နေပြည်တော်တွင် ကြောက်စာ အသစ်တစ်ခု တူးဖော်တွေ့ရှိ

မြန်မာပူရ နေပြည်တော်ကြီးတွင် ကြောက်စာ အသစ်တစ်ခု တူးဖော်တွေ့ရှိရကြောင်း မိုးမခ မီဒီယာ တွင် ဖော်ပြချက်အရ သိရှိရပါသည်။ အဆိုပါ ကြောက်စာကို ရှေးဟောင်းသုတေသန ကြောက်စာဝန် ဂျော်ဒီးက တူးဖော်တွေ့ရှိကြောင်း၊ ကြောက်စာပါ အကြောင်းအရာများကို ထောက်ရှု၍ အဓမ္မကြပ်ပြေး နေပြည်တော် မင်းတြားကြီး ကြောက်စာဟု အမည်ပေးထားကြောင်း သိရသည်။ ကြောက်စာပါ ခုနှစ် သက္ကရာဇ်နှင့် လက်ရေး လက်သား အနေအထားအရ စစ်အာဏာရှင် ခေတ်နှောင်းတွင် ရေးထိုးခြင်း ဖြစ်ကြောင်း ကြောက်စာဝန်ကြီးက သုံးသပ်သည်။ မြန်မာပြည်တွင် ယခု နောက်ဆုံး တွေ့ရှိသော နေပြည်တော် မင်းတြားကြီး ကြောက်စာပါ ရေးထိုးချက်များမှာ အောက်ပါ အတိုင်း ဖြစ်ပါသည်။

ကာတွန်း- မောင်ရစ် (မိုးမခ)

အဓမ္မကြပ်ပြေး နေပြည်တော် မင်းတြားကြီး ကြောက်စာ
ဂျော်ဒီး
မေ ၂၀၊ ၂၀၁၁
(စစ်အာဏာရှင် ခေတ်နှောင်း)

ဗုဒ္ဓံ ... မြတ်စွာဘုရား ဆင်းတုများကို ဗိုက်ဖောက်၍ ဌာပနာ ယူပါ၏။

ဓမ္မံ ... တရားတော်မြတ်ကို မထီမဲ့မြင် လုပ်ချင်ရာ လုပ်ပါ၏။

သံဃံ ... သံဃာတော် အရှင်မြတ်များကို ... သေနတ်နှင့်ပစ် ... တုတ်နှင့်ရိုက် ... လူဝတ်လဲကာ ထောင်ချပါ၏။

၁။ ကောဇာသက္ကရာဇ် ၁၃၇၃ ခုနှစ်၊ ဘုရားသာသနာနှစ် ၂၅၀၀ လွန်လေပြီးရကား ... ဤ … အဓမ္မ ကြပ်ပြေး နေပြည်တော်၌ … အဓမ္မရာဇာ ကြပ်ပြေးမင်းတြားကြီး ... ငါ ... ဖြစ်တော်မူလတ်၏ ...။

၂။ ဤ ... ငါ မင်းကြားကြီး၏ ဖေကြီးပေါက်ဖော် ... ပထွေးတော် ကုလားနှင့် အဝေးအနီး တိုင်းပြည်ကြီးငယ် အသွယ်သွယ်မှ သားရေတမြားမြားကျရှာသော လောဘခေါင်အိုး မိတ်ဆိုး ဆွေညစ် သခင်သစ်တို့အား ... တိုင်းပြည်တဝှမ်း မြေပေါ်မြေအောက် လှန်လှောက်တူးဆွရသမျှ သယံဇာတ အဝဝကို လည်းကောင်း ...။ ပြည်သူပြည်သား နယ်ခြားမြို့စွန် ... မြစ်မချောင်းသွယ် ... ရွှံ့ဗွက် အိုင်ငယ် မကျန် ကျွန်သီးကျွန်ခိုင်အဖြစ် (ငါ့မယား … ငါ့သားသမီး ... ငါ့ဥစ္စာ ... မပါရွေ့) ကျီးထိုး လောက်စား ထားရာနေ စေရာသွားစေနိုင်ရန်လည်းကောင်း ... ရက်ရက်ရောရော လှူတော်မူလတ်၏။

