှု၏ စီရင်ချက်ချမည့် ရက်ကို သတ်မှတ်လိုက်ခြင်း ဖြစ်သည်။

မစ္စတာ ဒန်ကလေအား တရားလို မခိုင်ဇာလင်းက တရားစွဲဆိုခဲ့ခြင်း ဖြစ်သော်လည်း နောက်ပိုင်းတွင် အမှုကို ရုပ်သိမ်းလိုကြောင်း သူမက နှစ်ကြိမ်တိုင်တိုင် တင်ပြခဲ့သည်ဟု သိရသည်။

သို့သော် ဒန်ကလေမှာ မျက်နှာကြီးသော အထင်ကရ နိုင်ငံခြားသားဖြစ်သဖြင့် လူဝင်မှု ကြီးကြပ်ရေး ဥပဒေ တစ်ခုဖြင့်သာ တရားစွဲခြင်းခံရပြီး၊ တရားလို မခိုင်ဇာလင်းမှာမူ မျက်နှာငယ်သော မြန်မာနိုင်ငံသူ ဖြစ်သဖြင့် ပုဒ်မ (၃) ခုဖြင့် တန်ပြန် တရားစွဲဆိုခြင်း ခံထားရသည် :D။

လက်တို့သူ- မပြောဘူး :D :D 

Read More ..

အီး-Government အရှိန်မြှင့်မည်

အီး-Government လုပ်ငန်းများ ချဲ့ထွင်နိုင်ရန် နေပြည်တော်ရှိ အစိုးရ ရုံးဌာနများတွင် အိမ်သာများ တိုးချဲ့ တည်ဆောက်နေပြီး၊ အီး-Government လုပ်ငန်းစဉ်များ အရှိန်အဟုန် မြှင့်တင်နိုင်ရန် အတွက် အစိုးရအဖွဲ့ အကြီးအကဲများမှ စ၍ အောက်ခြေ၀န်ထမ်းများ အထိ ၀မ်းနှုတ်ဆေး စားနေကြကြောင်း သတင်းရရှိသည်။

အပြည့်အစုံ ဖတ်ရှုရန် ...

ကန်စွန်းရွက်ကိုတောင် ဆေးဆိုးကြပြီ

(Photo: Popular News)

ပုံမှန်ကန်စွန်းရွက်များမှ အရွက် သေးများကို ဆိုးဆေးသုတ်ကာ ကန်စွန်းရွက်အရိုးနီအဖြစ်ရောင်းချမှု များကိုသုံးခွမြို့ဈေး၌တွေ့လာရသည် ဟု သုံးခွမြို့ခံ တစ်ဦးက ပြောသည်။ ”ကန်စွန်းရွက်အရိုးနီကျ တော့ သုံးခွမှာရှားတယ်။ ပုံမှန်ကန်စွန်းရွက် ထက်လည်း ဈေးပို ပေးရတယ်။ ရှားတဲ့အတွက် အရောင်းလည်း သွက်တယ်။ မျှစ်မှာဆိုးတဲ့ဆိုးဆေး တွေသုံးထားတယ်ထင်တယ်” ဟု သုံးခွမြို့ ၉ ရပ်ကွက်မှ အိမ်ရှင်မတစ် ဦးကပြောသည်။ ဆေးဆိုးထားသောကန်စွန်း ကို လက်ဖြင့်ဆိတ်၍ ဖြတ်သည့် အခါ လက်ထိပ်တွင် ဆေးနီများ ကျန်နေခဲ့ကြောင်း ဟင်းချက်သော အခါ အရွက်ရော အရည်ပါ မဲ၍ ပြာသွားကြောင်း ၄င်းကပြောသည်။ ”လက်ထိပ်မှာ ဆေးနီတွေ ကျန်ခဲ့ပေမယ့် သတိမထားမိသေး ဘူး။ ဟင်းချက်မှပဲ မဲပြီးပြာလာလို့ လက်ထိပ်နီတာနဲ့ ဆက်စပ်ပြီး ဆေးဆိုးတယ်လို့ ထင်မိတာ။ ဒါနဲ့ နောက်ရက်ဈေး မှာတွေ့လို့ ဝယ်မလို လိုနဲ့သေချာကြည့်တော့ ရိုးရိုး ကန်စွန်းရွက်အသေးကို ဆေးဆိုး ထားတာခပ်များများ၊ အစစ်က နည်းနည်းရောထားပြီး တစ်စည်း စည်းထားတာ တွေ့တယ်။ နည်း နည်းကိုင်ကြည့်တာနဲ့တင် လက်မှာ အနီရောင်ကပေရော” ဟု ၄င်းက ထပ်လောင်းပြောသည်။ သုံးခွမြို့ဈေးမှ ကုန်ခြောက် ဆိုင်ရှင်တစ်ဦးက သုံးခွဈေးတွင် သုံးခွကျေးရွာဘက်မှ ဟင်းသီးဟင်း ရွက်များ လာရောက်ရောင်းချသလို၊ ရန်ကုန်မှတင်လာသော ဟင်းရွက် များလည်း ရှိကြောင်း၊ ကန်စွန်းရွက် အရိုးနီဖြစ်အောင် ဆေးဆိုးထား ခြင်းမှာ ရန်ကုန်မှဝင်လာသော ဟင်းရွက်များထဲတွင် ပါဝင်ကြောင်း၊ ရန်ကုန်မှာကတည်းက ဆေးဆိုးခဲ့ခြင်းလား၊ သုံးခွရောက်မှ ဆေးဆိုး သလား ဆိုသည်ကိုမူ မသိရှိ ကြောင်း၊ ယင်းသို့ဖြစ်နေခြင်းမှာ တစ်လဝန်းကျင်ခန့်ရှိပြီဖြစ်ကြောင်း ပြောသည်။ ”အဓိကကတော့ ကန်စွန်း ရွက်အရိုးနီကို လူတွေပိုဝယ်ကြ တယ်။ ပြီးတော့ ပုံမှန်ကန်စွန်းထက် လည်းဈေးပိုကြီးတယ်။ အဲဒါကြောင့် လုပ်တာထင်တယ်” ဟု ၄င်းက ထပ်လောင်းပြောသည်။ သုံးခွဈေးထဲတွင် ဆေးဆိုးမျှစ် များကိုမတွေ့ရသည်မှာကြာလှပြီ ဖြစ်သော်လည်း တို့ဆေးဖြင့်မှည့် ထားသော သရက်သီးနှင့် ငှက်ပျောသီးများကို တွေ့ရဆဲဖြစ်ကြောင်း၊ ယခုအခါ ခွဲပြီးသား နာနတ်သီးများ ကို ဆေးဝါဆိုးလာကြကြောင်း သိရှိရသည်။

