အိုး .. နို့နို့ ... အိုး၊ အို့ ... အို... အိုး

(Courtesy: BurmeseClassic)

သီချင်းစာသားက- အိုး .. နို့နို့ .. အိုး၊ အို့ အို  အိုး  ဆိုလားပဲ

Click Here to Watch (FB)

စက်မှုစွမ်းအား ခေတ်ကျော်လွှား

မြန်မာနိုင်ငံကို ခေတ်မီဖွံ့ဖြိုးတိုးတက်သည့် စက်မှုနိုင်ငံတော်ကြီးအဖြစ် တည်ဆောက်လျက် ရှိပါတယ်လို့ မြန်မာ့ရုပ်မြင်သံကြား အစီအစဉ်မှာ မကြာခဏ တွေ့မြင်ရပါတယ်။

အောက်မှာ တွေ့မြင်ရမှာကတော့ ပြည်တွင်းဖြစ် ခေတ်မီ မာဇဒါဂျစ်တွေ ထုတ်လုပ်နေတဲ့ မြန်မာနိုင်ငံက ခေတ်မီ "အထူး စက်မှုဇုန်" တခုရဲ့ မြင်ကွင်းပါ။

မြန်မာနိုင်ငံသားတဦး မေးလ်နဲ့ ပေးပို့ထားတဲ့ ခေတ်မီ ဓာတ်ပုံတွေဖြစ်ပြီး ပုံတွေကို google နဲ့ yahoo တို့ကနေ ရှာဖွေထားတာ ဖြစ်တယ်လို့ ဆိုပါတယ်။

@Also Credited to the photographer

အကယ်ဒမီ နေတိုး အောက်လမ်းနည်းများကို အသုံးပြုနေ

Laptop ဟာ Celebrity တစ်ယောက် အတွက် မရှိမဖြစ် လိုအပ်တယ်လို့ အကယ်ဒမီ နေတိုးက ပြောပါတယ်။

"Laptop ကတော့ လက်ရှိ HP Laptop လေးကို သုံးနေပါတယ်။ ဒါလေးကတော့ ကျွန်တော့်အတွက် မရှိမဖြစ်ပါ။ အပြင်သွားရင် အမြဲယူသွားဖြစ်တယ်။ ဘယ်အရာမဆို ဘယ်အကြောင်းအရာမဆို ဒီ Laptop က အသုံးဝင်တယ်။ နောက်ပြီး Celebrity တစ်ယောက်အနေနဲ့ ဒါကလိုအပ်တယ်။ အင်တာနက် သုံးတာပဲဖြစ်ဖြစ် အခြား ကျွန်တော့်ရဲ့ Personal Data တွေ သိမ်းတာပဲ ဖြစ်ဖြစ်ပါ။ အင်တာနက် သုံးတဲ့အခါ www.youtube.com ကို ကျွန်တော် ကြည့်ဖြစ်တာ များတယ်။ ဒါပေမဲ့ youtube ကို မြန်မာပြည်မှာ ပိတ်ထားတော့ အောက်လမ်းနည်းတွေ သုံးပြီး ကျော်ခွကြည့်ရပါတယ်။ ကိုနတ်ရှင်က နှေးတော့ ဗီဒီယိုတွေက တစက္ကန့်လောက် လှုပ်လိုက်၊ အကြာကြီးရပ်နေလိုက်၊ နဲနဲလှုပ်လိုက်၊ ထစ်နေလိုက် ဆိုတော့ ကြည့်ရတာ အဆင်မပြေပါဘူး။ ဒါပေမဲ့ ကျွန်တော့်ရဲ့ ဇော်ဂျီ ဆေးတောင်ဝှေးနဲ့ ကိုနတ်ရှင်ကို ရိုက်လိုက်တော့ ကိုနတ်ရှင်လဲ လန့်ဖြတ်ပြီး မြန်မြန် ပြေးပါလေရော။ ဒီတော့မှ ကြည့်ရတာ အဆင်ပြေသွားတယ်" လို့ နေတိုးက ပြောပြပါတယ်။

ဆေးတောင်ဝှေးပိုင်ရှင် ဇော်ဂျီ-နေတိုး

(screen shot from zawka-ka-nay-thee)

နောက်ပြီး ဖက်ရှင်နဲ့ ပတ်သတ်တာတွေ လေ့လာဖြစ်တယ်။ ပရိသတ်တွေကို ကျွန်တော့်ရဲ့ Facebook စာမျက်နှာတွေကပဲ ဆက်သွယ်ဖြစ်ပါတယ်၊ ပရိသတ်တွေ တမျိုးမထင်ရအောင် ၁၀၀% နေတိုး စစ်စစ် ဖြစ်ပါတယ်လို့ ကြေညာထားပါတယ်” လို့ နေတိုးက ပြောပြသွားပါတယ်။

(from Facebook)

အပြည့်အစုံသို့

တိုင်းပြည်ဘဏ္ဍာငွေရဲ့ ၁% ကျော်ကို ကျန်းမာရေး၊ ၄% ကျော်ကို ပညာရေးတွင်သုံး

မြန်မာနိုင်ငံတွင် တိုင်းပြည် ဘဏ္ဍာငွေ၏ ၁.၃ ရာခိုင်နှုန်းကို ကျန်းမာရေး အသုံးစရိတ် အဖြစ် လည်းကောင်း၊ ၄.၁၃ ရာခိုင်နှုန်းကို ပညာရေး အသုံးစရိတ် အဖြစ်လည်းကောင်း၊ အကြီးအကျယ် အသုံးပြုနေသည်။ ထို့ကြောင့် လူမှုရေး ဦးတည်ချက် လေးရပ်ပါ နောက်ဆုံတရပ်နှင့် အညီ တမျိုးသားလုံး ကျန်းမာကြံခိုင်နေကြပြီး၊ ပညာရည် အထူး မြင့်မားလျက် ရှိကြောင်း သိရသည်။

ဤဆေးရုံသည် တတ်နိုင်သော လူနာများအတွက်

စရိတ်မျှပေး စနစ်ကို ကျင့်သုံးပြီး

မတတ်နိုင်သော လူနာများကို အော်ငေါက် မောင်းထုတ်သည်

(ဓာတ်ပုံ-BSN)
-

ပညာရေးဖြင့် ခေတ်မီဖွံ့ဖြိုး တိုးတက်သော နိုင်ငံတော်ကြီး တည်ဆောက်အံ့ (Photo: Burma Rescue)

တိုးတက်သော နိုင်ငံကြီး တည်ဆောက်ရန် ကျောင်းသားလေးများ ကားပေါ်တိုးတက်ပြီး

ကားတိုးစီး၊ ကားတွယ်စီး နေပုံ (Photo: myatlayngon.blogspot)