၃။ ဖေကြီးပေါက်ဖော် ပထွေးတော် ကုလား နှင့် လောဘခေါင်အိုး မိတ်ဆိုးဆွေညစ်များ ပြန်လည် ပေးသနားသော တံစိုးလက်ဆောင် အစုစုကို ငါ့အိတ်ထောင်တွင်း အပြည့်အတင်း ဖြည့်တင်းပြီးသကာလ ... ကျန်ရာမျှဝေ ... ငါ ... ခိုင်းစေသမျှ စေသည့်ကျွန်၊ ထွန်သည့်နွားများ အရိုးအရင်းမျှ လျှက်ကြစေရန်လည်း ရက်ရက်ရောရော စွန့်ကြဲတော်မူလတ်၏ ...။

၎။ ထိုထိုသော အလှူပေးရခြင်းအကျိုးငှာ တိုင်းသားပြည်သူ ငြူစူစိတ်ဝမ်း တစက်မျှ မလန်းရအောင် ... ငါနှင့်မတူ ငါ့ရန်သူ မှတ် ... သတ်ဖြတ်ညှဉ်းဆဲ ထောင်သွင်း အကျဉ်းချစေလျက် ... လွတ်ရက်မရှိ ... အနှစ် ၁၀၀ ... ၅၀ တိုင် ... သံတိုင် အချုပ် ခိုင်ခိုင်တုတ်ခဲ့သော ... ငါ … လုပ်ခဲ့သမျှ အကုသိုလ် အဝဝထက် အဆ ... ရာထောင်မက ... ဝိဘာဂ ဝဋ်ကြွေးကို ဘတလုံးတဝတည်း ပြန်လည် ခံစားရပါစေသား ...။ မြေတွင်း တူးမြောင်း … လိုဏ်ခေါင်းသွယ်သွယ် ... ၌ ... နှစ်ပေါင်း ကုဋေကုဋာ ပိတ်ဆို့ ခံနေရပါစေသား။

ထို … လိုဏ်ခေါင်းငရဲ ... အနုမြူ မီးကျီးခဲတွင် ရဲရဲကင်ခံရသကဲ့သို့ တံကျင်လျှိုနေရသော ကာလ၌ ... ငါ ... သူတပါး အားပြုခဲ့သလို ... ငါ့မိသားစုကို ... စိတ်ကြေ ကိုယ်နွမ်း မပန်းစေလိုရွေ့ ... ငါနှင့်အတူ ... ငါ့အသက်နှင့်တူသော ... မျက်စေ့ မျက်ဆန် ... ဖြစ်တော်မူထသော ... ငါ့မယား ... ငါ့သမီး.. ရှုမငြီးသည့် ... မျောက်ထီး မျောက်မ … ဘုစုခရု ... မြေးတစုအပြင် ... ငါစေ ခိုင်းသမျှ ... မြေမကျအောင်… ဘောင်းတော်ညိတ် ... စိတ်တော်သိ ... တပည့်လက်ပါးစေ … ဝေလေလေတို့ ...။ ကြီးကြီးငယ်ငယ် ... ရွယ်ရွယ်လတ်လတ် ... တယောက်မကျန် … ငါ၏ အဖို့ဘာဂ ... အကုသိုလ်အဝဝကို ... ငါနှင့်ထပ်တူ ... ခပ်သိမ်းအတူ ရပါစေသတေး ...။ အရေးအရာ … ယူပါစေသတေး ...။

၅။ ငါ၏ ... အမှုအကုသိုလ် အစုစုကြောင့် ... ဤ … ဘဒ္ဒကမ္ဘာတွင် ... ရှာကာမှရှား နိုင်ငံရေး အကျဉ်းသားများစွာ ပိုင်ဆိုင်ထသော ... အာဆီယံ ဒုက္ခအိုးလေး … ဘဝမှ ... ဥက္ကဋ္ဌဆိုးလေးဘဝအဖြစ် ... သေမည့်နှစ်တွင် ... ဖြစ်စေသတေး ...။