(ပေါ်ပြူလာမှ တိုက်ရိုက်ကူးယူ ဖော်ပြပါသည်)။

Read News ...

မြန်မာ သမ္မတ မွေးမြူရေး လုပ်ပြီး လယ်စိုက်

(Facebook's FarmVille)

လယ်ယာ စိုက်ပျိုးရေး နှင့် ဆည်မြောင်း ၀န်ကြီးဌာန ပြည်ထောင်စု ၀န်ကြီး ဦးမြင့်လှိုင် က "မိမိ၏ နေပြည်တော် ခရီးစဉ်တွင်နိုင်ငံတော် သမ္မတ က ၄င်း စိုက်ပျိုးထားသော လယ်ယာ စိုက်ကွင်းများ လိုက်လံပြသသည်" ဟု ပြောကြောင်း သိရှိရသည်။

ထိုအပြင် နိုင်ငံတော် သမ္မတ ကြီး ဦးသိန်းစိန် သည် ၀က်နှင့် နွားများကို မွေးမြူထားကာ သုတေသန လုပ်ငန်းများလုပ်သည် ဟု လည်း အဆိုပါ ၀န်ကြီးက ပြော ကြားသွားသည်။

ထိုသတင်း နှင့် ပါတ်သက်ပြီး အမျိုးသား ဒီမိုကရေစီ အင်အားစု ပါတီမှ အကြီးအကဲ ဦးခင်မောင်ဆွေက " သုတေတနအလုပ်အား သုတေသန ပညာရှင်များသာ လုပ်သင့်ကြောင်း" သုံးသပ်ပြောဆိုသွားပြီး စာဖတ်သူတစ်ဦးကမူ " နိုင်ငံတော် သမ္မတ လုပ်ပြီး လယ်စိုက်တယ်ဆိုတာ လုံးဝမဖြစ်နိုင်ဘူးဗျာ။ ဖြစ်နိုင်တာက သမ္မကြီး နေပြည်တော်မှာ အင်တာနက် ကွန်နက်ရှင်ကောင်းလို့ Facebook ပေါ်တက်ပြီး FarmVille ဆော့တာပဲ ဖြစ်ရမယ်" ဟု သူတို့ အမြင်များကို အသီးသီ ပြောဆိုသွား ကြသည်။

@ကိုယ်တော်ကြီး

Read More ...

ဝက်နားရွာပြာရောဂါ ရန်ကုန်တွင် အကြီးအကျယ် ပြန့်နှံ့

(Mike-christelle photo)

ရန်ကုန်တွင် ၀က်နားရွက်ပြာရောဂါ အကြီးအကျယ် ကူးစက်နေကြောင်း သိရသည်။ သတင်းဌာနတခုက ထိုအကြောင်း ဓာတ်ပုံနှင့် တကွ ဖော်ပြထားသည် (Click Here)။

အလွန် ကူးစက်မြန်သော ထိုရောဂါအကြောင်းကို ရန်ကုန်တွင် ရိုက်ကူးထားသည်ဟု ယူဆရသော ၀က်သား တုတ်ထိုး ဆိုင်တဆိုင်၏ ဓာတ်ပုံတွင် သိသာ ထင်ရှားစွာ တွေ့ရသည်။

ဝက်သားတုတ်ထိုးဆိုင်ပင် အပြာရောင် ဖြစ်သွားသည်အထိ အခြေအနေ ဆိုးနေသည်။

လက်တို့သူ- ဇာနည်ဝင်း

နိုင်ငံပိုင် ဂြိုဟ်တု လွှတ်တင်မည်

နိုင်ငံပိုင် ဂြိုဟ်တုတလုံး လွှတ်တင်သွားမည်ဟု ပြည်ထောင်စု ဆက်သွယ်ရေး၊ စာတိုက်နှင့် ကြေးနန်း ဝန်ကြီးဌာန ဒုဝန်ကြီး ဦးတင့်လွင်က ထုတ်ဖော် ပြောဆိုလိုက်သည်။

အဆိုပါဂြိုဟ်တုကို ဂြိုဟ်တု ၀မ်းနှုတ်ဆေး လုပ်ငန်း နှင့် ပူးပေါင်း လွှတ်တင်ရန် စီစဉ်နေကြောင်း မိုဘိုင်း တိုင်းရင်းဆေးဝါး ကွန်ယက်စနစ် တည်ဆောက်ရေးနှင့် ထုတ်လုပ်ရေး အခြေခံသင်တန်း အမှတ်စဉ် ၂ နှင့် အခြေခံ တိုင်းရင်းဆေး သင်တန်း (ဝ၁/၁၁-၁၂) ဖွင့်ပွဲ အခမ်းအနားတွင် ဦးတင့်လွင်က ပြောဆိုကြောင်း ဇွန် ၁၂ ရက်ထုတ် ရန်ကုန်အခြေစိုက် Weekly Eleven ဂျာနယ်၌ ရေးသားထားသည်။

မြန်မာနိုင်ငံမှ လွှတ်တင်မည့် ဂြိုဟ်တုဝမ်းနှုတ်ဆေးကို တိုင်းရင်းဆေးဆိုင်များတွင် ၀ယ်ယူ ရရှိနိုင်ကြောင်း သိရသည်။

@ပရလောကသားတစ်ဦး

Read More ...