ခေတ်မီ နိုင်ငံ တည်ဆောက်ရန်၊ ခေတ်မီနည်းပညာများ သင်ယူလျက်ရှိသည့်

နည်းပညာကောလိပ် GTC ကျောင်းသူ၊ ကျောင်းသားများ စီးနင်းသည့် ခေတ်မီကျောင်းကားပုံ

(မြန်မာနိုင်ငံသားတဦးပေးပို့သည့် ဓာတ်ပုံဖြစ်ပါသည်)

သတင်း အပြည့်အစုံသို့

အမေရိကားမှ Talk Show တင်ဆက်သူ မြန်မာအမျိုးသမီး

(Photo: wikipedia)

အမေရိကားတွင် နာမည်ကြီး Talk Show တင်ဆက်သူ၊ မြန်မာ ဘီလျံနာမကြီး တဦး ရှိပါသည်။ သူမ၏ အမည်မှာ အော်ပရာ ၀င်းဖေ (Oprah Winfrey) ဖြစ်သည်။ ငယ်စဉ်က ဆင်းရဲသဖြင့် ဇာတ်နောက် လိုက်ခဲ့သည်။ ဇာတ်ထဲတွင် ပြဇာတ်မတိုင်မီ တင်ဆက်သော အော်ပရာများတွင် ပါဝင် ကပြခဲ့ရသဖြင့် အော်ပရာ ၀င်းဖေ ဟု အမည်တွင်သည်။ ဒါရိုက်တာ ဦးဝင်းဖေ၊ မီမီဝင်းဖေ တို့နှင့် ဆွေမျိုး တစုံတရာ တော်စပ်ခြင်း ရှိမရှိကိုမူ စုံစမ်းဆဲ ဖြစ်ပါသည်။

@K

အော်ပရာဝင်းဖေ အကြောင်း

ဂူဂဲလ် ဂြိုဟ်တုအား မြန်မာနိုင်ငံမှ ပစ်ချရန် ပြင်ဆင်

အီဂျစ်၊ လစ်ဗျား နိုင်ငံများကဲ့သို့ လူထု အုံကြွမှုများ ဖြစ်ပေါ်လာပြီး အင်တာနက် ဆက်သွယ်ရေးများ ဖြတ်တောက်ခံရပါက ပြတ်တောက်မှု မရှိစေရန် ကူညီနိုင်မည်ဟု ဆိုသော ဂူဂဲလ် ဂြိုဟ်တု တလုံး မြန်မာ့ ကောင်းကင်ယံပေါ်သို့ ရောက်ရှိနေကြောင်း
ဖေဖေါ်ဝါရီ ၂၈ ရက်နေ့ သတင်းတပုဒ်တွင် ဖော်ပြထားသည်။

အဆိုပါ ဂြိုဟ်တုကို လေးဂွဖြင့် ပစ်ချရန် ယနေ့ အမိန့်ထုတ်ပြန်လိုက်ကြောင်း BSN မှ သတင်းရရှိသည်။

ထင်ရှားသော မြန်မာ့အရေး လေ့လာသူ မစ္စတာ ဘာတေးလ် လင့်နာကမူ စကတ်ဒုံးကျည်ဖြင့် ပစ်ချရန် အမိန့်ထုတ်ခြင်း ဖြစ်ကြောင်း ပြောဆိုသည်။ သို့သော် မြန်မာနိုင်ငံ စစ်ဗိုလ်ချုပ်ကြီးများနှင့် ဗိုလ်ပြုတ်ကြီးများ အနေဖြင့် စကတ်များ ချုပ်လုပ်ခြင်း မဟုတ်ဘဲ ချိတ်ထမီများသာ ချုပ်လုပ် ၀တ်ဆင်ဆဲ ဖြစ်သဖြင့် အဆိုပါ ဂြိုဟ်တုကို ထမီကြီးဖြင့် လိုက်အုပ်ရန် အမိန့်ချမှတ် ခြင်း ဖြစ်နိုင်ကြောင်း မြန်မာပြည်သူများက သုံးသပ် နေကြသည်။

@ရိုးရိုး

အပြည့်အစုံသို့

မြန်မာအစိုးရ စကတ်ဒုံးကျည်ထုတ်ရန် ကြိုးစားနေ၊ လောလောဆယ် ချိတ်ထမီအဆင့် ရောက်နေပြီ ဟုသိရ

(BBC News)

မြန်မာအစိုးရ အနေဖြင့် မြောက်ကိုးရီးယား အကူအညီဖြင့် စကတ် (Skirt) ဒုံးကျည်များ ချုပ်လုပ်ရန် ကြိုးစားနေသည်။

(Photo: AP)

သို့ရာတွင် ချုပ်လုပ်သည့် ဒီဇိုင်း လွဲမှားသွားသဖြင့် စကတ်များ ဖြစ်မလာဘဲ ထမီများအသွင် ပြောင်းလဲ သွားကြောင်း သိရသည်။ အဆိုပါ စကတ် နမူနာ ဖြစ်သည့် ချိတ်ထမီများကို ဗိုလ်ပြုတ်ကြီးများ နှစ်ချိုက်စွာ ၀တ်ဆင်ပြီး အင်အားပြလျက် ရှိကြသည်။ နှစ်အနည်းငယ် အတွင်း စကတ်များ အောင်မြင်စွာ ချုပ်လုပ်နိုင်ပါက အခမ်းအနားများတွင် စကတ် ၀တ်ဆင်ထားသည့် ဗိုလ်ပြုတ်ကြီးများကို တွေ့မြင်နိုင်တော့မည် ဖြစ်သည်။

(BBC News)

အပြည့်အစုံသို့

မြန်မာနိုင်ငံတွင် ကျောက်ခေတ် လူနေမှုစနစ် ရှာဖွေတွေ့ရှိ

လွန်ခဲ့သော နှစ်ပေါင်းများစွာက ထွန်းကားခဲ့သည့် ကျောက်ခေတ် ဂူနေ လူနေမှု စနစ်တရပ် မြန်မာနိုင်ငံတွင် ယနေ့တိုင် ထွန်းကားလျက် ရှိနေကြောင်း သုတေသီများ ဖော်ထုတ် တွေ့ရှိသည်။

ခေတ်သစ် ပြဒါးလင်းဂူများ

(Courtesy: geo-spatial-info-burma)

