နတ်တွေ စုတေ့လျှင် မြန်မာပြည်မှာ လူဖြစ်သည်

မြန်မာပြည်ရဲ့ လူဦးရေဟာ ၂၀၀၉ မှာ ၄၄.၂ သန်းရှိတယ်လို့ ကုလသမဂ္ဂ စာရင်းဇယားတွေမှာ ဖော်ပြပါတယ်။

ဒါပေမဲ့ ၂၀၁၀ မှာ မြန်မာပြည် လူဦးရေ ၅၉.၁ သန်းရှိတယ်လို့ မြန်မာ လ၀က ၀န်ကြီးဌာနက ပြောပါတယ်။ တစ်နှစ်အတွင်း လူဦးရေ ၁၅ သန်း အပ်ချလောင်း ဆိုသလို ချက်ချင်း တိုးပွားလာတာဟာ နတ်ပြည်က နတ်သား နတ်သမီးတွေ မြန်မာပြည်မှာ လူပြန်ဖြစ်လို့ အခုလို တိုးပွားလာတာဖြစ်ကြောင်း လ၀က ၀န်ကြီးက ရှင်းပြပါတယ်။

တစ်နှစ်ကို လူဦးရေ ၂.၀၂ ရာခိုင်နှုန်း တိုးတဲ့ မြန်မာပြည်မှာ အခုလို အဆမတန် လူဦးရေ တိုးပွားရခြင်းဟာ နတ်တွေ လူဖြစ်တာကလွဲရင် အခြား နည်းလမ်း မဖြစ်နိုင်ကြောင်း ၀န်ကြီးက ပြောပါတယ်။ နတ်တွေတောင် မြန်မာပြည်မှာ လူဖြစ်ချင်တာကို ကြည့်ခြင်းဖြင့် မြန်မာပြည်ဟာ ကမ္ဘာပေါ်မှာ အလွန် နေချင့်စဖွယ် အေးချမ်းသာယာပြီး ခေတ်မီဖွံ့ဖြိုး တိုးတက်တဲ့ နိုင်ငံ ဖြစ်တယ်ဆိုတာ ငြင်းချက် မထုတ်နိုင်လောက်အောင် အမှန်ပင် သေချာကြောင်း သူက ဆက်ပြောပါတယ်။

ဒါပေမဲ့ မြန်မာ အစိုးရ ၀န်ကြီးရဲ့ ရှင်းလင်းချက် မှားယွင်းဖွယ် ရှိကြောင်း၊ အခုလို ဗြုန်းစားကြီး အပ်ချလောင်း တိုးပွားလာတဲ့ လူဦးရေ ၁၅ သန်းဟာ ငရဲ၊ တိရစ္ဆာန်၊ ပြိတ္တာ၊ အသူရကယ် တွေ မြန်မာပြည်မှာ လူပြန်ဖြစ်တာလဲ ဖြစ်နိုင်ကြောင်း၊ မြန်မာ့အရေး ကျွမ်းကျင်သူ အချို့က သုံးသပ်ပါတယ်။

မြန်မာပြည်ရဲ့ ၂၀၀၉ လူဦးရေကို ကုလသမဂ္ဂနဲ့ လက်အောက်ခံ အဖွဲ့အစည်းတွေက ၄၄.၂ သန်း၊ Lonely Planet က ၄၇.၄ သန်း၊ အမေရိကန် CIA က ၄၈.၁ သန်း အစရှိသဖြင့် ကွဲပြားစွာ ဖော်ပြပါတယ်။ ပြီးခဲ့တဲ့ ၂၀၁၀ ရွေးကောက်ပွဲ ကာလတုန်းကဆိုရင်လဲ မြန်မာပြည်ရဲ့ လူဦးရေကို သန်း ၅၀၊ ၅၁ သန်း၊ ၅၂ သန်း၊ ၅၄ သန်း၊ ၅၇ သန်း အစရှိသဖြင့် ဖော်ပြခဲ့ဖူးပါတယ်။ အခုလို လူဦးရေ မတည်ငြိမ်ရတာဟာ နတ်ဗီဇာ ကင်းလွတ်ခွင့်ကြောင့် နတ်သား၊ နတ်သမီးများ အနေနဲ့ မြန်မာပြည်နဲ့ နတ်ပြည် ကူးချည်သန်းချည် သွားလာနေတဲ့ အတွက် အခုလို မြန်မာပြည် လူဦးရေ လျော့လိုက်၊ တိုးလိုက် ဖြစ်နေရတာပါ လို့ လ၀က ၀န်ကြီးက ရှင်းပြသွားခဲ့ပါတယ်။

Read More ...