ကြံ့ဖွတ် စစ်တပ်နှင့် တိုက်ရန် KIA လေးခွသာ လိုအပ်

(Photo: jinghpawkasa.blogspot.com)

မြန်မာ စစ်တပ်နှင့် တိုက်ခိုက်ရန် အတွက် ကေအိုင်အေ စစ်တပ် သည် လောက်လေးခွ ကို သာ အသုံးပြုကြောင်း ဓါတ်ပုံ

@ကိုယ်တော်ကြီး

Read More ...

အစိုးရ၀န်ထမ်းဆိုတာ

နေပြည်တော်ရှိ အစိုးရ ၀န်ထမ်းအိမ်ရာ တစ်ခုတွင် မွေးနေ့ပွဲတစ်ခု ကျင်းပနေသော အချိန်ဖြစ်သည်။ အမျိုးသမီးငယ်တစ်ဦး ဆွဲလာသော ဆွဲကြိုးကိုကြည့်ပြီး ဧည့်သည်အားလုံးက “လှလိုက်တာ၊ လှလိုက်တာ” ဟု အားလုံး ၀ိုင်းဝန်း ချီးမွမ်းနေကြသည်။ ချီးမွမ်းခံရသဖြင့် ပီတိဖြစ်မိသော အမျိုးသမီး ငယ်သည် အားပါးတရ ကြည့်ပါစေဟူသော ရည်ရွယ်ချက်ဖြင့် ဆွဲကြိုးကိုချွတ်ပေးလိုက်၏။ဆွဲကြိုးသည် တစ်လက်မှတစ်လက်သို့ ကူးသွားပြီး နောက်ဆုံးတွင် ပျောက်သွားတော့သည်။

အမျိုးသမီးကြီးတစ်ဦးက စိတ်မကောင်း ဖြစ်မိစွာဖြင့်ပြော၏။ “အချင်းချင်း ဒီလိုလုပ်တာတော့ မကောင်းပါဘူး။ ဒါကြောင့် ယူထားတာ ကိုလဲ ဘယ်သူမှမသိအောင် အခုစားပွဲပေါ်ကို ငွေဖလားတစ်လုံး တင်လိုက်မယ်။ပြီးရင်မီးခလုတ်ကို ပိတ်ပြီး တစ်ရာအထိရေမယ်။ မီးပြန်ဖွင့် လိုက်တဲ့အချိန်မှာ ဆွဲကြိုးကို ငွေဖလားထဲမှာ ပြန်တွေ့ရလိမ့်မယ်လို့ မျှော်လင့်ချင်ပါတယ်” လို့ပြောလိုက်ပါတယ်။

မီးကို ပိတ်လိုက်ပြီး တစ်ကနေ တစ်ရအထိရေတယ်။ ပြီးတော့မီးကိုပြန်ဖွင့်လိုက်တယ်။

စားပွဲပေါ်မှာ ငွေဖလားမရှိတော့...


(ရေးသားပေးပို့သူ - ကြည်ဝင်း)

ကချင်ပြည်နယ်ကို စစ်ကိုင်းတိုင်းအတွင်း ထည့်သွင်းသတ်မှတ်

အစိုးရသစ် တက်လာပြီးနောက်၊ ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်သတ်မှတ်ကာ ပြည်နယ်နှင့် တိုင်းများ၏ နယ်နမိတ်ကို အသစ်ပြင်ဆင် သတ်မှတ်လိုက်ပြီ ဖြစ်သည်။

လောလောဆယ်တွင် ဦးသိန်းစိန် အစိုးရနှင့် ကေအိုင်အေ အကြား ပဋိပက္ခများ ဖြစ်ပွားနေသည့် အတွက်၊ ကချင်ပြည်နယ် တစ်ခုလုံးကို စစ်ကိုင်းတိုင်း အတွင်း ထည့်သွင်းလိုက်သည်။ အဆိုပါ သတင်းကို မြန်မာတိုင်းမ် တွင် ဖော်ပြထားသည်ကို တွေ့ရသည်။

@W.T.H

Read More ...

သတင်းစာများသည် ခေတ်သမိုင်းကို ပြောပြနေသည်

(aplar.blogspot.com)

နှစ်တွေတော့ ကြာခဲ့ပါပြီ။
နာဂစ်ပြီးစ သတင်းစာထဲက သတင်း တစ်ပုဒ်ပါ။
ပြည်သူတွေ ရေဘေးမှ ခိုလှုံနိုင်ဖို့ ပေ (၂၀)၊ (၃၀) မြင့်တဲ့ လမ်းတွေ တည်ဆောက်မယ် ဆိုပဲ။
အဲသလောက် အမြင့်အထိ မြေသားတမံ ဖြစ်အောင် မြေဖို့ပြီး လမ်းတွေ ဖောက်မယ်လို့ သတင်းစာက ဆိုပါတယ်။
ခေတ်သမိုင်းကို ထင်ဟပ်တဲ့ သတင်းတစ်ပုဒ် ဖြစ်လို့ ဖော်ပြလိုက်ပါတယ်။

@O.H.N

လျှပ်စစ်မီး သုံးစွဲခွင့်၊ ဘတ်စ်ကား ချောင်ချိစွာ စီးခွင့်၊ သန့်ရှင်းသော ငွေစက္ကူ အသုံးပြုခွင့်များကို အခြေခံ လူ့အခွင့်အရေး အဖြစ် ထည့်သွင်းမည်