မြန်မာနိုင်ငံတွင် လွန်ခဲ့သော နှစ်ပေါင်း တသောင်းသုံးထောင်ခန့်က ထွန်းကားခဲ့သည့် ပြဒါးလင်းဂူ အတွင်း မှီတင်း နေထိုင်ခဲ့သည့် ကျောက်ခေတ် လူသားများ အကြောင်းကို လူသိများကြသည်။

ထို့နောက်၊ ကြေးခေတ်၊ သံခေတ်၊ မြေရှင် ပဒေသရာဇ်ခေတ်၊ ကိုလိုနီခေတ်၊ လွတ်လပ်ပြီးခေတ် စသည်ဖြင့် ခေတ်အဆက်ဆက် ပြောင်းလဲ လာခဲ့ပြီး၊ ယခုအခါ ကျောက်ခေတ် ယဉ်ကျေးမှုများ ကွယ်ပျောက်သွားပြီဟု လူအများက ယူဆနေကြသည်။

မကြာသေးမီက လေ့လာချက်များအရ မြန်မာနိုင်ငံတွင် ကျောက်ခေတ် ဂူနေလူသား အချို့ ရှိသည်ကို တွေ့ရကြောင်း၊ ဂူနေလူသားများသည် ဥာဏ်ရည်ဖွံ့ဖြိုးပုံ မရကြောင်း သုတေသီများက ဆိုသည်။ လွန်ခဲ့သော နှစ်တသောင်းကျော်က ပြဒါးလင်းဂူတွင် နေထိုင်သည့် ဂူနေလူသားများသည် ဂူနံရံတွင် ပန်းချီရေးဆွဲတတ်သော်လည်း ယခုခေတ် မြန်မာ့ ဂူနေလူသားများသည် လက်ညှိုးညွှန်ခြင်းကိုသာ လုပ်တတ်ပြီး လိုအပ်သည်များကို မှာစားတတ်ကြောင်း သုတေသီများက ရှင်းပြသည်။ ခေတ်သစ် ဂူနေလူသားများသည် စကားမပြော တတ်သေးကြောင်း၊ လက်ဟန် ခြေဟန်ဖြင့်သာ ညွန်ပြကြပြီး၊ အသံထွက်သည်ကို မတွေ့ရကြောင်း မြန်မာ့ ရုပ်မြင်သံကြား သတင်း ကြည့်ရှုသူ တဦးက ပြောသည်။

(Courtesy: geo-spatial-info-burma)

ပြဒါးလင်းဂူမှ ရှေးဦးလူသားများသည် ကျောက်လက်နက်များကို ကိုယ်တိုင် ထုတ်လုပ်တတ်သော်လည်း ခေတ်သစ် ဂူနေလူများမှာ ကိုယ်တိုင် မလုပ်တတ်ကြောင်း၊ သို့သော် ဈေးကြီးပေးကာ ၀ယ်ယူ တတ်ကြောင်း၊ ကိုယ်တိုင် မလုပ်တတ်သော်လည်း လက်နက် အလုပ်ရုံများကို သူတပါး အကူအညီဖြင့် ဖွင့်လှစ်ထားမှုများတော့ ရှိကြောင်း သုတေသီများက ဆိုသည်။ မြန်မာ့ ခေတ်သစ် ဂူနေ လူများသည် တိုင်းပြည်၏ သယံဇာတများကို လူလိမ်လူကောက်များနှင့် ဆက်သွယ်ကာ ကြွပ်ကြွပ်အိပ်များနှင့် လဲလှယ်လေ့ ရှိကြောင်းကိုလည်း စီးပွားရေး ပညာရှင်များက သုံးသပ်သည်။

မြန်မာနိုင်ငံတွင် ကျောက်ခေတ် ယဉ်ကျေးမှု မကွယ်ပျောက်သေးသည်မှာ သေချာကြောင်း၊ ယနေ့တိုင် အသုံးပြုလျက် ရှိသေးသည့် ငရုတ်ကျည်ပွေ့၊ ငရုတ်ဆုံ နှင့် သနပ်ခါး ကျောက်ပျဉ်များက သက်သေပြနေကြောင်း ရှေးဟောင်း သုတေသန ပညာရှင်များက အတည်ပြု ပြောကြားသည်။

လေ့လာလိုသူများ အတွက် အညွှန်း

ဝန်ထမ်းများလစာ တိုးမည်၊ ကုန်ဈေးနှုန်း တက်ပြီ

မကြာမီဖြစ်ပေါ်လာမည့် အစိုးရအသစ်က ၀န်ထမ်းများကို အာဆီယံ နှုန်းထားနှင့်အညီ လစာများ ပေးမည်ဖြစ်ပြီး အစိုးရဝန်ထမ်း လစာများကို ဧပြီလကုန်မှ စတင်၍ နဂိုရှိရင်းစွဲ လစာထက် ၃.၈ ဆခန့် တိုးမြှင့် ပေးတော့မည်ဟု သတင်းများထွက် ပေါ်နေသည်။

အစိုးရ၀န်ထမ်းလစာ တိုးမြင့်သည်နှင့်အညီ ပုဂ္ဂလိက ကုမ္ပဏီကြီးများ၏ ၀န်ထမ်းလစာများကိုလည်း တိုးရန် စီစဉ်နေသည်ဟု သိရသည်။

စီစဉ်နေဆဲဆိုသော ကာလ ဖြစ်သဖြင့် ၀န်ထမ်းများ လစာ မတိုးသေးပါ။ သို့သော် ဆန်၊ ဆီမှစ၍ အခြေခံစားသောက်ကုန် ဈေးနှုန်းများ အလိုအလျောက် မြင့်တက်သွားပြီ ဖြစ်သည်။ အကယ်၍ လစာ ၃.၈ ဆခန့် တိုးပြီး၊ ကုန်ဈေးနှုန်း ၃.၈ ဆသာ တက်ပါက လစာ တိုးရာ မရောက်ဘဲ ထူးမခြားနားသာ ဖြစ်နေမည် ဖြစ်သဖြင့် စိတ်ညစ်မိကြောင်း ၀န်ထမ်းတဦးက ပြောသည်။

အပြည့်အစုံသို့

၁၉၅၄ နောက်ပိုင်းတွင်မှ ဒုတိယကမ္ဘာစစ် ဖြစ်ပွားခဲ့ဟု မြန်မာစာရေးသူတဦး ဖော်ထုတ်

ဒုတိယ ကမ္ဘာစစ်ကြီးသည် ၁၉၃၉ တွင် စတင်ပြီး၊ ၁၉၄၅ တွင် ပြီးဆုံးသည်ဟု ကမ္ဘာ့သမိုင်း ပညာရှင်များက သတ်မှတ်ကြသည်။ ဒုတိယ ကမ္ဘာစစ်မဖြစ်မီ ကာလကို စစ်ကြိုခေတ်ဟုခေါ်သည်။