စားရမှာလည်း ... လူ့အခွင့်အရေး ချိုးဖောက်မှုတည်းသော သဲတရှပ်ရှပ် ...။ ပစ်ရမှာလည်း ... သဘာဝဓာတ်ငွေ့၊ ရွှေ ငွေ ကျောက်သံ ... သယံဇာတ ... တဝင်းဝင်း...။ လည်ပင်းတနင်နင် ... သားရေ
တငင်ငင်နဲ့ စုံလုံးကန်း ... ပါးစပ် ပိတ် ... ဘာ ... ယံ ... ညာ ... ယံ ... အကာအရံ ပေးနေသော ... အိမ်နီးချင်းဆိုး ... သူခိုးဓားပြ … လောဘအိုး ... အားလုံး ... ငါနှင့်အတူ ... ကမ္ဘာ့အလည် … မျက်နှာငယ် ... တံတွေးခွက် ပက်လက် ... ဖြစ်စေသတေး...။

၆။ ထိုသော ... ကာလ … ထိုဘဝ၌ … အူကြောင်အူကြား ကိုယ့်ဘာသာစကားကိုမျှ ... အဓိပ္ပာယ် နားမလည် ... အမိန့်တော် ပေါက်ကရ … ထုတ်တတ်လှသော ... “လွတ်ငြိမ်းချမ်းသာခွင့်” ဆိုတာ ဘာမှန်း မသိရှာထသော ရူးပေါသွပ်နှမ်း … သမ္မတလူကြမ်းအဖွဲ့မှ အကန်းများနှင့် အဖူးရစေ ...။

လိုဏ်ခေါင်းငရဲ .. အနုမြူ မီးကျီးထဲ ... ၌ ... ရဲရဲ ဖုတ်ကင် ... တံကျင်လျှိုခံဘဝမှ ... မလောက်လေး မလောက်စား ... တစက္ကန့်မျှ လျှော့ပေါ့လေကြောင်း ... မောင်းထု ကြော်ညာ ... အုတ်အော်သောင်းတင်း ... အရှက်ကင်းမဲ့ ... လူပုံအလယ် ... ငယ်ထိပ်ပေါ်… သေးနဲ့ပန်းပြသလို ... အစော်အကား ... မခံရပါလိုသတေး ...။

ဤ … လိုဏ်ခေါင်းငရဲ ... အနုမြူ မီးကျီးခဲထဲမှ တမိနစ် … တစက္ကန့်မျှ မဆိုထား ... ဘဝအသင်္ချေ ... သိန်းသန်းကုဋေ ... ကုဋာ … လွတ်လမ်း မရလိုပါသတေး...။

(ကြပ်ပြေးနေပြည်တော်အနီး ... ဥပ္ပါတသန္တိ စေတီတော် ... တွင်း … အောက်ဘက် ငရဲပြည်သို့
မျက်နှာမူသော ... အရပ်၌ … ရေးထိုးထားသော ... အဓမ္မကြပ်ပြေး နေပြည်တော် အဓမ္မရာဇာ မင်းတြားကြီး ကြောက်စာ)

(တူးဖော်တွေ့ရှိသူ ... ကြောက်စာဝန် … ဂျော်ဒီး)


မူလ ကျောက်ထက် အက္ခရာ အရေးအသားကို ကောင်းစွာ ဖတ်ရှုစိစစ်ပြီး အများသူငါ လွယ်လင့်တကူ ဖတ်ရှုနိုင်ရန်၊ ကြောက်စာဝန်ကြီးအနေဖြင့် ပင်ပန်းဆင်းရဲကြီးစွာ စေတနာ ရှေ့ထားပြီး ကွန်ပျူတာအက္ခရာသို့ ဖလှယ်ထားသည့် နေပြည်တော် ကြောက်စာ အစအဆုံးကို မိုးမခမှ တိုက်ရိုက် ကူးယူ ဖော်ပြအပ်ပါသည်။