ကုလသမဂ္ဂ၏ အခြေခံ လူ့အခွင့်အရေး ကြေညာစာတမ်းတွင် အင်တာနက်သုံးစွဲခွင့်ကို အခြေခံ လူ့အခွင့်အရေး အဖြစ် ထည့်သွင်းလိုက်ပြီဖြစ်သည် (ဒီမှာ ဖတ်ပါ)။ ယခု ဆက်လက်ပြီး မြန်မာပြည်သူ ပြည်သားများအတွက် လျှပ်စစ်မီး အပြည့်အ၀ သုံးစွဲခွင့်၊ ဘတ်စ်ကားများကို ချောင်ချိစွာ စီးနိုင်ခွင့်၊ သန့်ရှင်းသော ငွေစက္ကူများကို ကိုင်ဆောင်ခွင့်များကိုလည်း မြန်မာပြည်သူ့လူ့အခွင့်အရေး အဖြစ် ထည့်သွင်းရန် စီစဉ်နေပြီဟု သိရသည်။

ဖြောင့်တန်းစွာ စာမကျက်နိုင်ခြင်းသည်

အခြေခံ လူ့အခွင့်အရေး ချိုးဖောက်ခံရခြင်း ဖြစ်သည်

(Photo: aturnic.livejournal.com)

အပြည်ပြည်ဆိုင်ရာ လူ့အခွင့်အရေးကောင်စီ အစီရင်ခံစာထဲတွင် ကျောင်းသူ ကျောင်းသား ကလေးငယ်များ၏ စာကျက်မှတ်လေ့လာရန် အဓိက လိုအပ်ချက် ဖြစ်သော လျှပ်စစ်မီး မရရှိခြင်း၊ ပြည်သူ လူထု၏ နေ့စဉ် လူမှုဘ၀ အတွက် မရှိမဖြစ် လိုအပ်ချက်ဖြစ်သော လျှပ်စစ်မီး မလာခြင်း၊ နေ့စဉ် သွားလာ လှုပ်ရှားရာတွင် လွတ်လပ်မှု မရှိဘဲ လူမတန်တဆ ပြည့်သိပ် ကျပ်ညပ်ကာ လူနှင့် မတူအောင် ဘတ်စ်ကား စီးရခြင်း၊ ညစ်ပတ်ပေရေပြီး ရောဂါပိုးမွှားများ တွယ်ကပ်နေနိုင်သော ငွေစက္ကူများကို နေ့စဉ်ကိုင်တွယ် သုံးစွဲရခြင်းများကို လူတစ်ဦးချင်း၏ လွတ်လပ် အဆင်ပြေမှု၊ ပညာရေး တိုးတက်မှုနှင့် ကျန်းမာရေး ရှုထောင့်များမှ ကြည့်လျှင် (လျှပ်စစ်မီး ပုံမှန် မရရှိခြင်း၊ ဘတ်စ်ကား ကျပ်ညပ်စွာ စီးရခြင်း၊ ညစ်ပတ်ပေရေသော ငွေစက္ကူများကို သုံးစွဲရခြင်း များကို အဆင်ပြေအောင် စီစဉ် ဆောင်ရွက်မှု လုံးဝ မရှိခြင်း) သည် အခြေခံ လူ့အခွင့်အရေးကို ချိုးဖောက်ရာ ရောက်သည်လို့ အတိအလင်း ဖော်ပြထားပါသည်။

BSN သတင်းဌာနက မြန်မာနိုင်ငံမှ ပြည်သူများကို ၂၀၁၁ ခုနှစ် မတ်လအတွင်း စစ်တမ်းတစ်ခု ကောက်ယူခဲ့ရာ ၁၀၀ ရာခိုင်နှုန်းသော  ပြည်သူများက ဖော်ပြပါ အချက်များမှာ အခြေခံကျသော အခွင့်အရေးဖြစ်သည်ဟု ယူဆကြကြောင်း ဖော်ပြခဲ့ကြပါသည်။

ကျောင်းသူ ကျောင်းသားများ ပညာရည် မြင့်မားစေရန် အတွက် ညဘက်တွင် လျှပ်စစ်မီးဖြင့် စာကျက်မှတ် နိုင်ရေးသည် အလွန် အဓိကကျသည်။ ထို့ကြောင့် ကျောင်းသူ ကျောင်းသားများ ၏ တိုးတက်မှုကို ပိတ်ပင်သော လျှပ်စစ်မီး မရရှိခြင်းမှာ ကျောင်းသား လူငယ်များ၏ အဓိက လူ့ခွင့်အရေးကို ချိုးဖောက်ရာရောက်ကြောင်း ကုလသမဂ္ဂ၏ ကြေညာချက်တွင် ဖော်ပြထားသည်။

ဘတ်စ်ကားများကို လူနှင့်မတူဘဲ အလွန်အမင်း ကျပ်သိပ်စွာ စီးနင်းခြင်းကြောင့်၊ ခရီးသည်များ အကြား၊ ကူးစက်ရောဂါများ လွန်ကူစွာ ပြန့်နှံ့နိုင်သည်။ ထိုနည်းတူ ချေးအထပ်ထပ်တက်ကာ ညစ်ပတ်ပေရေနေသော ငွေစက္ကူများကလည်း ရောဂါပိုးမွှားများကို ပြန့်ပွားစေနိုင်သည်။ အဆိုပါ အဖြစ်အပျက်များကို ကာကွယ်မှု မပြုဘဲ မျက်ကွယ် ပြုထားခြင်းသည် ပြည်သူ လူထု၏ အခြေခံ အခွင့်အရေး ဖြစ်သော ကျန်းမာရွှင်လန်းပိုင်ခွင့်ကို ချိုးဖောက်ရာ ရောက်ကြောင်းလည်း အဆိုပါ အစီရင်ခံစာတွင် ဖော်ပြထားသည်။

မြန်မာ ဖြစ်ရသည်ကို ဂုဏ်ယူပါ

ဒီနေ့ ဂျပန်က CitiBank မှာ account ဖွင့်ဖို့ ဖုန်းဆက်ပြီးစုံစမ်းမေးမြန်းတော့
Visa ရှိတယ် နိုင်ငံခြားသားကဒ်ကလည်း သက်တမ်းရှိသေးတယ် ဒါပေမယ့်
နောက်ဆုံးတစ်ချက်မှာ ဖုန်းကိုအသာလေးပြန်ချလိုက်ရပါတယ်