မြန်မာစာရေးဆရာတဦးကမူ ၁၉၅၄ နောက်ပိုင်းတွင်မှ ဒုတိယ ကမ္ဘာစစ်ဖြစ်ပွားသည်ဟု သမိုင်းမှတ်တမ်းသစ် တခုကို ဖော်ထုတ် လိုက်သည်။ အဆိုပါ တင်ပြချက်သစ်ကို ဖေဖော်ဝါရီ ၂၁ ရက်ထုတ်၊ အလင်းတန်း ဂျာနယ်တွင် တွေ့ရသည်။ ဂျာနယ်တွင် အဆိုပါ စာရေးသူက ၁၉၅၄ မတိုင်မီကာလကို "စစ်ကြိုခေတ်"ဟု သုံးနှုန်းတင်ပြထားသည်။

စစ်ကြိုခေတ်တွင် ကိုလိုနီခေတ်လက်ရာ ဟန်မျိုး မဟုတ်ဘဲ အရှေ့ဟန်နှင့် အနောက်ဟန်ပန် ရောပြွမ်းနေသော ဗိသုကာလက်ရာဟန်တချို့ မြေစမ်း ခရမ်းပျိုးခဲ့ပြီး ထိုခေတ်တွင် တည်ဆောက်ခဲ့သော ရန်ကုန်ဘူတာကြီးမှာ ထင်ရှားသည်ဟု ဖော်ပြပါ စာရေးဆရာက ရေးသားသည်။

အလင်းတန်းဂျာနယ် (စာ-၃၄) မှ

မှတ်တမ်းများအရ ရန်ကုန်ဘူတာကြီး ဗိသုကာဒီဇိုင်းကို ၁၉၄၆ မေလ ၇ ရက်တွင် အတည်ပြုခဲ့သည်။ ၁၉၄၇ ဇန်န၀ါရီတွင် စတင်တည်ဆောက်ခဲ့ပြီး ၁၉၅၄ မေလတွင် ပြီးဆုံးခဲ့ကာ၊ ၁၉၅၄ ခု ဇွန်လ ၅ ရက်နေ့တွင် ဖွင့်လှစ်ခဲ့သည်ဟု သိရသည်။ ကမ္ဘာ့သမိုင်း ပညာရှင်များ သတ်မှတ်ချက် အရ စစ်ပြီးခေတ် တွင် တည်ဆောက်ခြင်း ဖြစ်သည်။

သို့သော် အလင်းတန်းဂျာနယ်ပါ စာရေးသူက ရန်ကုန်ဘူတာကြီးကို စစ်ကြိုခေတ်တွင် တည်ဆောက်ခဲ့သည်ဟု ရေးသားထားသည်။ ထိုရေးသားချက်အရ ဆိုလျှင် ဘူတာကြီး ဆောက်လုပ်ချိန် ဖြစ်သော ၁၉၄၇ မှ ၁၉၅၄ ခုနှစ် အထိ ကို စစ်ကြိုခေတ်ဟု သတ်မှတ်ရာ ရောက်နေပြီး၊ ဒုတိယ ကမ္ဘာစစ်သည် ၁၉၅၄ နောက်ပိုင်းတွင်မှ စတင်သည်ဟု သဘောသက်ရောက်နေသည်ကို တွေ့ရသည်။

ကမ္ဘာ့ သမိုင်း ဖြစ်စဉ်ကို ပြောင်းပြန်လှန်လိုက်သည့် မြန်မာနိုင်ငံမှ စာရေးဆရာ၏ အဆိုပါ သမိုင်းသစ်ကို ဖတ်ရှုရသော ကမ္ဘာတလွှားမှ သမိုင်းပညာရှင်များ အလွန်အမင်း အံသြ တုန်လှုပ်သွားကြကြောင်း သတင်းရရှိသည်။

ဖင်လန်နိုင်ငံ Shat Sa Yar Gyi တက္ကသိုလ်မှ တရုတ်လူမျိုး သမိုင်းပါမောက္ခ Dr Baung Bi Gyot ကမူ မြန်မာစာရေးဆရာ အနေဖြင့် တတိယ ကမ္ဘာစစ် မတိုင်မီ စစ်ကြိုခေတ်ကို ဆိုလိုခြင်း ဖြစ်နိုင်ကြောင်း သုံးသပ်သွားသည်။

အပြည့်အစုံသို့

ရွာဆော်ကြီး

(Courtesy: UAM's Facebook)

ရွာဆော်ကြီး တဦး

ရွာရိုးကိုးပေါက် လျှောက်ပြီး
လော်ကြီးဖြင့် ဆော်သြနေပါသည်။

ဘာတွေကို ဆော်သြ နေသနည်း။
နားဆင်ကြည့်ရှုလျှင် သိနိုင်ပါသည်။

လက်တို့သူ-F.E.F.F Media

ကင်းခြေများတကောင် လွှတ်တော်တက်အမတ်များ ဖမ်းမိ၊ အခြောက်လှမ်းထားကြောင်း သိရ

နေပြည်တော်တွင် လွှတ်တော် တက်ရောက်လျက်ရှိသည့် အမတ်မင်းများ၏ တည်းခိုဆောင် အနီးတွင် တထွာကျော် ရှည်လျားပြီး၊ တုတ်ခိုင်သော နီညိုရောင် အဆင်းရှိ ကင်းခြေများကြီး တကောင် ဖမ်းဆီးရမိကြောင်း သိရသည်။

ဖမ်းမိသော ကင်းခြေများကို ရိုက်သတ်လိုက်ပြီး ယခုအခါ နေလှမ်း၊ အခြောက်ခံ ထားကြောင်း သတင်းတပုဒ်က ဆိုသည်။ အဆိုပါ ကင်းခြေများခြောက်ကို အမတ်မင်းများ အနေဖြင့် ခေါင်ရည်ဖြင့် မြည်းရန် ဆန္ဒရှိနေကြောင်း သတင်းရရှိသည်။

အပြည့်အစုံသို့

B-Ong လက်တို့သည်။

မြန်မာပြည်မှ ဆိုက္ကားများ အရည်အသွေးမြင့်မား

မြန်မာပြည်မှ ဆိုက္ကားများသည် အရည်အသွေး မြင့်မား၏။
ခံနိုင်ရည် အားကောင်း၏။ ကွာလတီကောင်း၏။
ခရီးသည်များစွာ တင်ဆောင်နိုင်အောင် အဆင့်မြင့် နည်းပညာဖြင့် ဖန်တီး တည်ဆောက်ထားပေ၏။
ကွာလတီမြင့် မြန်မာ ဆိုက္ကားများသည်...
အိန္ဒိယ၊ ဘင်္ဂလားဒေ့ရ်ှတို့မှ အရည်အသွေးမြင့်၊ အဆင့်မြင့် ဆိုက္ကားများနှင့် ယှဉ်ပြိုင်နိုင်စွမ်းရှိ၏။