"စီးပွားရေး၊နိုင်ငံရေးမတည်ငြိမ်မှုတွေကြောင့် မြန်မာဆိုရင် CitiBank account ဖွင့်ဖို့ခွင့်မပြုပါဘူး " တဲ့

အရှက်ကွဲရပါတယ် ကိုယ့်လူရေ

တခြားနိုင်ငံက CitiBank တွေ ဘယ်လိုနေလဲတော့မသိဘူး

တာတေကြီး
ပရလောက

ဂျင်းဘောင်းဘီကို ပုဂံခေတ် ကတည်းက မြန်မာလူမျိုးများ ၀တ်ဆင်ခဲ့

(ဓာတ်ပုံ-ကျန်စစ်မင်း ဇာတ်ကားမှ)

မြန်မာလူမျိုးများသည် ပုဂံခေတ်ကတည်းကပင် ဂျင်းဘောင်းဘီနှင့် ဝေ့စကုတ် ကို ၀တ်ဆင်ခဲ့ကြသည်။ ထိုကဲ့သို့ ၀တ်ဆင်ကြောင်းကို ပုဂံပြည့်ရှင် ကျန်စစ်သားမင်းကြီး၊ သူ၏ မိဖုရားများ နှင့် နောက်လိုက် နောက်ပါများ မြင်းရထား စီးပြီး ဘုရားဖူး ထွက်တော်မူသော မြင်ကွင်းတစ်ခုတွင် အထက်ပါအတိုင်း တွေ့ရသည်။
(မြင်းရထား နောက်ဘက် ခပ်လှမ်းလှမ်း၊ လမ်းဘေးမှ လူနှစ်ယောက်ကို ရှုပါ)။

လူမင်းရဲ့ ကျန်စစ်မင်း ဇာတ်ကား ကြည့်ရှုရန် ...

ထိုင်းနိုင်ငံတွင်လူများသာမက တိရစ္ဆာန်များပါ ရွေးကောက်ပွဲဝင်လျက်ရှိ

အိမ်နီးချင်းထိုင်းနိုင်ငံတွင် မကြာမီ ရွေးကောက်ပွဲ ကျင်းပတော့မည် ဖြစ်ရာ ယခုနှစ်တွင် ထူးထူးခြားခြား လူများသာမက တိရစ္ဆာန်များပါ ပါဝင် ယှဉ်ပြိုင် ကြမည်ဖြစ်ကြောင်း သိရသည်။

လောလောဆယ်တွင် တိရိစ္ဆာန်များဖြစ်ကြသည့် ကျွဲ၊ ကျား၊ ခွေး၊ ဖွတ် နှင့် မျောက် များက ပါတီထောင်၍ ယှဉ်ပြိုင် နေသည်။

အဆိုပါ ပါတီအား သွားရောက် စုံစမ်း မေးမြန်းကြည့်ရာတွင် -
"ကျွန်တော်တို့ အိမ်နီးချင်းမြန်မာနိုင်ငံမှာ ကြံ နဲ့ ဖွတ် ပေါင်းပြီးတော့ ကြံဖွတ် ပါတီထောင်ပြီး တခြား လူသား ပါတီတွေကို မဲအပြတ်အသတ်နဲ့ အနိုင်ယူနိုင်တာ မျက်ဝါးထင်ထင် တွေ့မြင်ရပါတယ်။ ကျွန်တော်တို့လဲ ဒီလိုမဖြစ်ဘူးလို့မပြောနိုင်ဘူး" ဟုပါတီဝင်တစ်ဦးက ထူးဆန်းစွာဖြင့် လူလိုပြန်ဖြေခဲ့ပါသည်။

ယခု ပါဝင်ယှဉ်ပြိုင်သောဖွတ်မှာ မြန်မာနိုင်ငံ ကြံဖွတ်ပါတီမှ ဖွတ်သတ္တ၀ါနှင့် ဆွေမျိုး တစ်စုံတရာ တော်စပ်ပါသလား ဟု မေးမြန်းကြည့်ရာ ထိပ်တန်းလျှို့ဝှက်ချက် ဖြစ်သဖြင့် ဖြေကြားခွင့်မရှိဟု တုန့်ပြန်သည်။

(သတင်း၊ ဓာတ်ပုံ -ဘန်ကောက်မှလက်တို့သူ)

တို့နိုင်ငံက ၀န်ကြီးချုပ် (ယခု သမ္မတ) ထိုင်းဝန်ကြီးချုပ်ထက် ဘုန်းကံမြင့်မား

မြန်မာ ၀န်ကြီးချုပ် ဖြစ်ခဲ့သူ၊ လက်ရှိ သမ္မတကြီး ဦးသိန်းစိန်သည် အိမ်နီးချင်း ထိုင်းနိုင်ငံ ၀န်ကြီးချုပ် အဖိဆစ် ၀ိဇ္ဇာဇီဝ ထက် ဘုန်းကံ မြင့်မားသည်ကို တွေ့ရသည်။

(Photo: AP)

သမ္မတကြီး ဦးသိန်းစိန်သည် ဘုန်းကံပါရမီနှင့် ပြည့်စုံသောကြောင့် လက်ဖက်ရည် ကော်ဖီတို့ကို ကိုယ်တိုင် ဖျော်သောက်စရာ မလိုဘဲ အသင့်ဖျော်ထားသည့် လက်ဖက်ရည်၊ ကော်ဖီကို ဇိမ်ကျကျ သောက်သုံးနိုင်သည်။

(Photo: Irrawaddy Blog)

သို့သော် လက်ရှိ ထိုင်းဝန်ကြီးချုပ် အဖိဆစ် ၀ိဇ္ဇာဇီဝ မှာမူ ငယ်စဉ်က အလွန်ဆင်းရဲပြီး လက်ဖက်ရည်ဆိုင်တွင် ဖျော်ဆရာ အဖြစ် အမှုထမ်းခဲ့သူ ဖြစ်သဖြင့် ကော်ဖီကို ကိုယ်တိုင် ဖျော်သောက်ရရှာသည်။