စင်ကာပူမှ ဆိုက္ကားများသည် အရည်သွေးညံ့ဖျင်းကုန်၏။ ခရီးသည်များများ မတင်ဆောင်နိုင်ရှာ။

သြစတြေးလျနှင့် ဥရောပမှ ဆိုက္ကားများသည်ကား ...
မြန်မာ့ ဆိုက္ကား၊ အိန္ဒိယ ဆိုက္ကား၊ ဘင်္ဂလားဒေ့ရှ် ဆိုက္ကား တို့ကဲ့သို့ အဆင့်မမြင့်ကြလေကုန်။
ဥရောပ၊ သြစတြေးလျ ဆိုက္ကားများ၏ ၀မ်းဗိုက်သည် မြေပြင်နှင့် အလွန် နီးကပ်စွာ တည်ရှိနေသောကြောင့် ဖြစ်၏။

အိန္ဒိယမှ အရည်အသွေးမြင့်ဆိုက္ကား (Photo: leelau.net)

အိန္ဒိယမှ ဆိုက္ကား (Photo: leelau.net)

ဝတ်ကောင်းစားလှ ၀တ်ဆင်သော အဆင့်မြင့် လှပျိုဖြူတို့စီးနင်းသည့်
ဘင်္ဂလားဒေ့ရ်ှမှ အဆင့်မြင့် စီးတော်ယာဉ် ဆိုက္ကား (Photo: ranjitwarrier)

ဆိုက္ကားများထဲတွင် ဘင်္ဂလားဒေ့ရ်ှဆိုက္ကားသည်
အဆင့် အမြင့်ဆုံး ဖြစ်သည်ကို တွေ့ရ၏။
မြင့်လွန်းသဖြင့် ထိုင်စရာနေရာသို့ ရောက်အောင်
တော်တော်လေး ကြိုးစားကာ တက်ရောက်ကြရ၏။

အင်ဒိုနီးရှားမှ ကျောင်းပို့ ကျောင်းကြို ဖယ်ရီ-ဆိုက္ကား (Photo: thestar.com.my)

မြန်မာပြည်မှ ဆိုက္ကား (အရည်အသွေးမြင့်သော်လည်း

ဘင်္ဂလားဒေ့ရ်ှလောက် အဆင့် မမြင့်ပေ) (Photo: AP/ Irrawaddy)

စင်ကာပူမှ ဆိုက္ကား (Photo: zealandpublishing)

ဆစ်ဒနီမှ ဆိုက္ကား (Photo: wikipedia)

ဂျာမနီမှ ဆိုက္ကား (မြေပြင်နှင့် နီးကပ်သောကြောင့် အဆင့် မမြင့်ပါ) (Photo: wikipedia)

အာဇာနည်နေ့ ဆိုသည်မှာ ...

အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် အာဇာနည်ကြီးများ လုပ်ကြံမခံရမီ အချိန်ကာလတခု ကပင် ဇူလိုင်လ ၁၉ ရက်ကို "အာဇာနည်နေ့" အဖြစ် သတ်မှတ် တည်ရှိခဲ့ပြီး ဖြစ်ကြောင်း ပြည်တွင်းထုတ် ဂျာနယ် တစောင်က ရေးသားဖော်ပြသည်။

(From: Snap Shot)

ဗိုလ်ချုပ်အောင်ဆန်း၊ သခင်မြ၊ ဒီးဒုတ်ဦးဘချို၊ ဦးရာဇတ်၊ မန်းဘခိုင်၊ ဦးဘ၀င်း၊ မိုင်းပွန်စော်ဘွားကြီး စ၀်စံထွန်း၊ အတွင်းဝန် ဦးအုန်းမောင်နှင့် ရဲဘော်ကိုထွေး တို့သည် ယခင်ကတည်းက ရှိနှင့်ပြီးဖြစ်သော အဆိုပါ အာဇာနည်နေ့ နှစ်ပတ်လည် နေ့ရက်တွင် တိုက်တိုက်ဆိုင်ဆိုင် လုပ်ကြံခံခဲ့ကြရသည်ဟု အထက်ပါ ရေးသားချက် အရ သိရသည်။

ဗိုလ်ချုပ်အောင်ဆန်းတို့ လုပ်ကြံခံရသောနေ့နှင့် ကံအားလျော်စွာ တိုက်ဆိုင်သွားသော အဆိုပါ ရှိနှင့်ပြီး အာဇာနည်နေ့သည် မည်သည့်အတွက်ကြောင့် ဖြစ်ထွန်းပေါ်ပေါက် လာရကြောင်းကိုမူ ဖော်ပြပါ ဂျာနယ်က ရှင်းလင်းမှု မပြုပေ။

အာဇာနည်နေ့သည် အာဇာနည်ဆိုသူ၏ မွေးနေ့ဖြစ်ပြီး၊ ထိုနေ့တွင် ဗိုလ်ချုပ်အောင်ဆန်းတို့ တိုက်တိုက်ဆိုင်ဆိုင် လုပ်ကြံခံခဲ့ရခြင်း ဖြစ်ကြောင်း မူလတန်း ကျောင်းသားတဦးက ရေခဲမုန့်စားရင်း ရှင်းပြသွားသည်။

@MSZ

အပြည့်အစုံသို့

ဒေါ်အောင်ဆန်းစုကြည် Facebook သုံးမည်ပြောသဖြင့် မဇကာပေါက် အလွန်ပျော်ရွှင်

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က Facebook သုံးတော့မည် ဖြစ်ကြောင်း ပြောကြားလိုက်သည်။
သို့သော် ကိုနတ်ရှင် နှေးသဖြင့် စိတ်ညစ်ရသည်ဟု ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်အမည်ဖြင့် တင်ထားသည့် Facebook စာမျက်နှာတခု

(From: Facebook)

အိုင်တီ လောကတွင် မြန်မာလူမျိုးများ၏ အောင်မြင်မှုကို အသိအမှတ်ပြုရန်နှင့် မြန်မာစကား ကမ္ဘာသို့ ထိုးဖောက်ခြင်းကို အသိအမှတ်ပြုရန် Twitter ကို အသုံးပြုလိုကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မကြာသေးမီက ထုတ်ဖော် ပြောကြားခဲ့သည်။ Twitter သည် တွတ်တီးတွတ်တာမှ ဆင်းသက်သော မြန်မာစကားဖြစ်ပြီး တည်ထောင်သူမှာ
မြန်မာ အမျိုးသမီးကြီး ဒေါ်စီ (Jack Dorsey) ဖြစ်သည် (ပြန်ဖတ်ရန်)။