ထိုနည်းတူ ၀န်ကြီးချုပ်လောင်းအဖြစ် ရွေးကောက်ပွဲ ၀င်မည့် သက်ဆင်၏ ညီမ ရင်လပ် ရှင်နာဝပ်မှာလည်း ကိုယ်တိုင် လက်ဖက်ရည် ဖျော်ရောင်းပြီး ဆင်းရဲသော သူမပါတီအတွက် ရန်ပုံငွေ ရှာဖွေပေးနေရသည်။

(ဒီမှာ ဖတ်ပါ)

(သူမသာ ရွေးကောက်ပွဲ အနိုင်ရပါက ထိုင်းနိုင်ငံ၏ ပထမဆုံး ၀န်ကြီးချုပ် ဖြစ်လာမည်ဟု သတင်းတစ်ပုဒ်က ဆိုထားသည်။ သူမ အနိုင်ရချိန်မှသာ ထိုင်းနိုင်ငံတွင် ပထမဆုံး ၀န်ကြီးချုပ် ရှိလာမည် ဖြစ်သဖြင့်- အဖိဆစ် ၀ိဇ္ဇာဇီဝမှာ ၀န်ကြီးချုပ် မဟုတ်ဘဲ
ဝန်ကလေးချုပ် ဖြစ်ပုံရသည်။ ထို့နည်းတူ ထိုင်းနိုင်ငံ၏ ပထမဆုံး ၀န်ကြီးချုပ် Phraya Manopakorn Nititada (၁၉၃၂-၁၉၃၃) မှာလည်း ပထမဆုံး ၀န်ကလေးချုပ် ဖြစ်ပုံရပါသည်။ :P စကားချပ်)

အဆိုပါ ပုဂ္ဂိုလ်နှစ်ဦးစလုံးမှာ- ဦးသိန်းစိန်နှင့် နှိုင်းယှဉ်လျှင် ဘုန်းကံပါရမီ အလွန့် အလွန်ညံ့ဖျင်းသဖြင့် ယခုကဲ့သို့ လက်ဖက်ရည် ကော်ဖီကို ကိုယ်တိုင်ဖျော်ကာ၊ လမ်းဘေး ဈေးသည်ကဲ့သို့ ရောင်းချနေကြရခြင်း ဖြစ်သည်ဟု မြန်မာနိုင်ငံ ဝေဒသုတေသန အသင်း အမှုဆောင်တစ်ဦးက BSN သို့ ပြောပြသည်။

သူတို့ နှစ်ဦးတွင် တစ်ဦးဦး ရွေးကောက်ပွဲ ရှုံးနိမ့်သွားပါက လက်ဖက်ရည်ဆိုင်ဖွင့်ပြီး၊ နိုင်ငံရေးလောကမှ အနားယူကာ အေးအေးလူလူ နေထိုင်ကြမည်ဟု သိရှိရသည်။

Read Original News ...

အမြန်ဆုံး အင်တာနက် Speed ရှာဖွေတွေ့ရှိ

ကမ္ဘာပေါ်တွင် သာမက စကြာဝဠာတစ်ခွင်လုံးတွင် အမြန်ဆုံးဟု ယူဆရသော အင်တာနက် Speed ကို မြန်မာရုပ်ရှင်တစ်ခု တွင် အောက်ပါ အတိုင်း ထူးဆန်းစွာ ရှာဖွေ တွေ့ရှိရသည်။

(အချစ်နဲ့ အခြစ် ဇာတ်ကားမှ)

@သူတော်စင်-ဂါဗရိယေလ

အမြန်ဆုံး အင်တာနက် Speed ကို ရုပ်ရှင်တွင် ရှုစားရန် ...

ရန်ကုန်မြို့၊ ဘန်ကောက်နှင့် ထပ်တူထပ်မျှ တိုးတက်လျက်ရှိ

"Stealth" ရုပ်ရှင် ဇာတ်ကားတွင် လျှပ်စစ်မီးများ ထိန်ထိန် လင်းနေပြီး အလွန် ခေတ်မီ တိုးတက်နေသည့် ရန်ကုန်မြို့ကို တွေ့မြင် ရှုစားရသည်။ ခေတ်မီဖွံ့ဖြိုးတိုးတက်သော မြန်မာပြည်မှ ရန်ကုန်မြို့သည် ထိုင်းနိုင်ငံ ဘန်ကောက်မြို့နှင့် ထပ်တူထပ်မျှ တိုးတက် ခေတ်မီနေသည်။

ရန်ကုန်မြို့လည်တွင် အထပ်ပေါင်းများစွာ မြင့်မားသည့် ခေတ်မီ မိုးမျှော်တိုက်ကြီးပေါင်း များစွာကို တွေ့ရပြီး၊ မိုးပျံ အမြန်ကားလမ်းမကြီးလည်း ရှိသည်။ ဤမျှ ခေတ်မီဖွံ့ဖြိုးသည့် ရန်ကုန်မြို့တော်ကို နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ အစိုးရမှ ခေတ်မီစီမံကိန်းများဖြင့် တည်ဆောက် ခဲ့ခြင်း ဖြစ်ကြောင်း Stealth ရုပ်ရှင်ဇာတ်ကား အရ သိရှိရသည်။