ဒေါ်အောင်ဆန်းစုကြည်က သူမ၏ Facebook ကို စိတ်ဝင်စားမှု မပြသခဲ့သဖြင့် စိတ်မကောင်းကြီးစွာ ဖြစ်ခဲ့ရကြောင်း Facebook တည်ထောင်သူ မြန်မာအမျိုးသမီးငယ် မဇကာပေါက် (Mark Zuckerberg) ကပြောသည်။

ထိုအချိန်မှ စ၍ "မြန်မာများအတွက် Facebook" ဆောင်ပုဒ်ကို ချမှတ်ခဲ့ကာ Facebook ဖြင့် မြန်မာ့ဂုဏ်ဆောင်နိုင်ရေးအတွက် အစွမ်းကုန် အားသွန်ခွန်စိုက် ကြိုးပမ်းခဲ့သည်ဟု သူမကဆိုသည်။

ယခုအခါ မြန်မာအမျိုးသမီး အနုပညာရှင်ကြီး အမေနန်း (Eminem) ဆိုလျှင် Facebook တွင် Fan အများဆုံး စံချိန်တင်နိုင်ပြီဖြစ်ကြောင်း၊ Facebook မှ တဆင့် မြန်မာ့ဂုဏ် ဆောင်နိုင်ပြီ ဖြစ်ကြောင်း မဇကာပေါက်က မြန်မာပီပီ ဂုဏ်ယူစွာပြောသည်။ (25 Feb. သတင်းဖော်ပြပြီး)

ဒေါ်အောင်ဆန်းစုကြည်က "I would like to have a Twitter account and Facebook" (Click Here) ဟု ပြောစဉ်က တွစ်တာကို
ရှေ့တန်းတင်ပြီး Facebook ကို နောက်မှ ပြောသဖြင့် စိတ်မကောင်း ဖြစ်ရသေးကြောင်း၊ သို့ရာတွင် AFP သတင်းဌာနအား
"I want to have both Facebook and Twitter" (Click Here) ဟု ပြောသည့် အခါ အလွန် ၀မ်းသာပျော်ရွှင်ရကြောင်း၊ သူမ၏ Facebook အား Twitter မတိုင်မီ ပထမနေရာတွင် ဦးစားပေး ဖော်ပြ ပြောဆိုသည့် အတွက် ဖြစ်ကြောင်း မြန်မာ အမျိုးသမီးငယ် မဇကာပေါက် ကဆိုသည်။

အင်တာနတ် ဆက်သွယ်ရေး မြန်လာမည်ဟုဆို

မြန်မာ-ဗီယက်နမ် ရိုးရာ အိမ်တွင်းနတ်များ (အင်တာနတ်) ကွန်ယက် ချိတ်ဆက်ရန် စတင် စီစဉ်နေပြီး အဆိုပါ အိမ်တွင်းနတ်များသည် အရှေ့တောင်အာရှ နိုင်ငံများကို ဖြတ်၍ ရေလမ်းခရီးဖြင့် မြန်မာနိုင်ငံ ဖျာပုံမြို့နယ်မှ တဆင့် နိုင်ငံတွင်းသို့ ၀င်ရောက်မည် ဖြစ်ကြောင်း သိရသည်။

ယင်းသို့ ရိုးရာနတ် ကွန်ယက် ချိတ်ဆက်မှုများလေ နတ်သတင်းအချက်အလက် ပို့ဆောင်မှု မြန်လေ ဖြစ်လာမည်ဟု ၂၀၁၁ ရန်ကုန် ဘားကမ့်ပွဲ၌ မြန်မာ့ နတ်လောက ဆက်သွယ်ရေးလုပ်ငန်း၊ သတင်း အချက်အလက်နှင့် နည်းပညာဌာန မှ လက်ထောက် အင်ဂျင်နီယာ ဦးမိတ်ဆွေယခုစိုးက ပြောခဲ့သည်ဟု ဘာကမ့်ပွဲ သို့ တက်ရောက်သူ တဦးက ပြောသည်။

"နိုင်ငံခြားက နတ်တွေ၊ အဲ- ဗီယက်နမ်နတ်တွေ ၀င်လာရင် မြန်မာပြည်က အင်တာနတ် မြန်မယ် မမြန်ဘူးဆိုတာ စောင့်ကြည့်ရမှာပေါ့ဗျာ။ အခုအချိန်မှာတော့ အင်တာနတ်တွေကို တရုတ်နတ်မင်းကြီးရဲ့ ၀ိဥာဉ်နဲ့ ဆက်သွယ်ထားတယ် လို့ကြားတယ်။

မြန်မာပြည်သူတွေ သုံးစွဲနေတဲ့ အင်တာနတ်တွေကိုတော့ ကိုနတ်ရှင် (connection) ဆိုတဲ့ နတ်ကြီးက အုပ်စိုးထားတယ် ဆိုပဲ။
အဲဒီ ကိုနတ်ရှင် ဆိုတဲ့ နတ်ကြီးကလဲ ကိုကြီးကျော်နဲ့ ဆွေမျိုးတော်တယ်လို့ ပြောသံ ကြားပါတယ်ခင်ဗျ။
သူလဲ ကိုကြီးကျော်လိုပဲ.. တချိန်လုံး အရက်မူးနေတာ တွေ့တယ်ဗျ။ သူမူးနေတော့ အင်တာနတ်တွေ လှုပ်စိ လှုပ်စိနဲ့ လှိုင်းစီးသလို လမ်းလျှောက် ကြရတာပေါ့ဗျာ။ ဘယ်မြန်တော့ မတုန်း။ တခါတလေ ကိုနတ်ရှင်ကြီး အမူးလွန်ပြီး သတိမေ့သွားတဲ့ အချိန်တွေတောင် ရှိသေး။ အဲသလို အချိန်တွေဆိုရင် အင်တာနတ်တွေ သုံးလို့ မရတော့ဘူးပေါ့ဗျာ။ ကျွန်တော်တို့ အနေနဲ့တော့ အဲဒီ ကိုနတ်ရှင် ဆိုတာကြီးကို ကျန်းမာ ချမ်းသာတော် မူပါစေကြောင်း၊ အရက်မူးသော်လည်း လမ်းမှန်မှန် လျှောက်နိုင် ပါစေကြောင်း နေ့စဉ် ပူဇော် ပသပြီး ဆုတောင်း နေရပါတယ်ဗျာ" ဟု ရန်ကုန်မြို့ရှိ အင်တာနတ် သုံးစွဲသူ တဦးက ပြောကြား သွားခဲ့သည်။

ကိုနတ်ရှင်ကိုကွယ်.. ပူဇော်ကာ ပသပါတယ်...(Photo: topdecktours)

အပြည့်အစုံသို့

Facebook လူကြိုက်အများဆုံး အနုပညာရှင်အဖြစ် မြန်မာ အဖွားကြီးတဦး စံချိန်တင်

မြန်မာ အဖွားအို အမေနန်း (Photo: sodahead.com)

အမေရိကားရောက် မြန်မာအဖွားအို အမေနန်း (Eminem) သည် Facebook တွင် Fan အများဆုံးရှိသူ အနုပညာရှင် အဖြစ် စံချိန်တင်သွားပြီ ဖြစ်သည်။

ပရိသတ် 28,872,000 ရှိသူ လေဒီ ဂါဂါကို ကြိုက်နှစ်သက်သူပေါင်း 28,883,000 ဖြင့် ကျော်တက် သွားခြင်း ဖြစ်သည်။ အမေရိကန် နိုင်ငံသူ မြန်မာ အမယ်အိုကြီး "အမေနန်း" သည် အမေရိကားတွင် ရိုက်ကူးသည့် မြန်မာရုပ်ရှင် "ရှစ်မိုင်" ဇာတ်ကားတွင် သရုပ်ဆောင်ခဲ့ပြီး၊ မြန်မာဟာသ ဇာတ်မြူး "စောက်ပေါ" (Southpaw) ဇာတ်ကားတွင်လည်း သရုပ်ဆောင်မည်ဟု သတင်းတပုဒ်က ဆိုသည် (ဖတ်ရန်)။

အပြည့်အစုံသို့

အပ်ငွေလွှဲငွေ အိမ်တိုင်ရာရောက် ဝန်ဆောင်မှုပေးသော ဘဏ်များအားအရေးယူမည်

ပုဂ္ဂလိကဘဏ်များ အပ်ငွေလွှဲ ငွေ ကိစ္စများကို အိမ်တိုင်ရာရောက် လိုက်လံဆောင်ရွက်ပါက လုပ်ငန်း လိုင်စင်ရပ်ဆိုင်းမည်ဖြစ်ကြောင်း ဗဟိုဘဏ် ထုတ်ပြန်ချက်များအရ သိရသည်။

ဘဏ်အချို့သည် အပ်ငွေ၊ လွှဲ ငွေလုပ်ငန်းများကို အချိန်ကန့်သတ် ချက်မရှိဘဲ နေရာမရွေးလိုက်လံ၍ လက်ခံ ဆောင်ရွက်နေခြင်းကြောင့် ဗဟိုဘဏ်မှ ဘဏ်လုပ်ငန်းချိန်နှင့် ခွင့်ပြုထားသောနေရာတွင်သာ ဘဏ် လုပ်ငန်းဆောင်ရွက်ရန် ညွှန်ကြား ချက်များ ထုတ်ပြန်လိုက်ကြောင်း သိ ရသည်။

”ဘဏ်တစ်ခုရဲ့ လုပ်ထုံး လုပ် နည်းမှာ အိမ်တိုင်ရာ ရောက်ငွေလိုက်လက်ခံတာမျိုး မပါ ဘူး။ နိုင်ငံတကာမှာလည်း ဒီလို ဝန်ဆောင်မှုပေးတာမျိုး မရှိဘူး။ ဒါပေမဲ့ အိမ်ကနေ ခြေတလှမ်း လှမ်းလိုက်တာနဲ့ ATM စက်ကနေ အချိန်ကန့်သတ်ချက် မရှိဘဲ ၂၄ နာရီ ငွေထုတ်နိုင်၊ ငွေအပ်နိုင်၊ ငွေလွှဲနိုင်တဲ့ ၀န်ဆောင်မှုတွေတော့ ရှိပါတယ်။ အဲဒါကို အတုခိုးပြီးတော့ စက်မဟုတ်တဲ့
ဘဏ်ဝန်ထမ်းတွေကို အသုံးပြုပြီး အများပြည်သူ သက်တောင့်သက်သာ ဖြစ်အောင် ဝန်ဆောင်မှု ပေးခြင်းမျိုးဟာ ဘဏ်လုပ်ငန်း စည်းမျဉ်းဥပဒေတွေနဲ့ မကိုက်ညီပါဘူး။ ဘာလို့လဲဆိုတော့ လူတွေဟာ စက်မဟုတ်လို့ပါဘဲ။

ဒါကြောင့် ငွေအပ်လိုသူ၊ ငွေထုတ်လိုသူတွေ အနေနဲ့ ဘဏ်ကို ကိုယ်တိုင် ကိုယ်ကျ အပင်ပန်းခံ လာရောက် ဆောင်ရွက်တာမျိုးပဲ လုပ်ဆောင်သင့်ပါတယ်”ဟု ဘဏ်လုပ်ငန်း ကျွမ်းကျင်သူ တဦးက သုံးသပ်ပြောကြားသည်။

မြန်မာနိုင်ငံရှိ ATM ဆိုင်းဘုတ်

(စက်များ မရှိသည်မှာ ကြာပြီဖြစ်သဖြင့် ATM မှာ အောင်တော်မူ ကို ညွှန်ပြခြင်း ဖြစ်နိုင်ပါသည်)

(Photo: Flicker)

အပြည့်အစုံသို့

ဗိုလ်ချုပ်ကြီးတို့ အနောက်တိုင်းကို အထင်ကြီး

ဗုဒ္ဓဟူးနေ့ထုတ် မြန်မာ့အလင်းတွင် နယူးယောက်မီးလောင်မှုတခုကို စာဖွဲ့ ဖော်ပြထားခြင်းက မြန်မာဗိုလ်ချုပ်ကြီးများ အနောက်မျှော်ရောဂါထနေကြောင်း ပေါ်လွင်စေသည်ဟု အကဲခတ်များက သုံးသပ်ကြသည်။

(Myanma Alin)

“မီးလောင်တာများ မြန်မာပြည်မှာလည်း နေ့တိုင်းလိုလို ဖြစ်နေတာပဲ။ ခုတော့ သတင်းစာမှာ နယူးယောက်မီးကို ပုံနဲ့တကွ တင်ထားတာ တွေ့ရတယ်။ ဒါဟာ ဗိုလ်ချုပ်ကြီးတွေ အနောက်တိုင်းသတင်းတွေကိုပဲ ဦးစားပေးတယ်၊ အနောက်တိုင်းကိုမှ အဟုတ်ထင်တယ် ဆိုတာ သိသာနေတယ်ပေါ့နော်” ဟု ဖင်လန်နိုင်ငံ Shet Sa Ya Gyi တက္ကသိုလ်၊ နိုင်ငံတကာ လေ့လာရေးဌာန၏ လက်ထောက်ဌာနမှူး ဒေါက်တာ ပေါ်တင်က ပြောသည်။