Rangoon, Myanmar ကို ဗုံးကြဲမည်

ရန်ကုန်မြို့ပေါ်မှ ကားများ

ကားနံပါတ်- ၃၀/၁၃၄၀ နှင့် ငခ/၂၄၅၀

ဘန်ကောက်နှင့် ထပ်တူထပ်မျှ တိုးတက်နေသည့် ရန်ကုန်မြို့ကို ရုပ်ရှင်ထဲတွင် တွေ့ရသည်။

လျှပ်စစ်မီးတွေ ထိန်ထိန်လင်းနေတဲ့ ရန်ကုန်

ထိုင်းဘုန်းတော်ကြီးကျောင်းကို ရန်ကုန်မြို့သို့ ပြောင်းရွှေ့ တည်ဆောက်ထားသည်

ရန်ကုန်မြို့မှ မိုးပျံ အမြန်ကားလမ်းမကြီးများကို ညအချိန်တွင် တွေ့မြင်ရပုံ

(ဓာတ်ပုံများကို Stealth ရုပ်ရှင်ကားမှ ရယူပါသည်။)

မြန်မာနိုင်ငံမှာ- မီးအိမ်ထွန်းပြီး ရုပ်သံလွှင့်ပြီ

မြန်မာနိုင်ငံမှာ MRTV-4 ရုပ်မြင်သံကြား အစီအစဉ်မှ မီးအိမ်ထွန်းပြီး ရုပ်သံလွှင့်နေပါတယ် (Click Here)။

(Photo: Zarny Win)

တီဗီ ရိုက်နေတုန်း မီးပျက်သွားရင် အဲဒီ မီးအိမ်ထွန်းပြီး ရိုက်ဖို့ ချထားတာလဲ ဖြစ်နိုင်တယ်။ မြန်မာပြည် ဒေသအနှံ့အပြားမှာ လျှပ်စစ်မီး မရှိလို့ မီးအိမ်ထွန်းပြီး နေထိုင်ကြရတဲ့ ဘ၀တွေ ကို ပို့စ်မော်ဒန် နည်းနဲ့ တင်ပြတာလဲ ဖြစ်နိုင်ပါတယ်။ မီးအိမ်ရှင် ဒေါက်တာ နိုက်တင်ဂေးလ်လို့ မိမိကိုယ်မိမိ ဘွဲ့မည်ရည် တပ်ထားသူ ယဉ်မင်းဦး (ဆေးတက္ကသိုလ်)က "ကျွန်မမှာ မီးအိမ် တစ်လုံး ရှိတယ်" လို့ ထီးပြင်၊ ဓာတ်မီးပြင်၊ မီးအိမ်ပြင်တဲ့ ကုလားတွေ သိအောင် ကြေညာမောင်း ခတ်တာလဲ ဖြစ်နိုင်ပါတယ်။

သတင်းများကို ရေနံဆီမှန်အိမ်ထွန်းပြီး ကြေညာပါတော့ မယ်ရှင်

(ကိုပီတာ ဘလော့ မှ)

နီပေါနိုင်ငံမှာတော့ နိုင်ငံအတွင်း လျှပ်စစ်မီးများ ပြတ်တောက်မှုတွေကို သက်သေပြတဲ့ အနေနဲ့ နီပေါ ထိပ်တန်း ကန်တီပူရ် ရုပ်မြင်သံကြား အသံလွှင့် ဌာနကနေပြီး၊ ပြီးခဲ့တဲ့ ဖေဖော်ဝါရီ လတုန်းက ညစဉ် သတင်းတွေကို မီရောင်မှိန်မှိန် ( မှောင်ရီဝိုးတစ်ဝါး ) အခြေအနေနဲ့ မီးအိမ်လေး ထွန်းပြီး ထုတ်လွှင့်  တင်ဆက်ခဲ့ဖူးတာကို တွေ့ရပါတယ်။

ကလေးငယ် လမ်းဘေးခွေးများ ၀ိုင်းကိုက်ခံရပြီးနောက် ခွေးနှိမ်နှင်းရေးများ မော်လမြိုင်မြို့တွင် ပြုလုပ်

လွန်ခဲ့သည့် ၂ ပတ်ဝန်းကျင်က မော်လမြိုင်မြို့ တောင်ပေါ်တန်းရပ်တွင် ၄၊ ၅နှစ် အရွယ်ကလေးငယ်ကို လမ်းပေါ်တွင် ကျက်စားလေ့ရှိသည့် ခွေးအုပ်က ၀ိုင်းကိုက်ခဲ့သဖြင့် ကလေးငယ်မှာ ဆေးရုံရောက်သည်အထိ ဒဏ်ရာရရှိခဲ့ပြီးနောက် ယခုအခါ မော်လမြိုင်မြို့၌ ခွေးနှိမ်နှင်းရေးများ ပြုလုပ်နေသည်ဟု မြို့ခံများကပြောသည်။

ထိုစဉ်က ကလေးငယ်မှာ အခြားကလေးဖေါ် တစ်ဦးနှင့်အတူ လမ်းလျှောက်လာစဉ် ခွေးအုပ်က ၀ိုင်းကိုက်သဖြင့် အသက် ၈ နှစ်ရွယ် ကလေးဖေါ်မှာ ထွက်ပြေးနိုင်သော်လည်း ၄၊ ၅ နှစ်ရွယ်ကလေးမှာ ကျောကုန်း၊ ရင်ပတ်နှင့် လက်များတွင် ခွေးကိုက်ဒဏ်ရာများရ ရှိခဲ့သည်ဟု အဆိုပါ ရပ်ကွက်နေထိုင်သူ တစ်ဦးက မိုးမခ သို့ပြောသည်။

ထိုသို့ဖြစ်ပျက်ပြီးနောက်တွင် မော်လမြိုင်မြို့ စည်ပင်သာယာအဖွဲ့က အဆိပ်ထည့်ထားသည့် အသားတုံးဖြင့် လမ်းပေါ်ရှိ ခွေးများကို နှိမ်နှင်းလျက်ရှိပြီး လမ်းပေါ်မှ ပိုင်ရှင်မဲ့ခွေးများကို ကာကွယ်ပေးထားသူ၊ ဖွက်ထားသူရှိပါက အရေးယူခံရမည်ဟုလည်း အသံချဲ့စက်ဖြင့် လိုက်လံကြေညာခဲ့သည်ဟု အဆိုပါရပ်ကွက်ခံက ပြောပြသည်။

မော်လမြိုင်မြို့တွင် လမ်းပေါ်တွင် ကျက်စားသည့် ပိုင်ရှင်မဲ့ ခွေးများပေါများလွန်းသဖြင့် ဆိုင်ကယ်စီးသူများ မကြာခဏ တိုက်မိပြီး ဆိုင်ကယ်တိမ်းမှောက်ကာ ဒဏ်ရာရလေ့ရှိသည့် အတွက်ဆိုင်ကယ်စီးရာတွင် ခွေးကို အလွန် သတိထားရသည် ဟု အသက် ၄၅ နှစ်အရွယ် မော်လမြိုင်မြို့ခံတစ်ဦးက ပြောသည်။ မကြာမီရက်ပိုင်း ကပင် ဆိုင်ကယ်ဖြင့် သမီးကျောင်းကြိုပြန်လာသူတစ်ဦး ခွေးကို တိုက်မိပြီး တိမ်းမှောက်ကာ ပွန်းပဲဒဏ်ရာများရပြီး ရက်အနည်းငယ်အကြာတွင် ဦးနှောက် အတွင်း ထိခိုက်မှုရှိခဲ့သဖြင့် အကြောဆွဲသည့် လက္ခဏာများ ပြသလာပြီး ရန်ကုန်ဆေးရုံသို့ တင်ပို့ကုသခဲ့ရသည့် အဖြစ်လည်း ရှိသည်ဟု ဆွေမျိုးသားချင်း တဦးကပြောပြသည်။

မော်လမြိုင်မြို့သာမက ရန်ကုန်မြို့တွင်လည်း ပိုင်ရှင်မဲ့ ခွေးပေါများလွန်းပြီး ပတ်ဝန်းကျင် ညစ်ညမ်းမှု၊ ဆူညံမှု တို့ဖြစ်စေသည်ဟု ရန်ကုန်မြို့ ကျောက်တံတား မြို့နယ်တွင် နေထိုင်သူတဦးက ပြောသည်။ မကြာသေးမီက ၀က်ဆိုက် သတင်းဖေါ်ပြမှု တစ်ခုတွင် ရန်ကုန်မြို့တွင် ခွေးကောင်ရေ ၁ သိန်းရှိသည်ဟု ဖေါ်ပြထားပြီး လူဦးရေ ၆ သန်းနီးပါးရှိသည့် အတွက် လူ ၆၀ လျင် ပိုင်ရှင်မဲ့ ခွေးတကောင်နှုန်း ရှိသည့်သဘောလည်း ဖြစ်သည်။

မိုးမခ မှ တိုက်ရိုက် ကူးယူ ဖော်ပြပါသည်။

ရတနာမိုင်ကို ဂျပန်အမျိုးသမီး အဆိုတော် ပန်ကြား

ဂျပန်အမျိုးသမီးအဆိုတော် Utada Hikaru ဟာ မအားလပ်တဲ့ကြားက တခုတ်တရ appointment ယူပြီးတော့ ပရလောကသားများကို ဆက်သွယ် ရင်ဖွင့်လာပါတယ်။

သူမ ပြောတာကတော့- ယနေ့ မြန်မာနိုင်ငံမှာရဲ့ဂီတပွဲတွေ၊ ဖက်ရှင်ရှိုးတွေမှာ ဂျပန်ဒီဇိုင်း ဖက်ရှင်တွေ ခေတ်စား လာတာနဲ့အမျှ သူမလည်း အားလပ်တဲ့ အချိန်တွေမှာ Myanmar Celebrity အပါအဝင်
အခြား စိတ်ဝင်စားဖွယ် website များကို ကြည့်ရှုမိကြောင်း၊ သူ့မရဲ့ First Love သီချင်းအား မြန်မာ အဆိုတော် ရတနာမိုင် ဆိုထားတာကို Myanmar Celebrity website မှာကြည့်လိုက်ရကြောင်း၊

ရတနာမိုင်ဟာ သူမရဲ့ သီချင်းကိုပြန်ဆိုထားရာမှာ သံစဉ်ကို ကော်ပီ ကူးထားတာမျိုး မဟုတ်ပဲ သီချင်းတစ်ပုဒ်လုံးကို ဂျပန် စာသား တွေကအစ အသံနေအသံထားပါ တထေရာတည်းဖြစ်အောင် သီဆိုနိုင်တဲ့အတွက် သူမ အပါအဝင် အိမ်သူအိမ်သား အိမ်ဖေါ်တွေကအစ သူမရဲ့ ဂီတ အသိုင်းအဝိုင်းကလည်း အံ့သြ ဝမ်းသာ လက်ဖျားခါခဲ့ရပါကြောင်း၊

သူမရဲ့ သီချင်းအားလုံးကို ရတနာမိုင်အား ဆိုခွင့်ပြုဖို့စဉ်းစား ထားပေမယ့် ရတနာမိုင်ကို တစ်ခုတော့ အနူးအညွတ် တောင်းပန်လိုပါကြောင်း၊

(Photo: MyanmarCelebrity)

အဲဒါကတော့ "သူမရဲ့သီချင်းကိုသီဆိုတဲ့အချိန်မှာ ဖင်ကိုကောက်ကောက်ပြီးမဆိုဖို့" ပဲဖြစ်ကြောင်း၊

ဂျပန်မှာ ကျင်းပတဲ့ မြန်မာရှိုးပွဲကို ရတနာမိုင် လာရောက် ဖျော်ဖြေမယ်ဆိုလို့ ရှိရင်လဲ၊ အတူတူ သီဆိုဖို့အတွက် " ဝ,ထ,က,လ,သ" သီချင်းကို လေ့ကျင့်နေကြောင်း ပြောကြားသွားပါတယ်။်

Utada Hikaru ရဲ့ First Love

ရတနာမိုင်ရဲ့ သီဆိုဟန်ကို ရှုစားရန် ...

@ပရလောကသားများ