“အနောက်တိုင်းသားတွေ ပေါက်တဲ့ အီးက ရှူလို့  ပိုကောင်းတယ်ဆိုတဲ့ သဘောပေါ့” ဟု သူက ဂုဏ်ယူစွာဖြင့် ဖြည့်စွက် ပြောကြားသည်။

တခြားသော မြန်မာ့အရေး လေ့လာသူများကလည်း ထိုသို့ ယူဆကြသည်။ သို့သော်လည်း ၎င်းတို့က BSN အတွက် ရေးမည့် သတင်းဖြစ်သောကြောင့် သုံးသပ်ချက် တရားဝင် ပေးရန် ငြင်းဆန်ကြသည်။

နယူးယောက်မီးသတင်း ဖော်ပြမှုနှင့် ပတ်သက်ပြီး အကောင်းမြင်သူတဦး ရှိသည်။ ထိုသူမှ ငရဲကြီး ၈ ထပ်၊ လေးလွှာ တွင် ရောက်နေသူ ဗိုလ်ချုပ်ကြီးစိုးဝင်း ဖြစ်သည်။

“ဟေ့ကောင် - နယူးယောက်မှာလည်း မြန်မာပြည်သားတွေ အများကြီးနေတယ်ကွ။ ဒါကြောင့် အဲဒီမှာဖြစ်တာတွေကို ငါတို့သတင်းစာက ထည့်ပေးနေရတာပေါ့ကွ။ ငါတို့သတင်းစာကို အဆိုးမမြင်နဲ့ကွ” ဟု ငရဲခန်း အားလပ်ချိန်အတွင်း ပေးပို့သည့် အီးမေးတွင် ဖော်ပြထားသည်။

နယူးယောက်မီးလောင်သည့်နေ့က အင်းစိန်တွင် အိမ်ငါးလုံး ပြာကျခဲ့သော်လည်း မြန်မာ့အလင်းက ရေငုံနှုတ်ပိတ် နေခဲ့သည်။ ပြည်ပအခြေစိုက် မြန်မာသတင်းဌာန တခုတွင်မူ ထိုသတင်း ဖော်ပြသည်။

ဗိုလ်ချုပ်ကြီးတို့က အင်းစိန်မီးသတင်းကို စာမျက်နှာထက်သို့ မပို့ရခြင်းမှာ ပြည်တွင်းဖြစ်ကို အထင်မကြီးကြောင်း၊ အနောက်တိုင်းသတင်းကိုမှ အထင်ကြီးကြောင်း၊ အနောက်မျှော်ရောဂါ မည်မျှ ရင့်နေကြောင်း ပြသသည့် သက်သေတခုဖြစ်သည်ဟု ဒေါက်တာပေါ်တင်က သုံးသပ်ပြသည်။

©ဇာနည်ဝင်း

သေဌေးကြီး-ဦးတေဇ လောကီဈာန် ရသွားပြီ

ရေခဲတောင်တွင် ပိတ်မိနေသော တိုက်ကုန်း သေဌေးကြီး ဦးတေဇ ယမန်နေ့က လောကီဈာန် ရသွားသည်။

မူလက ကချင်ပြည်နယ် ဖုန်ကန်ရာဇီ ရေခဲတောင်ပေါ်သို့ အရေးပေါ် ဆင်းသက်ခဲ့ပြီး၊ ရေခဲပြင်ထဲ ရဟတ်ယာဉ် ကျွံကျသဖြင့် မပျံတက်နိုင်ဘဲ ဦးတေဇတို့ လူတသိုက် ဖုန်ကန်ရာဇီ ရေခဲတောင်ပေါ်၌ သောင်တင်နေခဲ့သည်။

(Photo & News: Click Here)

ထိုအတောအတွင်း တိုက်ကုန်းကြီး ဦးတေဇသည် အေးခဲလှသည့် တောင်ပေါ်၌ ရေခဲပြင် အတွင်းအား ကျင့်စဉ်ကို ပေါက်မြောက် အောင်မြင်သွားသည်။ ထို့ကြောင့် သိဒ္ဓိအောင် ဦးတေဇ ဖြစ်သွားကာ ကောင်းကင်ပေါ် ပျံတက်နိုင်ခဲ့ကြောင်း သိရသည်။

ယခုအခါ ဖုန်ကန်ရာဇီ ရေခဲတောင်ပေါ်တွင် ဦးတေဇ မရှိတော့ပေ။ ချင်းပြည်နယ်ရှိ ရေခဲနေသော မဒွယ်တောင်ပေါ်သို့ လောကီဈာန်ဖြင့် ပျံသန်းသွားပြီဟု ဆိုသည်။

(Photos & News: Click Here)

သိဒ္ဓိအောင် ဦးတေဇအနေဖြင့် ထူးရေခဲစက်ရုံနှင့် ရေခဲခြစ်ဆိုင်များတွင် အသုံးပြုရန်အတွက် အဆင့်မြင့် ရေခဲအမျိုးအစားများကို ရေခဲတောင်ပေါင်းများစွာသို့ သွားရောက် ကုန်ကြမ်းရှာဖွေနေခြင်း ဖြစ်သည်ဟု BSN သို့ ပေးပို့သော Boxer ၏ သတင်းတပုဒ်တွင် ရေးသားထားသည်။

ဦးတေဇသည် ယခုအခါ ကောင်းကင်သို့ ပျံတက်ကာ၊ ဝေဟင်တွင် ပျံသန်းနိုင်ပြီ ဖြစ်သဖြင့် ကယ်ဆယ်ရေး ရဟတ်ယာဉ်များ လုံးဝ မလိုအပ်တော့ကြောင်း သိရသည်။ သို့ဖြစ်၍ ထိုင်းနိုင်ငံမှ မှာယူထားသည့် ရဟတ်ယာဉ်ကို ပြန်ပို့လိုက်ပြီဟု သိရပြီး၊ ချင်းတောင်မှ ရေခဲလေ့လာရေး အပြီးတွင် တိုက်ကုန်းကြီး ဦးတေဇ ဈာန်ဖြင့် အိမ်ပြန်လာတော့မည် ဖြစ်ကြောင်း သတင်းရရှိသည်။